ID

tes les commoditez que Ton pourroit penser tant pour adorer que pour l'aisance du corps '. Et velà la mode de loger ledict Seigneur quant il veult aller en bataille.

Il n'y a homme qui osast asseoir pavillon ny tente joignant ledict pavillon du Seigneur. Et le plus prouchain dudict pavillon en ce temps là, l'Empereur vouloit que le pavillon du tressacré nepveu de l'Empereur mon maître, lequel perdit Constantinoble, combien qu'il feust crestien, feust le plus près logé auprès de luy. Et vouloit que on luy feist autant de honneur que à sa personne. Après sont les pavillons des Bassa et des Beillerbeis; et celuy de la Grèce a son logis en ung lieu depputé avec trente

i. Galland a donné, dans son Journal, une description détaillée de la tente du Sultan qui fut dressée dans l'Atméïdan, au mois de mars 1672. Journal d'Ant. Galland pendant son séjour à Constantinople, 1672-1673. Paris, 1881, tome 1, page 73 et suivante...

huict Sanzacqz et seigneurs de Grèce avecq luy. Cestuy cy ordonne les compaignyes combien que le Seigneur y soit; neantmoins, ilz consultent ensemble ce que l'on doibt faire. Et si le Seigneur n'y ' estoit, il a toute puissance de ordonner et commander mesmement aux enffans de l'Empereur, s'il fault combattre ou non, en prenant l'oppinion des Beillerbeys.

De l'autre cousté est le Beillerbey de la Natolye avec trente cinq Sanzacqz et les seigneurs de la Natolye, lequel Beillerbey n'a autre charge sinon que quant le Beillerbey de la Grèce luy mande de entrer en la bataille avecq la suyte de ses seigneurs, cestuy cy entre au conseil avecq les Bassa là où est le Seigneur et c'est la coustume que le Beillerbey de la Natolye meyne tousjours le premier squadron ou avant garde pour entrer en bataille, mesmes quant le Beillerbey de la Grèce n'y est, pour lequel il commande tout ce qu'il plaist. Et a une province soubz sa charge

plus que celluy de Grèce, lequel peult disposer jusques à six mille aspres et les donne à qui bon luy semble en le présentant aux Bassa. Hz portent tous deux les pavillons rouges. Et en leurs commandementz et ordonnances, ilz se intitulent chascun selon sa dignité. Aux autres lieux, sont toutes manières de gens suyvans le camp par obligacion et contraincte et d'aucuns vouluntairement et chascun en bon ordre, ce qu'il seroit long à raconter.

De l'ordre et de la justice des Turc\ qu'il\ observent quand il{ vont en guerre.

Quant le Seigneur va au camp les Cadilesquier sont tenuz d'y aller, lesquelz administrent la justice s'il y a quelque différent. Et quant la personne du Seigneur n'y est point, neantmoins, il y a tousjours des Bassa et des Cadilesquier lesquelz

jugent des differentz qui peuvent estre de l'ung à l'autre. Mais touchant le faict de la guerre, les Beillerbeys en ont la congnoissance, car ilz font pendre, empaler et mourir les hommes de telle mort que bon leur semble.

Les Chaussibassi, desquelz avons parlé, sont ceulx qui font tenir l'ordre et s'il y a quelqu'un qui sorte de son ordre, ilz les battent et les font retourner en leur place. Il y a d'autres justiciers au camp lesquelz mectent ordre à la police des vivres. Ilz ont de coustume de faire de bons rampartz tout autour de leur camp et font bon guet la nuit. Et aux escoutes sont communément gens à cheval pour ce faire et aux autres guetz, ilz les font à nostre coustume. Au temps passé, ilz n'envoyoient point d'artillerye que de grosse, laquelle ilz portoyent à la plus grand peyne du monde, et souvent ilz la mectoyent en pièces et portoyent lesdictes pièces et la refondoyent au camp là où ilz estoyent. Et depuys ung peu de

temps en ça il est allé grand nombre de maryniers et autres gens de guerre, mesmes de canonnyers et fondeurs en Contantinoble et mesmes depuys que le roy Charles a esté à Naples. Combien ilz en avoient paravanflesquelz leur ont monstre la manière tant de faire et monter l'artillerye que à la conduyre, et pareillement les maryniers ont beaucoup habilité touchant le faict de conduyre leurs armées par la mer.

