Le m. S., f. 3084, ajoute de Paris
lans d'icelle ou la plus granl partie. Et premièrenieiit d'avoir fait abatre les aides qui couroient pour la deffense du royaume durant la vie du Roy, et comment après ceu qu'ils avoient esté somez et requis de faire aide au Roy, ainsi comme ilz y étoient tenuz, ilz en avoient esté refusans : et jasoit ce que aucune fois ilz lui eussent accordé aucune somme d'argent, toutesvoies n'en avoient-il aucune chose voulu paier; comme par pluseurs foiz il se estoieiît assemblez de leur autorité, sans congié du Roy ne de ses officiers, et avoient fait pluseurs monopoles, coiîspiracions et seremens illicites et desraisonnables ou préjudice du Roy et de la chose publique : comme ilz avoient fortifiée ladite ville de Paris, contre le Roy, de chaiennes et de barrières : comme ilz avoient gardé de leur autorité les entrées et yssues d'icelle ville et les empeschié à qui qu'il leur avoit pieu et par espécial aux gens du Roy. Et aussi comme, après ce que une grant partie des plus notables de ladite ville avoient accordé au Roy, au bois de Vincennes, à lui faire aide commune, c'est assarvoir, imposicion , gabelle et le viif du vin vendu à détail, laquelle aide devoit estre mise sus et commencer à courir le premier jour de mars l'an mil ccc iiii" et un, et ainsi avoit esté crié par la dite ville de Paris le derrain jour de février précédent, pour celle cause pluseurs des plus notables drappiers, merciers, espiciers, marchans de vins et autres s'estoient assemblez secrètement à Paris et avoient, par manière de monopole, promis et accordé ensemble qu'ilz ne souffriroient point la dicte aide commune courir. Et bien acomplirent ceu qu'ilz avoient promis ensemble, car l'endemain jour de samedi et premier jour de mars dessus
dit, quant les gens du Roy Guidèrent cueillir ladite imposicion es halles de Paris, s'estoit esmeu le peuple et aYoient empesebië le cours de ladite imposicion : et n'avoient pas esté de ceu contens, mais avoient tué et meurdri aucuns des gens du Roy et aussi de ceulx qui avoient esté marchans et fermiers des aides du Roy ou temps passé, et avoient esté es hostelx de pluseurs des officiers du Roy et d'aucuns des dis fermiers et les avoient pilliez et robez, et, les aucuns, abatus leurs maisons. Et aussi avoient esté en la rue où demouroient les juifs en ladite ville de Paris, lesquelx estoient en la sauvegarde du Roy, et avoient tué et meurdri tous ceulx qu'ilz avoient trouvez, juifs et juives, pillié et robe tout ceu qu'ilz trouvèrent en leurs maisons; et aussi avoient esté en la maison de la ville, en laquelle avoit bien ii" mailles de plomb qui avoient pieçà esté faiz pour la guerre du Roy, et les avoient pris, ravis et emportez, et avoient rompu les prisons de Chastellet de Paris , délivré les prisonniers du Roy et ceulx de Tevesque de Paris par pareille voie : avoient fermé les portes de Paris et par espécial celle de devers Saint Anthoine, pource que le Roy estoit au bois de Vincennes, et y avoient mis gens d'armes pour la garder. Et jasoit ce que le duc de Bourgoigne, oncle du Roy, fust aie jusques à Saint Anthoine pour parler à eulx et eust parlé à aucuns qui estoient venuz parler à lui, à saufconduit, tous armez, et leur eust dit qu'ils se voulsissent retraire en leurs maisons et il leur feroit pardonner tout ceu qu'ilz avoient fait , et aussi eust envoie personnes notables des gens du Roy à la dite bastide Saint Anthoine, là oùilz estoient ni ou un™ per-
sonnes * de ladite ville, pour leur dire ce mesmes qu'il avoit dit à ceulx qui avoient parle à lui, et les prier doulcement et courtoisement comme ilz se voulsissent retraire , toutes voies n'en vouldrent il riens faire , mais demourèrent touzjours et persévérèrent en leur obstinacion et mauvais propos. Et pluseurs autres choses qu'ilz avoient faittes et dittes ou dommage et préjudice du Roy, leur fist lors dire et exposer le Roy, et aussi comme toutes les autres villes du royaume de France avoient pris exemple à ladite ville et n'avoient voulu faire aucune aide commune et aucunes d'icelles villes s'estoient tenus en rébellion. Et aussi leur fist dire comment ils avoient, depuis ce premier jours de mars l'an mil ccc un" et un dessus dit, demouré touzjours en rébellion, sans donner obéissance au Roy telle qu'ilz dévoient, et comment, durant ce temps, ilz avoient empesché par pluseurs fois le prévost de Paris à faire justice, jusques ad ce qu'il sceurent la victoire que par le plaisir de Dieu le Roy avoit eu en Flandres, car il pensoient bien que au retour le Roy les mettroit en obéissance. Et, non obstant toutes les choses dessus dites, le Roy, voulant user de miséricorde comme ses prédécesseurs ont acoustumé de faire ou temps passé , leur fist lors dire et prononcier qu'il leur quittoit et pardonnoit tous les meffais dessus diz par les modificacions et excepcions qui s'ensuivent.
