A PHILIPPE II, ROI D'ESPAGNE

(Ambassades de Renard, V, 83, 84)

27 juillet i556.

Sire, suyvant les lettres qu'il a pieu à vostre majesté m'escripre du xxi du présent, j'ai sceu pour vray que don Joan de Luna arrivasi à Chantilly, où estoit lors la court du roy de France, et le lendemain vingt-quatriesme dudict moys le connestable luy donnast audience en ung bois qu'est près dudict Chantilly 2

1 Mort en i55o, âgé de soixante-trois * Lacune de six lignes dans la minute-

ans.

Je n'ay encoires parlé à l'amy qui m'a promis m'advertyr de tout ce que passera, pour avoir crédit en ce faict, m'aiant mandé, parl'ung de mes secrétaires que j'envoiez porter ung pacquet pour vostre majesté, dudict xxive, que rien ne se traicterast avec ledict don Joan que je n'en soys adverty; et incontinent queje fuz certainement adverty de ce que dessus, je l'escripviz au Sr cardinal de Trente, et despêchay le corrier pour Milan. Je ne fauldray d'entendre le surplus pour en faire part à vostre majesté.

J'ay eu nouvelles de Rouan que les Angloys fugitifs avec les navires, soldatz et maronniers de France ont prins l'isle de Gernesey ou Grenesey, qu'ilz veullent fortifier. Touteffoys, pour n'en avoir continuation, je ne l'ose asseurer ; mais si elle n'est pas prinse, le déseing desdictz fugitifz estd'eulx impatronir desdictes isles,dont ilz pouront faire grand dommaige en Angleterre, pour ce qu'ilz seront cause qu'il fauldra porter grandz fraiz es portz de Falamoue, Plémoue, Dertzmoue, Pourtzmoue1 et auhres petitz portz du coustel de France, estans lesdictes isles entre la Normandie, Bretaigne et l'Angleterre, et feront plusieurs molestes et destourbicrs aulx subjectz de vostre majesté, quilz navigueront2

[L'on a arresté un ingjéniaire sur les frontières de la Picardie , que Ion dit estre de Bruxelles , que l'on a treuvé saisi des pourtraictz des villes de France, et est prisonnier à Sanglys3. Aussy a l'on prins ung capitaine francois qui avoit charge en Péroné, que l'on dit vouloit vendre ladicte ville de Péroné à vostre majesté.

L'on a envoie cinquante mil escuz audict Péroné, en doublons et escuz soleil, pour la rançon du sieur de Montmorency, et envoie un marchant, nommé Croquet, pour respondre aulx héritiers de Jehan- Niclas de Lalfetad pour ladicte somme, quant ledict sieur de Montmorency sera à Saint-Quentin.

Les prisonniers, vassaulx de vostre majesté quilz sont par deçà sont en désespoir d'avoir liberté, s'ilz. ne sont relaschez avec ledict sieur

1 Falmouth , Plymouth, Darmouth , ' Lacune.

Portsmouth ' Sentis.

de Montmorency, et n'est à croire le maulvais traictement que l'on leur a faict et que l'on continue au conte d'Arc1, qu'est encoires à la Bastille, et deux aultres que l'on n'a voulu mectre hors de la prison, à caution que l'on aye offerte et que je offre de jour à aultre. Par ainsy il plaira à vostre majesté en avoir pitié et souvenance, estans incessamment après moy pour sçavoir s'il y a aulcune résolution sur leur renvoy.

Les serviteurs du sieur duc d'Arschot sont en prisons criminelles avec les criminelz2

J'entend que le cardinal Polo a escript plusieurs lettres à Cortenay pour le divertir des prati cques du duc de Ferrare.

Les soldatz que l'on avoit levez pour le secours du pape passent en Italie, et est party Pierre Strossy et les aultres forensines de Naples pour Marseille, où ilz attendront le légat Caraffa , qui , après avoir ouyt nouvelles du légat Motula, partira par la poste pour son retour. Et n'a pouvoir ledict Strossy sur lesdictz soldatz ni aultre infanterie ; seullement est-il superintendant des entreprinses et du conseil de guerre.

Le sieur roy de France arrive cejourd'hui à Estenay, et sera en ce lieu mercredi prochain.

Ledict sieur don Joan de Luna a baisé les mains dudict sieur roy de France le xxv de ce mois, qui l'a receu à son service , mais je n'entend encoires le traictement qui luy a esté accordé, et jà s'est accoincté d'aulcuns Neapolitains quilz sont en ceste court.

1 (Arcos.) 3 Lacune.

FRANCOIS BONVALOT

ABBÉ DE LDXEUII. ,