SAINT-GERMAIN

Le conte envoïa devers monseigneur de Bourgongne pour secours avoir. Plilippe d'Ardevelle oui dire que le conte avoit secours par les seigneurs de Franche. Si se conssillèrent Flamens que on manderoit au Roi et as seigneurs que point ne venissent en Flandres, et que il avoient Taide au Roi d'Engleterre, et que, s'il les grevoit en riens, il venroit en Franche à tout son effort. Lors se conssillèrent Franchois et s'assamblèrent les seigneurs : et meismes le duc de Bourgongne, à qui la chose touquoit, pria au Roi et au consseil que le Roi, qui moult estoit jones que point n'avoit xiiji ans, vausist aler en Flandres et fust chief de la besongne, pour che que se le duc de Bourgongne y fust aie sans la compagnie du Roi, il n'eust mie eu, sans comparaison, tant de gens d'armes qu'il eut. Li Rois pour le temps estoit

50 REC:iT

à Compiengne et fist-on un mandement de gens d'armes et se fist l'assamblée à Arras, à l'entrée d'iver, ung pau devant la S. Martin.

Ainssi que le Roi faisoit assambler ses hommes, les gransbourgoisdeGant s'assamblèrent en leur halle, et là y eult ung bourgois qui leur consilla qu'il obéissent au conte, et là leur monstra comment Phlippe de Valois, Roi de Franche, fu jadis sur le mont de Cassel et comment il desconfit les Flamens qui avoient bouté hors leur seigneur, et là remist le Roi le conte en sa conté : si nous avisons sur che. Et tant qu'il furent d'acort demander Phlippe d'Ardevelle qui estoit au siège devant Ordenarde. Phlippe vint à Gant, et se rassamblèrent les bourgois et là parlèrent tant que Phlippe les fist estre d'acort de guerrier le Roi et le conte, et là eut le bourgois de Gant, qui avoit parlé paravant, la tête coppée, et se revint Philippe au siège devant Odenarde, et furent toult li bani de Flandres rapellé.

Après, se parti le Roi de Compiengne et s'en vint à Péroné et à Aras où son os estoit, et aveue le Roi estoit le duc de Berri , le duc de Bourgongne , le duc de Bourbon , et ie comte de Dammartin , messire Olivier de Clichon, connestable de Franche, et Mouton de Blainville marissal de Franche; et tant qu'il y eult III. dux, XXII. contes, sans les aultres seigneurs. Le sire de Sempi qui estoit chapitaine de chaulx de Picardie garda tousdis le pas par devers BouUenois, affin que Flamens ne peussent venir par là , de si à che que le Roi se parti d'Aras. Il se parti deBoulnois et s'en vint à Lille aveuc l'ost; le Roi se parti d'Aras et s'en ala à Lens disner et passa o pont à Wedin et se loga pour le nuit à Seclin , et le conte Lois

estoit en son cbastel à Lille. Droit à Lille vint un escuier qui vint dire au conte que chaulx de Gant a voient envoie grant foison de gens d'armes o pont, à Commines, pour garder le passage. Adonc le conte y envoia Hervi d'Antoing, son marissal, et le seigneur de Brugedant et Guillaume le bastart de Poitiers et pluiseurs gens d'armes : et s'en alèrent à Commines et là trouvèrent Flamens qui gardoient le pont, et là y eult moult grant assault, et gardoient Flamens moult bien le pont. Quant le Hasse de Flandres et Guillaume le bastart de Flandres % et bien vi" hommes alèrent passer l'iaue as molins , as petis bastiaux qui trouvèrent là, et alèrent assalir Flamens par derrière, et là furent Flamens desconfis et mors. Quant Flamens furent desconfis, aulcuns en escapèrent et s'en alèrent à Ypre qui estoit assès près. ;'

Quant chaux d'Ippre seurent que le pont estoit gaigniè, il s'assamblèrent tantost, et tant qu'il furent vm™. ou environ, et s'en vinrent à Commines et là trouvèrent Hervi d' Antoing et le Hasse de Flandres mal ordenès; les pluiseurs dormoient et les aultres villoient : tantost on cria alarme ; les gens au conte s'en vont au pont, l'un armé, l'autre non , et là eult grant assault, et tant se combatirent que Flamens gaignèrent le pont. Et là moru lvi hommes de non, et Hervi d' Antoing et le Hasse et pluiseurs aultres s'en revindrent au conte conter leur aventure. Adonc fut le conte moult courchiés des vaillans hommes qu'il perdi. Le conte sceut que le Roi estoit à Seclin, il vint contre lui

1. Faute, pour Poitiers? Je ne vois pas de Guillaume Bâtard de Flandres à cette époque.

et pluiseurs bourgoisde Lille, et s'en alla le Roi à Lille. Il fu crié à Lille, de par le Roi, que nul n'arrestast à Lille et que toult homme passast oultre. Là passa le connestable de Franche , le marissal de Franche, le marissal de Bourgongne, et li sires de Sempi, et Jehan Grobelle (chieux estoit pour le jour maistre des canons). Et s'en alèrent o pont à Commines, et là trouvèrent Flamens qui gardoient le pont, et les assalirent, et là y eult très grant assault et mervilleus de canons et de trait; et à chel assault crioient les Flamens : Sainct' Jorge , et Franchois : Montjoie Sainct-Denis, Moult dura li assaulx, et moult se fist à cremir. Olivier Clichon, connestable de Franche, fîst venir v. petis bastiaux et les carian au dessoubz du pont, et là les jetan en iaue du Lis, et ne pooit* en chascun bastel que lin. hommes et passèrent oultre chaux que je dirai, voire une partie. Tout le premié fut Guillaume Quartier et le seigneur de Pontarlier : ch'estoit le marissal de Bourgongne : ychieux y porta la première banière qu'on y avisa; monseigneur le connestable, le sire de Sempi, le sire de Renti, et le sire de Brimeu, et pluiseurs aultres que je ne scai nommer, et en chel passage il noia trois gantilhomes, de quoi che fu pitès, carl'ieaue est grande et hideuse. Quant il furent oultre, grant foison, il alèrent à Commines et assalirent les Flamens qui gardoient le pont et les desconfirent, et chiaux de la ville s'enfuirent à Jppre. Chelle nuit fut le pont conquestés, et chelle propre nuit fut refais jusques à l'endemain au disner.

Quant chaux d'ippre sceurent que le pont estoit con-