PAR LE SIEUR DE RECIN DES BARRES, A BAYARD1, GÉNÉRAL DE BRETAGNE

AD SDJET DES ALLIANCES DE MARIAGE PROPOSÉES PAR FRANÇOIS Ier.

( Mémoires de Granvelle, II, 65.)

Cologne, 6 janvier i53i.

Que l’empereur a entendu par ledici des Barres la charge que ledici général avoit devers feue , de bonne et recommandée mémoire , madame l’archiduchesse, tante de sa majesté, de la part du roy trèschrestien son bon frère , et madame la régente sa bonne mère , touchant les alliances, par laquelle ladicte majesté apperçoit tousjours de plus la bonne et honneste volenté que lesdicts Sr roy et dame ont à l’establissement de la paix , et à rendre l’amitié d’entre sadicte majesté et ledict Sr roy perpétuelle et indissoluble au bien de la chose publique chrestienne et de leurs royaumes, payz et subjectz; dont sadicte majesté mercye grandement lesdicts Sr roy et dame, et leur en désire faire bonne response, laquelle pour le changement survenu à cause du trespas de feu madicte dame sa tante a esté détardée. Et encoires estant sadicte majesté de chemin pour aller en ses Pays-Bas,

' Gilbert Bayard , seigneur de la Font, l’un des secrétaires d’état du roi Fran-

çois Ier ; il fut emprisonné sous le règne suivant.

lui a semblé le mieulx de différer jusques alors, que sera prochainement; et adoncques sadicte majesté dépeschera expressément personnage de confidence et instruid pour aller visiter lesditz Sr et dame , et leur faire entendre de ses nouvelles , et son intention sur ladicte charge, et choses que la peuvent concerner; et requiert ledict sieur général faire cependant en ce , et aultres choses empourtans à ladicte amytié, ce qu’il y verra convenir, comme il a tousjours faict et dont sadicte majesté luy scet très-bon grey. Fait à Coloingne, le vi de janvier fan i53 1, prins à la nativité Nostre-Seigneur.

CHARLES

Et par ordonnance de sa majesté :

PERRENIN.

CVÍII.