A JEAN DE CALVYMONT, AMBASSADEUR DE FRANCE

(Apologie de Charles-Quint, 264.)

Madrid, 18 mars i528.

Monsieur l’ambassadeur, j’ay veu les lectres que m’avez escriptes touchant les parolles que vous ditz en Grenade, et aussi ay veu les extraictz de vostre procès-verbal, par lesquelz j’entends très-bien que ne voulez avoir souvenance de ce que alors vous dictz pour en advertir le roy de France, vostre maistre. Afin que vous redye lesdites paroles pour satisfaire à vostre désir, c’est que je vous ditz alors, après plusieurs propos qui n’estoient de grande substance, parquov

n’est besoing les répéter icy : « Que ledit roy vostre maistre avoit « faict laschement et meschamment de non m’avoir gardée la foy que « j’ay de luy selon le traicté de Madril , et que s’il vouloit dire du « contraire, je luy maintiendroye de ma personne à la sienne. » Velà les propres paroles substancialles que je ditz du roy vostre maistre en Grenade, et je croys que se sont celles que tant désirez sçavoir; car se sont les mesmes que je ditz audit roy vostre maistre en Madril, « queje le tiendroye pour lasche et meschant s’il me failloit, de sa foy « que j’ay de luy. » Et en les disant je luy garde mieulx ce que luy ay promis qu’il ne faict à moy; je le vous escriptz voluntiers signées de ma main, afin que d’icy en avant, vous ny aultres n’en faisiez doubte. Donné en nostre ville dudict Madril, lexvmejour de mars

XVe XXVIII.

CHARLES

Et plus bas :

LALLEMAND

A monsieur l’ambassadeur du roi de France, messire Jehan de Calvymont, chevalier, second président de Bourdeaulx, estant à présent à Poza en Castille.