A MONTFORT, GENTILHOMME DE SA CHAMBRE

(Mémoires deGranvelle, I, 1 36- 1 37. )

Burgos, 8 février 1528.

De par l’empereur,

Chier et féal. Depuis vostre partement avons conduci le change que présentement vous envoyons , comme verrez ; assavoir une lettre qui se payera en Allemaigne de la somme de xxm ducas : les xvmm pour le premier mois des six mille payes d’Allemans que vous avons ordonné amener par deçà, et les aultres deux mille pour extraordinaires, sur lesquelz se pourra aussi prendre ce qu’il fauldra pour Colman, et pour l’amener par deçà. Et quant au second mois, vous envoyons une aultre lettre de change à payer en Flandres, comme verrez par icelle. Et pourrez recevoir l’argent quand viendrez d’Allemagne avec lesdicts Allemans , afin de les payer dudict second mois à leur embarquement. Et quant à la dresse des navyeres, envitaillement d’icelles et autres frais pour le passaige desdicts Allemans par deçà , nous avons fait dépescher une autre lectre de change de la somme de xnm ducas, à payer aussy en Flandres, et en aura charge le sieur du Reulx; car cependent que serez en Allemaigne, il fera appareiller lesdicts navyeres et leur envitaillement, afin que trouviez tout prest;

1 Guillaume de Montfort, gentilhomme du comté de Bourgogne , descendant de l’ancienne et noble famille des .Taillant d’Yvorie, jouissait de toute la confiance de

Charles-Quint , qui l’employa dans plusieurs missions difficiles. Il devint son grand écuyer, et mourut à Mantoue, où l’empereur était alors, au mois de mars i53o.

et par son ordonnance le rentemestre 1 de Zéelande employera lesdicts doulfc mille ducas à ceste eiïect, et en rendra le compte : et velà ce que avons pourveu quant auxdicts Allemans. Et quant à l’artillerie et munition dont avez pourté le billet, ledict sieur de Reulx pourtera aussy le change, jusques à xxm ducas, pour payer le tout et envoyer par deçà avec lesdicts navyeres qui amèneront les Allemans. Parquoy en passant par Flandres, n’oblierez de faire la dilligence de ce que touche ladicte artillerie et munición devers le capitaine Terremonde. Vous aurez aussy souvenance d’advertir madame nostre tante, et nostre cousin le sieur de Bevres2 *, afin qu’ils facent armer le plus de navyeres que faire se pourra, et à dilligence, pour tenir sur la venue du sieur du Reulx alentour de Calaix, envers la bouche de la Tamise ou au canal , s’il étoit possible , sans toutesfois donner à entendre pourquoy l’on arme lesdicts navyeres : car la venue dudict sieur du Reulx, pour bien faire, doit estre tenue secrette par delà, et soulTit que celluy qui sera cliief desdicts navyeres , qui serviront par la mer à l’effect que dessus, le saiche, et non point les compaignons, ni maroniers5, jusques se face l’exécucion, comme bien entendez. A tant, cher et féal, Nostre-Seigneur soit garde de vous. Donné en nostre cité de Bourgos, le huit de febvrier anno xxvm.

Selon que par les lectres de change verrez de ladicte somme de vingt mille ducas, les nm sont à payer en Anvers ou Allemaigne incontenent la lectre viste 4, et les xvinm en Ausbourg au commencement d’avril prouchain, pour le premier mois des Allemans; et les nm pourrez recevoir en passant par Anvers, puisque c’est incontinent la lectre vista , et vous en pourrez ayder pour, par le moyen du comte Félix5, gaigner cappitaines et faire aultres choses extraordinaires, non comprins ce qu’il fauldra pour Colman, comme dict est cy-des-

1 Payeur.

2 Cet amiral était le petit-fils d’Antoine ,

bâtard de Bourgogne, issu du ducPhilippe

le Bon.

5 Gens composant l’équipage , marins.

4 A vue.

5 De Werdenberg, marié à Elisabeth de Neufchâtel, en Bourgogne.

sus. Et quant au second mois du payement desdicts Allemans depuis estre arrivez en Flandres, et pour avec icelluy s’embarquer, la lectre de change porte à payer en my-may prouchain, afin que faictes dilligence qu’il n’y ayt faulte au payement, lequel ledict sieur du Reulx vous fera délivrer; car c’est à payer à luy ou à vous en son absence, ou à celluy qui aura le povoir de l’ung de vous deux. Et cecy avons fait ajouster en ceste lectre afin qu’entendez myeulx nostre intención, et le contenu ès dictes lectres de change. Donné comme dessus. Nous avons ordonné à part à Henry Yelser viiic ducas pour payer l’armurier Colman, oultre les nm ducas de ladicte ordonnance cydessus mentionnez.

CHARLES

Et plus bas:

LALLEMAND

A nostre amé et féal gentilhomme de nostre chambre, le sieur de Montfort.

L’EMPEREUR