Sandjaq, gouverneur de province

ainsi de degré en degré croissent en dignitez. Et pour mieulx vous donner à entendre le tout, sachez que l'empereur tient autres trois cens enffans en la ville de Pera et autres trois cens en Andrenopoly, toutesvoyes, en certains lieux clos qu'ilz appellent seraigli, c'est à dire ung palais. Et tant en Pera comme en Andrenopoly, ilz sont en garde des eunucques et maistres pour les faire vertueux. Et ledict empereur faict ce bien pour le prouffit de son amc et quand ilz sont grandz, il les oste de là et leur donne dignitez et offices, selon qu'il semble à l'empereur qu'ilz ont mérité.

Chappitre des eunucques qui ont la garde la plus prouchaine du corps dudict empereur.

Les eunucques qui couchent en la maison de l'empereur sont quatre vingtz qui sont depputez à plusieurs offices tant à la

garde et gouvernement de la personne et biens dudict seigneur que à la garde des enffans et couchent en plusieurs chambres. Ceulx cy ont trois cher'z/ L'ung s'appelle Capiagage' c'est à dire chef de la porte et ceste porte est la dernière plus prouchaine à la personne de l'empereur que toutes les autres et est ledict office en tresgrand extime pour ce qu'il est le plus prouchain à la personne du Seigneur et peult parler à luy à son plaisir. Cestuy aga est obligé et a de coustume coucher en la garde robbe du Seigneur et l'aire le guet avecq les autres eunucques et paiges.

i.Qapi agassi. « Plus il y a un Capiagaz, capitaine de la porte qui est eneuche chastré tout, qu'ils appellent Monouc en leur langue, et a soixante aspres de gaiges chascun jour ». Estât de la court du grant Turc, page 4. Monouc est le mot grec qui signifie eunuque.

Chappitre du trésorier gênerai le plus prouchain de la personne de l'empereur.

L'autre chef des eunucques est appelle Casnatarbassy 1 qui est à dire chef du trésor c'est à sçavoir trésorier secret de l'empereur. Il y en a ung aultre qui se tient dehors de la maison duquel nous parlerons cy après. Cestuv trésorier secret qui est dedans, paye ce qu'il fault aux paiges et à leurs gouverneurs et aussi aux femmes de l'empereur, qui sont gardées au sérail et en certains autres offices que nous dirons puys après. Et l'office est

i. 11 faut lire Khaznadar bachy. « Le premier nlïiciei- de sa court sur les finances est le Casnadarbassy, trésorier des deniers du Saray, qui est comme un trésorier de l'espargne, lequel est eunuque ou monouc et se tient audicl Saray avec soixante aspres de gaiges chascun jour. » Estât de la court du gwint Turc, page 14.

^IHIHHI

fort grand, car des choses plus privées de l'empereur tout passe par ses mains et pareillement les choses plus secrettes. Et toutes les foys qu'il a affaire d'argent, il l'ait venir vers luy le Casnatarbassy qui est chef et trésorier gênerai de toutes les finances de l'empereur. Cestuy se tient hors de la maison et l'eunucque qui est à la maison du Seigneur se faict bailler tant d'argent qu'il en a affaire. Et pour ce, on appelle encores cestuy Casnatarbassy chef et trésorier gênerai comme celluy qui demoure dedans la maison.

Chappitredu tiers chef des eunuques qui sert iedict empereur quasi en sorte d'ung familier à notre mode de la court.

Le tiers chef des eunucques est ung office qui s'appelle Icaga' qui vault autant

i.ltchagassy, aga de l'intérieur.

à dire le premier et familier. Ledict Icaga a en garde la chambre et la personne du Seigneur et les confitures et dragées que le Seigneur mange, parquoy ledict office est répputé grand. Car il n'a pas seullement le regard sur les confitures, mais aussi sur les siroptz et chascune aultre chose depputée au service et volupté dû Seigneur. Il a la superintendance de tous les plaisirs et appetis du Seigneur. Et quant ledict Seigneur veult coucher avec aulcune de ses femmes, cestuy cy la va quérir dedans le serrail et la prépare et couche dedans le lict. Il est tenu en grand extime et reverance de tous ceulx de la court et mesmes les Bassa pourchassent d'avoir sa bonne grâce.

