Suppléez 5C//CJ ? — 2. D'étoffes riches

tournay et quatre pour la guerre. Et sur les autres huit chevaulx avoit huit autres chevaliers qui portoient escus des dites armes de Flandres, aveques les espëes dont les (quatre) estoient semblablement pour le tournay et les autres quatre pour la guerre.

Et après iceulx chevaulx, entre eulx et les diz charioz, avoit seulement un religieux qui portoit devant les diz corps une petite croix de bois painte et basse, sans hault baston. Et quant ilz furent en la dite église de Saint Pierre furent faites incontinent, ce jour mesmes, les vegilles moult solennelles, et Tandemain, c'est assavoir le dit lundi, derrenier jour de février, la messe à moult grant luminaire par l'ordenance qui s'ensuit.

Premièrement, s'ensuivent les seigneurs qui offrirent les escuz de la guerre. Le dit duc de Bourgoigne offrit le premier escu, et furent au dit escu attachées treize chandelles, et fut porté lescu du seigneur de Roy ne val et du seigneur de Gruthuse, le quel escu les diz deux seigneurs receurent de Lamequin de la Cousture et de Jehan de Pontalier, escuiers.

Et, aveques ce, offri icellui duc de Bourgoigne treize frans et au retour de la dite offrande s'agenoilla une espasse de temps devant le corps du dit conte.

Dimenche, vingtneuvieme jour de may Tan 1418, au bien matin, entrèrent a Paris messeigneurs de Bar, seigneur de Chasteluz, monseigneur de Lille-Adam et autres plusieurs, de par monseigneur de Bourgoingne, à grant compaignie de gens d'armes et orent toute obéissance en la ville, et si fut pris et emprisonné le conte d'Armignac, pour lors connestable de France, messire Henry de Marie chancellier et plusieurs autres conseillers et officiers du Roy nostre sire ; mesmement gens que l'en disoit avoir empeschié la paix et iceulx qui s'estoient entremis de finances et exactions et qui trop avoient favorisé le dit connestable.

Et assez tost, icelle mesme sepmaine, yssirent du chastel ou bastide Saint Anthoine, qui pas encores n'estoit rendu ne venu en l'obéissance des Bourguignons , plusieurs gens d'armes pour dommager eux et la ville, mais ilz furent forment reboutez, et en y ot plusieurs de mors et occiz près de la dite bastide et en la grant rue Saint Anthoine.

Item, dimenche douzième jour de juing, au vespre, environ huit heures, ot à Paris moult grant armée et assemblée de gens de la ville et des gens d'armes qui estoient dedans, de parle Roy et monseigneur de Bourgoingne, lesquielz, tous en bon amour et union, vindrent en grant nombre et multitude par ceste rue Saincte Geneviefve, tant à cheval comme à pié, en grant effroy, à la porte de Bordelles, pour ce que l'en disoit que près d'ileuc avoit gens d'armes adversaires, dont il n'estoit rien. Si s'en retournèrent en criant par plusieurs rues : Au palays et sur ces prisonniers armignaz; si aurons

paix! et alèrent au petit Chastellet, au Palays, en Chastellet, au Temple, et à tous les autres lieux de Paris où il avoit prisons lesquelles celle nuit et Tendemain ilz rompirent et y entrèrent par force, et tous les prisonniers qu'ilz y trouvèrent occidrent et mirent à mort, tant evesques, chevaliers, escuiers, religieux, bourgois, marchans, prestres, clercs comme autres, jusques au nombre de * {sic) ou environ, si comme la commune renommée en estoit. Entre les quelz furent occiz le conte d'Armignac, paravant connestable de France, messire Henry de Marie chancellier et Raymonnet de la Guerre.

Item, le mercredi ensuivant, quinzième jour du dit mois de juin g, fut crié publiquement de par le Roy et Monseig*" de Bourgoingne que tous banniz estoient rappeliez et restituez à leurs biens meubles et heritaiges.

Item, le lundi, jour saint Jaques et saint Christofle, vingtcinquième de juillet ensuivant, fut le parlement, qui longuement avoit vacqué, mis sus, et quatre présidens ordenez tous nouviaulx, et plusieurs de messeigneurs de la court muez : mon office baillé à maistre Jehan de la Foireuse, et le greffier premier que tenoit maistre Clément de Fauquembergue à maistre Oudart Glepier '.

1. L'auteur du Journal d'un bourgeois de Paris dit qu'on compta 1518 victimes.

2. Quoique cette note ajoutée aux chroniques de Saint-Denis dans le manuscrit de Saint- Victor, n'ait aucun rapport à l'époque dont elles contiennent l'histoire, j'ai cru devoir la donner à cause de l'intérêt qu'elle présente.