A JEAN DE VIGNACOURT, PRÉVÔT DE MONS

(Mémoires de Granvelle, I, 79.)

Vittoria , 1 4 février 1 5 2 2 .

Jan de Wignacourt, mon amy, j’ay receu vos lettres de congratulation de ceste nouvelle ma promotion , qui est plus grande qu’il ne convient à tant petites forces et pouvoir qui est en moy ; mais j’espère que Cestuy qui me a imposé ce fais et charge me subministrera force pour le porter; à quoy vous et tous mes bons amis me pourront ayder, en priant Dieu, nostre créateur et rédempteur, qui ne me vuille, ne son épouse l’Eglise catholicque, délaisser. Vous ferez aussy bien, si vous volez à ce tenir la main, que sa majesté vienne par deçà bientost, affin que je le puisse voir avant mon partement de ces royaulmes, et vous aussy, et que l’enhortez tousjours à la paix et union de la cristienté. Et à tant, Jan de Wignacourt, mon amy, à Dieu soyez. De Victoire, ce xiiii de février, an xvc xxn.

Vostre bon amy et esleu pape, ADRIEN.

Au Sr Jan de Wignacort, prévosi de Mons, gentil-homme de la chambre de l’empereur.