Chappitre des eunucques qui sont commis

à la garde des femmes et des paiges de l'empereur et comment il\ sont chastre\.

Les autres eunucques sont depputez en divers lieux et services parmy la maison de l'empereur. Et debvez sçavoir que au temps passé, estoit de coustume quant on chastroit les eunucques, on leur ostoit tant scullement les genitoires; mais Sultan Mehemet duquel nous avons parlé dessus, veyt ung jour ung cheval chastré saillir une jument, et dit qu'il estoit bien fol de soy lier en ses eunucques qui estoyent à la garde de ses femmes et de ses paiges, car ilz pourroient bien faire comme ledict cheval ; parquoy, il ordonna que on leur trencheroit le membre avecq les genitoires, ce que l'on fait jusques à ceste heure ; et est si grande la douleur que portent ces pouvres misera-

blés et malheureux enffans de Crestiens

quant ilz parviennent à tel martire, car s'ilz ne se trouvent de bonne complexion et forte nature, ilz meurent trestous.

Oultre ees quatre vingtz de la maison, il y en a encores d'autres qui sont commis à la garde des femmes et des paiges qui sont dedans le serrail de Constantinoble et à celluy de Andrenopoly. Apres, avecq le temps, il leur donne des offices et dignitez à la court ainsi que Bassaet autres offices et hors de la court, sanzacques et leur donne grand revenu.

L'empereur a tous les jours des maistres en théologie en leur loy qui lizent à luy et ses paiges. Ceulx cy sont pavez du trésorier eunucque secret, et pareillement les médecins depputez à la personne du Seigneur.

Chappitre des Cisnari qui servent l empereur comme d'escuyers tranchans et de leurs prestres.

L'empereur a d'advantaige trente et unhCisnari 1 qui sont ceulx qui tranchent à sa table devant luy. Hz ont ung chef qui s'appelle Cisnarbassi qui est à dire chef des tranchans. Ceulx cy font l'office de Cisnar et servent dix par chascun

i. 11 faut lire au lieu de Cisnari, Tchaclineguir; ce nom désigne l'officier chargé de déguster

les mets.

Geuffroy donne, sur les maitres d'hôtel, les détails suivants qui diffèrent de ceux que nous trouvons dans la relation de Théodore Spandugino. « Ung Casnegirbassy, comme maistre d'hôtel qui a charge des viandes, porte et sert les plaU devant le grant Turc et a quatre vingtz aspres et soubz luy cent casnegir servans en semblable office qui ont de quarante à soixante aspres par jour chascun.» Estât de la court du grant Turc, page 7.

jour et se changent. Mais les Cisnarbassy y sont ordinairement à ceste cause.

L'Empereur en souloit tenir deux chefz.

Ceulx cy sont semblablement payez du trésorier cunucque secret. Et quant l'empereur veult mangier, les Cismetequary' qui sont ceulx qui servent à la cuysine portent la viande jusques à la première porte de la maison du Seigneur ou les Capsi ' la preignent et la portent jusques à une chambre qui est au devant de la chambre du Seigneur et de là les Icoglany la preignent et la portent aux Cisnari qui sont les varletz tranchans qui la tranchent et la présentent au Cisnarbassy qui la reçoit et la faict porter par les Icoglany devant le Seigneur. Ledict Cisnarbassy a quatre vingtz aspres le jour de gaiges. Et les Cisnari ont trente trois aspres le jour. Et les aultres escuyers tranchans en ont trente. Et quant

i. Il faut lire Khizmetkiar, serviteurs, valets. 2. Capsi (Qapidjy) portiers.

l'empereur veult bovre, l'ung des quatre paiges secrets de la chambre appeliez aida oglany lui en donne.

