I. Var. ouit

se loga le dit jour, oultre le Lis, à une lieue près de Cassel.

Item, après, estoit la bataille du Roi, où estoient les ducs de Berry, de Bourgoigne, de Bourbon, de Lorraine et de Bar et pluseurs autres grans seigneurs, et disoit-on qu'ilz etoient bien dix mille lances et plus, et furent logiez celle journée à Blandellec *, à deux lieues de Cassel ou environ.

Item, en l'arrièregarde, avoit plusieurs grans seigneurs, contes et autres, et le remenant des gens d'armes qui estoient en l'ost du Roy. Et celle nuit les Anglois qui estoient à Cassel s'en alèrent et boutèrent le feu. L'andemain, jour de mercredi, deuxième jour de septembre, le Roy s'ala logier à une lieue près de Cassel, et estoit l'ost presque tout ensemble, et passa cellui jour le Neuffossé, et demoura au logis le mercredi et le jeudi ensuivant.

Item, le vendredi iv® jour du dit mois, le roy ala logier à Ravemberg et fut son corps logié en un hostel emprès la ville et son ost environ.

Item, ce jour, fut assailli par les gens Mess. Guill. le Bastart*, le Bailly de Victry', et d'aucuns autres