Et saichés que, en leur camp, ilz usent de la meilleure police et obédience qu'il est possible au monde, tant si l'Empereur y est que s'il n'y est pas. Et si, par fortune, le feu se mettoit en quelque pavillon ou s'il y avoit quelque larron, ilz pourroient aller de l'ung bout du camp jusques à l'autre, tuant tousjours ce qu'ilz trouveroient devant eulx, plustost qu'ilz osassent cryer ny faire bruyt. Combien il n'yroit pasloing sans estre prins ou mort.

Il ne oseroit dire mot de paour de faire alarme au camp, car en ce faisant, ilz se-

retient en grand danger de leur personne.

Et s'il y a quelque cheval eschappé qui s'en fuye par le camp qui est merveilleusement grand, il ne peut faillir d'estre prins et mené en ung lieu qui est ordonné où l'on mect toutes les choses perdues. Somme toute, les Turcqz endurent merveilleusement de peyne tant de leurs vivres, car ilz se passent à ce qu'ilz peuvent avoir ou ilz ont de grandes souffretez et mesmement de coucher à terre et sont gens qui voluntairement endurent la discipline de la guerre.

Et pour vouloir descripre le tout à la vérité, chascun soit Empereur, roy ou prince qui veult conduyre armée par les champz, il fault qu'il mecte la main à la bourse et despende dudit sien et en ce faisant, il gaigne. La raison est que cestuy Empereur paye ses gensdarmes desquelz a esté cy dessus faict mention, autant en paix que en guerre. Et sont payez au bout de chascune lune et pareillement les Allophases, Spaqui et tous

aultres souldars desquelz avons fait mention. Et ce sont ceulx, qui quant ilz vont au camp, conduysent les aultres desquelz paravant avons faict mention tant à cheval que à pied, et pareillement les pyonniers et vivandiers lesquelz sont fort fouliez de tailles selon la nécessité ; et sont tenuz chascun d'eulx de fournir un pyonnier, quand il en est besoing. Et quant on dresse une armée pour tenir camp, généralement tous les seigneurs et gens de faict ayant charge, ont de coustume de baiser la main à l'Empereur et chascun, selon son estât, luy faict ung présent à qui myeulx myeulx. Et de tous les butins qu'ilz font, ilz en payent la disme audict Seigneur. Et cecy est touchant l'armée de terre.

De la grande armée que tient ledit Empereur par mer.

Au temps que j'estoys en Constanti-

MRP

noble, lors du règne de Sultan Baiazit, du cousté de Père, y avoit environ six vingtz galères, lesquelles j'ay veu tirer à terre quant l'armée retournoit de quelque course où elle avoit esté. Et estoient toutes à descouvert, quasi pourries. Il y avoit des palandares qui sont faictes en sorte de galères, sinon que le derrière est plus large, par lequel en faisant ouverture, ilz mectent les chevaulx dedans et les en tirent quant il est besoing, et ne sont faictes pour autre chose que pour porter chevaulx. Il y avoit aussi des fustes et des bringantins et au port de Père plusieurs navires à hunne. Le Seigneur Sultan Bajazit, devant la prise de Modon, n avoit gueres de gros navires en son armée de mer et ceulx qu'il avoit, il les faisoit vendre; mais son filz Sultan Selin feist faire un arsenal fier et triumphant et grand pour y mectre ung grand nombre de galleres. Et il avoit baillé la charge à Bostanzi bassi son gendre, lequel estoit fort

sçavant touchant le faict de la mer. Et au temps que j'estoys audict pays, il estoit Sanzacq de Galipoly et capitaine gênerai de la mer et avoit accoustumé d'avoir la charge des armées de mer que les Empereurs ont accoustumé défaire, lesquelz ont fort augmenté la force de leurs gens à cause qu'il a donné plaine puissance aux coursaires de mer et grande liberté et gros secours à ce qu'ilz facent bonne guerre aux Crestiens. Et si il y a quelcun des aliez dudict Seigneur qui ayt quelque dommaige par lesditz coursaires turcqz, ilz faignent qu'ilz n'en sçavoyent riens et n'y veullent veoir goutte et si, d'adventure, ilz se plaignent au Seigneur ou à ceulx qui en doibvent faire la pugnicion, on leur faict responce que ce n'est pas du consentement du Seigneur ny de ceulx qui en ont les charges. Si tu les peulz prendre, fais pendre à ceste cause, lesdictz coursaires ou autrement pirates et ceulx qui usent de tel affaire sont asseurez qu'ilz portent la

iS%- ~»-*<

hart à leur col, parquoy il faut qu'ilz soient vaillantz de paour d'être prins.

