AU COMTE DE GAVRES (D’EGMONT), SIEUR DE FIENNES

{ Mémoires de Granvelle, I, 81.)

Bruxelles, 6 mars i524, V. S.

Marguerite, archiduchesse d’Austriche, régente et gouvernante, etc.

Mon cousin , je vous advise que par lettres de messieurs les ducs de Bourbon et de Milan \ mes cousins , et de bouche par deux de leurs gentilzhommes venus en poste, lesquelz ont estez à la bataille de l’armée de l’empereur contre le roy de France , j’ay ce jourd’hui heu certaines nouvelles que le xximc de febvrier, l’armée de l’empereur a assailly le roy de France en son camp 2, de sorte que combien il fût grandement fortifié , le roy y fut prins prisonnier, xiiiim hommes de guerre tuez dedans le camp, et que la reste qui y fut printlafuitte et a esté entièrement prins ou tué , et ne sçait-on qu’il en est aulcun eschappé. Je vous requiers que, à la consolation des vassaulx et subjectz de vostre gouvernement , vous les advertissez et exhortez et leur ordonnez rendre grâces et louanges à Dieu de la victoire qu’il nous envoyé, par feux dejoye, par processions, oraisons et aultres pieuses œuvres , et surtout faire prier pour le salut des âmes de ceulx qui sont trespassez. Et pour adviser que avons à faire de pardeçà, vous requiers , ceste veue , venir vers moy à Malines , pour avec aultres en délibérer, selon quoy j’entends me régler; et à tant, mon cousin, je prie Nostre-Seigneur vous donner sa grâce. Escript à Bruxelles , le vie de mars xvc xxim.

Vostre cousine MARGUERITE.

Et plus bas :