11 y a encores trente talasman, c'est à dire prestres, qui ont gaiges et sont payez par le trésorier secret. Hz chantent l'office à heures depputées, devant le Seigneur en la maison et sont maist.es en théologie, comme avons cy devant dit.

Chappitre du chef des jardiniers.

Au jardin du Seigneur est le Boustanp bassi qui est à dire chef des jardiniers.

Il a trois cens hommes souhz sa charge, depputezau service du jardin'. Cest office est de tresgrande repputacion pour ce

i. Audict Saray y a ung beau et grant jard.n gouverné et labouré par quarante ou cinquante jardiniers appeliez bostangiz et leur capitaine Bostangibassy qui a de gaiges chascun |our cinquante aspres, les bostangiz en ont les ungs troys, les aultres quatre ou cinq, selon leurs

qu'il a grand charge d'autant que le jardin est grand et à cause aussi qu'il veovt et parle souvent à l'Empereur. Car, les Turcqz tiennent que quelque petite office que ce soit, pourveu que l'on puisse veoir ou parler souvent à l'Empereur, que elle soit de grande extime.

Chappitre de ceulx qui sont deppute\ au service de la cuysine.

Apres, il y a ceulx qui sont depputez au service de la cuysine, étant ung chef qui s'appelle Mutpatemin ' qui vault autant à dire que maistre d'hostel. Il a la

qualitez ou souffisances. Et sont vestus tous les ans une fois de drap pers ou turquin. . . . Oultre y a ung lieutenant du Bostangibassy qu'ilz appellent protogero qui est nom grec et en leur langue checaya (kiahia) et y a vingt aspres par jour. Estât de la court du grand Turc, P 3.

'•H faut lire matbakh eminy ou vulgairement mouthakh eminy.

charge de la despence de la cuysxne et entre à la chambre du Seigneur quant il luy plaist,etpour ce, est son office extimé grand. Et fault entendre que, àlacuysine, il y a deux cens soixante hommes enrôliez Et quant l'Empereur a appétit de quelque nouvelle viande, il le dit à celluy Muspatemin et combien de mectzilveult avoir; lequel, soubdain, y mect ordre pour le faire trouver et le présenter aux cuysiniers qui sont cinquante et ont deux cens petite janiceres soubz eulx pour aprendre le mestier et ung clerc qui tient le compte de ce qui vient à la cuysine et son office s'appelle Mutpatiapx '.

Et saichez que quant l'Empereur se tient en Constantinoble, on tue ordinairement quarante moutons et quatre beufz le ,our pour sa cuysine, sans la poullaille et venoyson qu'on luy apporte. Et affin que vous entendiez tout bien à plain, saichez

i. Matbakh yaz la cuisine.

azidjissy, commis-comptable de

que la coustume des Turcqz est de manger trois foys le jour. L'une, à l'aube du jour, l'autre, à mydy et la dernière au soir. Et ont de coustume les Empereurs, les jours qu'ilz tiennent court, c'est à dire le sabmedi, le dymencbe, le lundy et le mardy, d'envoyer oultre la viande qu'on menge dans la maison qui est ouverte à tout le monde, six cens grandzplatz qu'on appelle Segni ' et sont bien grandz, rondz et bien parfondz ; et sont tous plains de ris cuyt avec une sorte de chair hachée et faicte en pelottes et ensemble quelque autre pièce de chair qui, à la grandeur du plat, est bien petite. Hz mengenssent encores en potaige du blé cuyt et autres broulleries faictes de farine et de beurre; et la plus grand part mange d'orge et du beurre avec du myel. Et, dedans lesdictz platz, ilz ont encores de cous-

i • Le mot Siny désigne un plateau rond de cuivre ou d'argent sur lequel on place les plats et autour duquel s'asseoient les convives pour prendre part au repas.

tume d'y mectre des poulies et autres sortes de chair rostie. Ces platz se portent en la court et tous ceulx qui se y tiennent en mangenssent, soit de quelque nation que ce soyt. Et si y a cinq cens petitz janicercs qui servent de trancher le pain et porter à boyre de l'eau. Ledict Mutpatemin a de gaiges quatre vingtz aspres le jour et le Mutpatia\ix quarante aultres et sans ce qu'il gaigne de sa praticque, qui est une chose increable.