Premièrement le Roy veult et ordonne que, se les habitans de ladite ville ou aucuns d'iceulx renchéent jamais es meffais dessusdiz, que ceste présente grâce ou rémission leur soit de nulle valeur.
i. Var. S., f. 3084, quatre ou cinq mille.
Item, veult le Roy que ceulx qui sont jà mis à composicion paient ladite composicion nonobstant ceste présente grâce.
Item, réserve le Roy xx de ceulx qui sont jà prisonniers, telx comme il voudra eslire, pour faire pugnir criminelment, s'il lui plaist, ou de telle amende civille comme il lui plaira.
Item, veult le Roy que ceulx qui sont partiz de ladite ville de Paris trois jours avant ceu qu'il entrast à Paris, et depuis qu'il y entra jusques au jour que le cri fut fait et ne retournèrent dedens le dimanche ensivant, selon la teneur dudit cri, demourent banniz, et soient tous leurs biens confisqués et acquis au Roy. Et ces choses ainsi prononcées du commandement du Roy, il ordena que tous ceux qui en vouldroient lettre l'eussent. Et après se leva le Roy et se parti et touz ceulx de sa compaignie.
Item, le x\if jour de may l'an mil trois cent quatrevingt et trois, l'evesque de Norwich, acompaignié de grant foison de gens d'armes anglois et d'archiers, et environ six vingt nefs arrivèrent à Calais pour entrer ou pais de Flandres et conforter les Flamens ennemis du Roy qui là estoient, et disoit-on qu'ilz estoient bien huit mille combatans, et tantost entrèrent ou pais de Flandres. Et le lundi xxv** jour dudit mois de may se combatirent les diz Anglois devant Dunckarque contre aucuns Flamens qui se tenoient de la partie du Roy de France, et furent les diz Flamens desconfiz. Et puis alèrent les diz Anglois mettre le siège devant la ville d'Ippre, et; pour celle cause , le Roy parti de Paris
pour aler encontre les diz Anglois, si comme cy-après sera dit.
Item, le lundi Yf jour de juillet Tan mil trois cent quatrevingt et trois dessusdit, messire Pierre de Courtenay, chevalier anglois, vint à Paris pour combatre à Mess. Guy de la Tremoille, chambellan du Roy et du duc de Bourgoigne, lequel Anglois avoit aati le dit Mess. Guy de bataille, de volunté, sans nulle cause ou occasion.
Item, le mercredi ensuivant vin" jour du dit mois, vint le dit chevalier anglois au palais devers le Roy lui faire la révérence, et lui requist que, comme il eust requis le dit Mess. Guy de bataille et le dit Mess. Guy lui eust octroyé, il pleust au Roy de leur ordener place où la dite bataille se feroit, laquelle place fut dicte au dit chevalier en laquelle estoient jà les lisses faites, c'est assavoir en la cousture Saint Martin de Paris.
Item, le vendredi ensuivant, x® jour du dit mois de juillet, l'an mil trois cent quatrevingt et trois dessus dit, Mess. Pierre de Giac, lors chancellier du duc de Berry, fut fait chancellier de France.
Item, le mardi ensuivant xiv* jour du dit mois de j uillet, r Anglois premièrement, comme requérant, et le dit Mess. Guy de la Tremoille après, entrèrent es dictes lisses, et y estoit le Roy présent sur un eschauffaut, et après ce que on ot veu et après ce que on ot advisé leurs glaives, sans ce qu'ilz feissent aucuns sermens, et que le connestable de France ot dti : laissiez les aler! se partirent chacun de sa place et vindrent l'un contre l'autre pour faire leurs devoirs. Mais le Roy qui ne voult pas souffrir que, sans occasion ou querelle aucune, les diz chevaliers se combatissent, prist
la besoigne en sa main, et ainsi ne se combatirent point.
Item, le dimanche deuxième jour d'aoust l'an mil trois cent quatrevingt et trois dessus dit, le Roy parti de Paris et ala à Saint Denis quérir Toriflambe, et de là en Flandres, pour combatre les Anglois qui là estoient venuz et estoient à siège devant Yppre : et ala droit à Arras, et de là vers Therouenne; et le derrenier jour du dit mois d'aoust se ala logier le Roy à Creseques, près de Therouenne, sur une rivière appellée le Lis. Et l'endemain, premier jour de septembre, cuidoit le Roy veoir son ost ensemble, mais, tant pour la bruyne qui fut grande au matin comme pour les fumées qui furent si grandes au deslogier que on ne véoit goûte, car chacun boutoit le feu en son logeis , et pour la grant multitude du charroy qui y estoit, ne se pot faire. Et, pour ce, ne vit le dit jour fors les gens de la bataille du duc de Bourgoigne, lesquelx furent touz ensemble sur une montaigne, près de Therouenne, touz en bataille, et estoient de six à sept* mille hommes d'armes, et estimoit-on bien que en l'ost avoit bien vingt mille, que chevaliers que escuiers, aux gaiges et soudées du Roy, et ainsi le disoient le connestable et les mareschaux, sans le duc de Bretaigne et ses gens.
Item, ce dit premier jour de septembre fut le premier logis en ordenance, et furent en Tavangarde le dit duc de Bretaigne, le conte de Flandres, les mareschaux de France et de Bourgoigne, et avoit en la dite avantgarde, si comme on disoit, six mille lances, et
