DE SAINT DENIS

A celle montaigne de Mercure fut envoié par Domicien Maxence et mené monseigneur saint Denis et ses compaignons, pour faire sacrifice a Mercure en son temple qui la estoit, et dont il appert encore de la vieille muraille. Et pour ce quil ne le voult faire, fu ramené lui et ses compaignons jusques au lieu ou est sa chappelle, et la furent décollez. Et pour celle cause, ce mont, qui par avant avoit a nom le Mont de Mercure, perdy son nom et fu appelle le Mont des Martirs; et encore est. Ce monseigneur saint Denis fonda a Paris trois églises : la première, de Trinité, cest leglise ou est aouré a présent saint Benoit, et y mit moynnes; la seconde, Saint Estienne des Grecs W, qui par corruption de nom est appellée Saint Estienne des Degrez, et y fist une petite chappelle ou il chantoit; la tierce, Nostre Dame des Champs, en laquelc église il demouroit, et y fu prins. Et ces choses avons nous dit pour monstrer lancienne création de Paris.

Mais encores pour le monstrer plus clerement, Guillermiis Monumetensis^, en sa cronique que len appelle le Brut, dit que ou temps que Brutus se parti de Grèce et que il queroit pays pour habiter, il vint en Acquitaine, dont Golfarius estoit roy , qui estoit Poitevin; et après ce quil fu desconfit de Brutus, il sen vint en France pour querre secours. Et dit que lors en France avoit douze pers qui estoient pareiiz (3) en dignité; et di que ce fu ou temps de Hely. Encores dit il oultre en ce mesme livre que il y ot ung roy en France, ou temps de Ysaïe et dOsée les prophètes, qui ot a nom Aganipus, lequel ot espouséla fille du roy dEngleterre appelle Leyr, lequel fu depuis bouté hors de son royaume dEngleterre, et vint a secours a Aganipus (4', qui passa en Engleterre et a force darmes le remist en son royaume. Par quoy len puet veoir que la cité de Paris fu fondée merveilleusement longtemps avant lempereur Yalentinien(5).