Chappitrc des bonchiers.

En après, il y a les bouchiers qui ont ung chef qui s'appelle Cassapassi «, lequel a vingt bouchiers dessoubz luy. Et ne sçay combien d'autres qui appreigrient ledict mestier, dont une partie tue et l'autre escorche les bestes, tant celles qui sont pour la cuysine de l'Empereur que tout

Qassab bachy.

autre sorte de bestes que le Seigneur faict tuer pour donner pour l'amour de Dieu.

Et combien que ceulx cy ne logent dedans la maison, neantmoins, le trésorier eunucque secret de dedans les pave de leurs gaiges.

Et pareillement, est payé dudict trésorier le Mavracor bassi ', qui est escuver d'escuyrie et de dehors de la maison, duquel son office est de plus grande dignité que nul autre des trois cunucques dessusdictz. Mais ilz sont quasi esgaulx en dignité, comme nous en dirons ailleurs plus à plain.

Chappitre des autres femmes qui sont enfermées et gardées desdict^ eunucques.

Hors de la court, en la ville de Constantinoble, il y a un serrail, c'est à dire ung parc bien enfermé de haulte muraille

i. Emir akhor bachy que l'on prononce vulgairement Imrakhor bachy, chef des écuries.

où l'empereur tient ung grand nombre des plus belles filles qu'il soit possible de choysir, lesquelles sont amenées de tous coustez et de toutes provinces à luy subjectes et pareillement tout plain d'esclaves qu'on luy amené des guerres, et d'autres qu'il a de dismes et qui luy sont données. Et sont lesdictes filles plus ou moings de trois cens, selon qu'il plaist au Seigneur et ont cent eunucques pour les garder et chascun d'eulx a gaiges ordinaires et sont payées lesdictes femmes et lesdictz eunucques qui sont à leur garde comme les aultres eunucques qui font leur cuysine et leur jardin, par le trésorier eunucque secret. Lesdictes femmes sont tousjours enfermées dedans lediçt sérail et quant l'Empereur en veult avoir à son plaisir, il en choysira telle qui luy plaira et si elle devenoyt grosse, elle demourera dedans ledict sérail et sera beaucoup plus honnorée que les aultres et myeulx servye. Et celles qui ne deviendront grosses après que elles auront esté

quelque temps dedans ledict sérail, il les marye ; et tous les ans, on en mect dedans ledict sérail des nouvelles et en oste on pour les maryer '. Et tant que elles demourent dedans ledict sérail, le trésorier eunucque secret et le le Aga eunucque ont la charge d'elles et aussi de leurs habille-

i. « Il y aung autre saray (dudict grantTurc) où sont ses femmes 'et ses enfans; les femmes sont appelées sultanes c'est-à-dire roynes, et sont séparées les unes des autres avec leurs enfans. En leur garde et service y a grant nombre de monouques et envyron trois cens jeunes filles gouvernées par vieilles qui leur apprennent à couldre et ouvrer de l'aiguille. Lesdictes tilles ont de douze à quinze aspres par jour chascune et sont vestues et habillées de neuf deux foys l'an à leurs deux pasques qu'ilz appelent Bayram, comme j'ay dict, toutes de drap et de soye; et s'il advient que aucune d'icelles plaise audict grant turc, il s'en sert comme de sa femme et luy donne pour une fois dix mille aspres, la faict séparer des autres et lui augmente ses gaiges et estât. Quant ces jeunes filles sont parvenues à l'aage de vingt cinq ans et il ne plaise audict turc les retenir pour son service, il les

mentz et de tout ce qui leur est nécessaire et les cnffans qui viennent d'elles, sont après, successeurs à l'empire.

