ADRESSÉE AUX ÉTATS GÉNÉRAUX DES PAYS-BAS

( Mémoires de GranveUe , 1 , 1 1 . )

Assche [en Brabant], 20 décembre i484.

Le comte de Romont et de Sainct-Pol, etc. , lieutenant général de mon très-redoubté seigneur monseigneur le duc de Bourgongne et de Brabant en tous ses pays;

Très-chiers et bien amez, merquedy derrenier passé, xve jour de ce présent mois, nous estant logiés au village de Nostre-Dame de ce lieu, en intention de, ou nom de mondici très-redoubté seigneur et comme son lieutenant général , capitaine de son pays et conté de Flandres, nous transporter avant sondict pays de Flandres, pour y mettre les garnisons nécessaires à la seureté d’icelluy, monseigneur d’Autriche2 envoya pardevers nous Franche - Conté , son hérault et officier d’armes, par lequel il nous fist faire sommation de nous départir dudictlieu, etqueluy feissions rendre mondict très-redoubté

Duchâtel. de Marie de Bourgogne , qu’il avait épou-

Maximilien , fils de l’empereur Fré- sée au mois d’août i4 77. déric III, et veuf, dès le 22 mars i483.

seigneur, monseigneur le duc son filz \ en nous présentant, en cas de reffus, la bataille.

Et pour tant que pour faire response sur ce à mondict seigneur d’Autriche, aussy vous en advertir, afin de scavoir se le mandement par luy expédié pour faire ladicte sommation, adrechant audict Franche-Conté , avoit esté faict à vostre sceu, comme il le contenoit , envoyâmes dès lors par devers icelluy mondict seigneur d’Autriche le roy d’armes de Flandres, en intention qu’il duist parler à vous, et vous monstrer le double dudict mandement, pour en scavoir la vérité; ce qu’il ne s’a peu faire, obstant que2 ledict roy de Flandres a premièrement adressé à mondict seigneur d’Autriche, lequel le a fait tenir si estroitement et garder de si près, qu’il n’a peu avoir accez pour parler à vous et vous advertir de mon intention.

Parquoy , pour nostre honneur garder, en lieu de asseoir lesdictes garnisons, sommes, à la tête de l’armée dudict pays de Flandres, venus jusques en ceste ville, non point pour faire dommaige audict pays de Brabant, ne aulx subgetz d’icelluy, mais (comme dict est) pour garder nostre honneur et respondre à tous ceulx qui nous vouldroient aulcune chose demander. Dont vous advertissons pour tant que désirons à scavoir se estez délibérez de , en soustenant la querelle de mondit seigneur d’Autriche , faire et exploittier la guerre à l’encontre de mondit seigneur son fils, qui est vostre prince et seigneur naturel , et meismement contre ses bons et léaulx subgects de sondit pays de Flandres. Et pour ce que dès hier envoyâmes par devers vous Noir Lyon le hérault, ayant cherge de bouche de vous déclarer ces choses , aussy que estions délibéré de à tout ladicte armée marcher oudit pays de Brabant, et non en partir jusques à tant que nous auriez sur ce faict scavoir vostre résolutive intention ; à ceste cause, obstant que ne le avez fait, escripvons par devers vous, et vous advertissons derechief que sommes icy aujourd’huy arrivé , où nous séjournerons demain pour tout le jour, en attendant 1 Philippe, dit le Beau, né le 2 3 juin 1478. 2 Parce que.

vostre response ; délibéré , de icelle sceue ou non , partir le lendemain, et tirer là où Dieu nous conduira.

Très-chiers et bien amez , Nostre Seigneur soit garde de vous. Escript à Assche, ce lundy xxe jour de décembre, anno 1111“ et mi.