Chappitre des offices des quatre Bassa lesquels ont tout le gouvernement et la charge de l'empire.

Nous monstrerons à présent particulièrement le moyen et la façon que ces empereurs tiennent à gouverner leur estât.

Hz ont la coustume de tenir trois ou quatre Bassa et j'en ay veu plus ou moings, selon la voulunté du Seigneur. Ausdictz Bassa, ledict Seigneur remect la charge de toutes ses affaires. Hz ont la charge de tout, tant de la provision des Spaqui et des Tymariotes que de chas-

marie à Spachoglan et autres de ses serviteurs et esdaux selon leurs qualitez et conditions et en leurs lieux et places en fait mettre d'autres au dict Saray. » L'Estat de la Cour du grand Turc, f" io.

cune autre sorte de pensionnaires ; toutes les affaires passent par leurs mains. Et depuis que ung ambassadeur a présenté sa lectre de créance à l'Empereur, il l'envoyé ausdietz Bassa. Lesquelz orront ce que ledict ambassadeur propose et veult dire, après en t'ont rapport au Seigneur et se conseillent ensemble et puys font la responce audict ambassadeur.

Hz sont du conseil secret et consultent tous les affaires avecq l'Empereur. Leur office est de beaucop plus grande dignité, auctorité et prouffit que Ton ne cuyde. Et pour en dire briefvement, il n'y a chose grande ne petite appartenant à l'empire du Turcqqui ne passe par leurs mains 1 . L'es-

i. « Le grant Turc n'a autre conseil que les quatre bâcha qu'ilz appelent Vcsir bâcha, c'est à dire conseillers. Bâcha ou Bach en leur langue signifie chef ou teste, parquoy on les pourrait interpréter chevetains ou capitaines; bien souvent, ilz ne sont que trois comme naguyeres est advenu. C'estoient Ayas bâcha, natif de la Cymera qui est à l'endroit de L'isle de Corfou des

tat de leurs gaiges est ordinairement de vingt cinq mille ducatz par chascun an, mais ilz leur vallent beaucoup plus de quarente mille, car ilz sont assignez sus le revenu de quelque province qui leur rend beaucoup plus et le peulvent bien faire, puysque tout est entre leurs mains. Et oultre les gaiges, ilz ont merveilleusement grandz prouffitz de presentz que on leur faict, par quoy, durant leur office, ilz asanciens dicte Corcyra, Cassin bâcha de Croace et Ibraym bâcha de la Parga, Albanoys que le Turc a fait mourir, tous trois filz de Crestiens. Et estoyt cestuy Ibraym, pour avoir été nourry jeune au saray avec ledict grant Turc, pervenu à si grand crédit et auctorité que il commendoit absolument et disposoit de toutes choses sans que ledict grant Turc s'en meslast et avoit son père chrestien en Constantinople, homme de riens et inutile, tavernier, yvrongne et couchant par les rues comme les bestes, et ne fut oneques possible aud!Ct Ibraym de le retirer et luy faire vestir ung bon habillement, combien quil y mist toute la peine et diligence à luy poss.ble. Nagueyres. ledict grant Turc a faict ung autre

semblent ung innumerable trésor pour ce qu'ilzprengnent de chascun cousté. Il ne vient ambassadeur ny autre seigneur ou personnaige de quelque condicion qu'il soyt qui ayt affaire à la Porte, c'est assavoir à la court appelée Porte en leur langaige, qui ne soit contrainct de comparoir devant lesdictz Bassa et aller à leurs maisons auxquelles on n'a point accoustumé d'y aller sans porter présent.

bâcha qui est Ayreden bey, lequel nous appelons Barberousse.

« J'ay entendu que, ces jours passez, il en a faict un autre nommé Mehemet bâcha. De ces trois ou quatre bachaz, les ungs ont vingt et quatre mille ducatz de tymar comme avoyt Ibraym bâcha, les autres seize et dix huit mille sans autres presens, proufiz et avantaiges qui montent deux foys plus que leur estât : et y en a tel qui a six mille hommes ordinaires payez à ses gaiges et, tous ont saray de femmes et d'enfans comme ledict grant Turc... Ces Bachaz entrent en la chambre dudict grant Turc, délibèrent et disposent de toutes choses concernans Testât et gouvernement de ses affaires. » Estât de la Court du grant Turc, î° 10 v° et r°.

J'ay cougneu ung desdictz Bassa nommé Dahut Bassa qui estoit Albanoys, qui avoit esté longtemps Bassa. Après il fut depposé de son office, de quoy il en mourut désespéré. Lequel laissa après sa mort ung million de ducatz d'or et ce, sans les terres, moulins, villaiges, chevaulx et autres meubles '.

Ainsi que j'ay dict dessus, lesdictz Bassa ont tout le manyment de l'empire en leurs mains. On leur apporte tout l'argent et le revenu de l'Empereur, lequel ilz distribuent aux officiers qui en ont les charges desquelz nous parlerons cy après.

i. Daoud Pacha, Albanais d'origine, s'éleva grâce à ses brillants services militaires à la haute dignité de Beyberbey deRoumilie. Il fut mis par Mahomet II à la tète de l'armée destinée à faire le siège de Scutari, après la destitution de l'eunuque Suleyman Pacha (1478). Il fut appelé, à la fin de l'année 1483, à remplacer Ishaq Pacha dans le postedegrandVizir.il prit, en i486, le commandement de l'armée qui devait agir sur les frontières de la Caramanie. Le 3 mars 1497, Daoud Pacha fut relevé de ses fonctions et il dut se

Et lesdictz officiers le reçovvent et font quittance des sommes reçues. Et combien que les Cadilesquier desquelz parlerons cv après donnent les b'aillaiges, neantmoins les baillifz qui sont appelez Cadis leur viennent bayser la main et lesdictz Bassa les conduysent à baiser la main de l'Empereur. Et fault pareillement que tous chastellains et provisionnaires, le tout face monstre devant lesdictz Bassa. Nous dirons cy après d'aulcuns officiers que lesdictz Bassa font et de ceulx qui les reçovvent, comment ilz sont contrainctz tout ainsi que les Cadi de baiser les mains ausdictz Bassa.

retirer dans un de ses fiefs près d'Andrinoplef, avec une pension annuelle de trois cent mille aspres. Daoud Pacha avait conservé ses fonctions pendant quatorze ans. Il construisit à Constantinople un medresséh ou collège et un établissement hospitalier pour les pauvres ; il fonda un quartier au sud de Constantinople et bâtit une magnifique mosquée à l'entrée de la plaine qui porte son nom, dans laquelle se réunissaient les années ottomanes qui devaient faire campagne en Europe.

Chappitre des officiers appelé^ Belerbey.

Il y a deux autres officiers qui s'appellent Belerbey, l'ung de Grèce et l'autre de la Natolye '. Celuy de la Grèce, tous les

i. Geuffroy donne sur les beylerbeys des détails plus circonstanciés que ceux qui nous sont fournis par Théodore Spandugino et je crois devoir les reproduire ici.

« En chacune province, y a ung gouverneur qu'ilz appelent Beylerbey c'est-à-dire en nostre langue, Seigneur des seigneurs. Le premier est le beylerbey de Grèce, soubz laquelle sont comprins tous les pays que ledictTurc tient en Europe et est le plus grand de tous les autres. Il a seize mille ducatz de Tymar chascun an, mais il en exige troys foys plus. Soubz luy est un Defterdar c'est à dire trésorier qui a troys mille ducatz de gaiges et luy sont subjects cent escrivains qui tiennent les comptes et registres du tymar et des tymariotz. Soubz la charge dudict beylerbey sont trente sangiacler ou sangiacz, capitaines de la gendarmerie qui est divisée par enseignes et ba- ' nyeres, lesquelles en leur langue s'appelent san-

Aa

jours, vient à la Porte, c'est assavoir à la court et est assis avecq les Bassa et donne audience. L'autre de la Natolye ne vient

giac, les quels sangiacs ont huit, dix et douze mille ducatz de tymar par an et sont logez es principalles villes des provinces pour les tenir en paix et obéissance. Soubzeulz, y a quatre cens sobassiz ou plus qui sont comme lieutenants, logez par les petites villes pour le mesme effect et ont chascun mille ducatz par an avec plusieurs flamboies qui aussi signifie enseigne, chefz et capitaines de deux, trois, quatre et cinq cens chevaulx qui sont envoyez par les Bevlerbey ou Sangiacs es lieuz, ainsi que le cas le requiert et pour promptement pourveoir aux affaires qui surviennent, soubz lesquelz Sangiacz y a trente mille spachis qui servent avec trois ou quatre chevaux chascun et ont deux cens ducatz par an et sont tous azamoglan et esclaux dudict grant Turc.

« Plus audict pays de Grèce y a vingt mille tymariotz gens de cheval qui n'ont que quarante ducatz par an, subjeetz audietz sangiacs.

«Es pays d'Asie y a six beylerbey: le premier est le beylerbey de la Natolie qui a charge des pays de Pontus, Bithynia, Lydia, Phrygia, Meonia et Caria compris soubz ceste appellation de Natolie. Et a quatorze mille ducatz de tymar :

point à la Porte, mais ordinairement se tient à son gouvernement. Et sont lesdictz Belerbey ainsi que capitaines gene-

soubz luy douze sangiacz qui en ont de quatre ou six mille par an avec Sobassiz et Flamboies et douze mille spachiz.

. Le second est le beylcrbey de Caramanie qui estCilicia,Licia, Lycaonia et Pamphylia lequel a de tymar dixmille ducatz, soubz luy sept sangiacz et sept mille spachiz aux mêmes gaiges que les precedens. Le tiers est le beylcrbey de Amasic et Tocat qui est Cappadocia, Galatia et Paphlagania : il a huyct mille ducatz de tymar, quatre sangiacz et quatre mille spachiz : a telz gaiges que les dessus dietz et soubz cestuy est la ville de Trebizonde. Le quart est le beylcrbey de Anadaule que aucuns disent Aladule : ce sont les montaignes d'Arménie appelées anciennement Mont Taurus et maintenant Cocaz, d'une partie d'icelle dite Caucasus. Ce beylerbey a de timar dix mille ducatz, soubz luy sept sangiacz et sept mille spachis. Plus sont ordonnez audict pays trente mille hommes de cheval servans sans gaiges, franetz de subsides.

« Le cinquiesme est le Beylerbey de Mésopotamie que les Turcz appelent Diarbech dont la ville capitale est Edcsse dicte en la saincte Escrip-

raulx et ont la charge sur toute la gendarmerie. Belerbey en nostre langaige veult dire Seigneur des Seigneurs. Celluy de la

ture Ragez et des Françoys Rohaiz. En ce gouvernement est comprinse partie de la grant Arménie car le reste est possédé par le Sophy et par les Cardins et Beduyns, qui sont peuples de montaignes par aucuns appelez Turquimans et des anciens Medi, tenuz pour gens de guerres et belliqueux, confinans à Bagadet ou Baldac ville de Assyrie appelée par les Françoys Baudas laquelle aucuns pensent estre Babylon et les autres Ninive, capitale de Assyrie. Ce beylerbey ainsi que l'on dict, a trente mille ducatz de tymar, douze sangiacz, et vingt cinq mille spachis qui ont plus de gaiges et estât que les autres pour ce qu'ilz sont sur les frontières dudict Sophy.

« Le sixiesme est le beylerbey, de Damas, Surie et Judée quia vingt quatre mille ducatz de tymar, douze sangiacz et vingt mille spachis payez comme dessus.

Le beylerbey du Caire ou de Egypte a de tymar trente mille ducatz, seize sangiacz et vingt mille spachiz; lesdictz sangiacz ont huit mille ducatz par an chascun et les spachis deux cens. Ce gouvernement s'estend jusque à la mer Rouge et jusques à la Mèche ou Mecque où est le corps de

■ÉfMM

— go —

Grèce commande à ses Sanzaques et seigneurs qui sont trente huict. Celuy de la Natolye en a trente et cinq. Et quant l'Empereur se trouve au camp et que lesdictz deux Belerbey sont ensemble, celluy de la Grèce, d'ancienneté a auctorité de commander du tout. Bien est vray que les seigneurs de la Natolye sont tousjours à la court ; mais quant vient à loger, on les loge tousjours l'ung d'ung bout du camp et l'autre à l'autre bout, chascun avec les seigneurs et les souldardz de leur province. Et si quelcun des filz de l'Empereur se trouve au camp, il obeist pareillement à ces deux Belerbey, laquelle chose me semble raisonnable affin qu'ilz appreignent le mestier de la guerre.

Mehemet; contient l'Arabie déserte et partie de la fertile dicte Arabia felix, combien qu'il ne soit partout entièrement obey. Car il y a plusieurs Seigneurs desquelz aucuns tiennent le party du Sophy, les autres du Turc et y en a qui ne congnoissent l'un ny l'autre. » Estât de la Court du grant Turc, f u et suiv..

Neantmoins, pour estre filz de l'Empereur, ilz y ont grant regard, car ilz veullent que la discipline militaire ayt lieu.

Lesdictz Belerhey ont puissance de donner jusques à six mille aspres de pension à qui bon leur semble sans le sceu de la court. Mais quant ilz les ont donnez, il fault qu'ilz conduysent l'homme à baiser la main du Bassa qui commande et au secrétaire qui luy despeche ses lectres. Et au dessus de ladicte somme de six mille aspres, le Bassa en ordonne. Et tiennent les Belerbey en leurs maisons quatre ou cinq cens esclaves ainsi que font les Bassa. Et portent leurs pavillons et tentes rouges que nul autre seigneur de Turcquye ne peult porter que l'Empereur ou ses officiers ou ceulx qui ont esté Bassa ou le sont encores de présent.

Chappitre de la manière comment se asseoient les dessusdict\ Bassa en donnant audience.

Pour ce que quant j'ay parlé des Bassa, je n'ay point dict la manière de leur seoyr; je diz que le premier qui a eu la dignité, précède et va devant les autres; et pour ce que tousjours il y a des gens qui cherchent avoir audience, le plus ancien desdictz Bassa, la donne à qui luy ptaist. Et quant ilz vont pour quelque affaire vers le Seigneur, le plus ancien faict la harangue pour tous ses compaignons. Et quant ilz sortent dehors, il respond à chascun.

Et quant le premier est mallade ou qu'il ne se trouve avecq les autres, en son absence, le second respond à tous les affaires et ainsy de degré en degré. Et plus ne parlerons d'eulx, car il me semble en avoir dict à souffisance. Et pareillement des Belerbey, lesquelz quant l'Empereur

i[g§BI iîilL

J$<-ftïÊÊ$J >9NI

fP jjPP* 9§3I

n *M>iwwffl Jr

Lv^i' ^^Kik

%£&'i^ ■ l ..- . :?.VÏ\flSï*

fjUçTr '"t-Wf®*

"M&Ssr^'''"' ^tlJru. ^atti

J&li 1 ** "Hlft

j^^* ^»4^^nft

/ami

l9Sii m fE » r S^SB!

X^wl"'' " " - •C : ' : M r * ( "^ :

BT*"™^^^,^

vjt"

Il M

I i (égF$

WË

rJrM