L'Empereur tient tel ordre touchant le faict de la mer! Il paye tous les moys tous ses gens, tant les officiers des galleres que ceulx qui tirent l'aviron, lesquelz sont quasi tous contraints par force et sont payez trestous aux despens desCrestiens lesquelz sont taillez, quant ledict Seigneur faict armée de mer, par lesdictz Carazi, c'est assavoir les ungs trente, les aultres quarente aspres, les aultres plus ou moyns à la discrétion du Carazi, combien que tous ceulx qui suyvent l'armée de mer n'ont pas trestous gaiges comme marchans, vyvandiers, lesquelz suyvent l'armée à leur despens et pour gaigner s'ilz peuvent. Et de ce qu'ilz gaignent, ilz en payent la disme au capitaine. Et c'est assez touchant l'armée de mer.

Et pour ce que avons parlé de ceulx qui ont gaiges à la court, nous n'avons point faict mencion de ceulx de la mer qui sont fort bien entretenuz. Ce sont

charpentiers, forgeurs et tous aultres mestiers qui peuvent servir au faict de la maryne, lesquelz ont les ungz vingt, les autres trente, les autres quarente aspres par jour et sont bien entretenuz et payez du trésorier du dehors.

Je n'ay point parlé pareillement des Caripolains ' qui sont au nombre de huit cens. Hz ont leur Aga,ung escripvain, un Jayabassi et un Bolubassi qui ont de gaiges de huict jusques à quinze aspres le jour et leur Aga a quarente aspres le jour. Hz sont tenuz d'aller à la guerre à cheval, avecq ung serviteur pour les servir et non autrement.

Je ne parleray plus du faict de la guerre des seigneurs turcqz et des autres, mais

i. Le nom de cette milice est Gharib oglan.

« Les Caripoglan, dit Geuffroy, sont gens de cheval extraordinaires, leur aga a quatre vingtz aspres, leur checaya ou lieutenant trente, leur escripvain vingt; et lesdictz Caripoglan de douze à seize par jour chascun. » La Court du grant Turc, f'° 6, r>.

je traicteray briefvement de leur manière de vivre en gênerai. Touz les Turcqz, generallement, ont de coustume de faire trois repas le jour. C'est assavoir le matin de bonne heure, à mydy et au soir ainsi que avons dict. Hz usent dans leurs viandes force beurre, du ris avecq de la chair hachée bien menue et mise en pelottes avec plusieurs autres viandes de paste et d'autres sortes fort différentes de noz viandes.

Hz disent que c'est péché de user de cuylliers d'argent et les plus grandz seigneurs des Trucqz ne usent que de cuylliers de boys et usent lesdictz seigneurs de vaiselle de pourcelayne. Et leur breuvaige, ce n'est que eaue succrée ou meslée avecq du myel et aucunesfoys des siroptz. C'est pour ce que, en leur loy, il est deffendu de boyre vin, combien que les Turcqz gardent assez mal ladicte loy, car quasi tous les souldards sont enffans de Crestiens, à ceste cause, ilz boyvent tous vin et beaucoup plus qu'il

ne leur en fauldroit, s'ilz estoient raisonnables. Et quant ilz sont sur les champs, ilz ont de coustume de tenir table d'ung matin jusques à l'autre, beuvant tousjours d'autant ; et n'ont point de honte d'eulx enyvrer. Les vins croissent en leurs pays et bien bons et les Crestiens labourent les vignes, car il est deffendu aux Turcqz de faire vin à cause de leur loy. Aussi les Turcqz n'ont point accoustumé de faire vignes, si ce n'est pour manger des raisins, Ilz font avec du sinappe une composte avec laquelle ilz gardent les raisins de l'une année à l'autre, en leurs maisons. Et semble qu'ilz soient tousjours fres venant de la vigne.

Hz ont des vins de Candie, de Zio, de Mettelin, de Galipoly et de plusieurs autres lieux, en sorte qu'ilz ont tousjours des vins en habondance, par laquelle chose ilz despendent grand argent. Car communément, tous les courtisiens et souldards en boyvent.

Leurs tables sont de cuyr et sont appel-

lées suffra ' sur lesquelles ilz mectent les servyettes pour essuyer leurs mains et le pain trenché et les platz de viande. Et quant ilz ont prins leur repas et osté les platz, ilz enferment dedans ladicte table de cuyr tous leurs demourans, laquelle table se ferme comme une bourse. Les autres Turcqz, qui ne sont enffans de Crestiens mais sont nez Turcqz, ne boyvent gueres de vin et à cause qu'ilz n'ont point accoustumé de boyre en leur jeunesse, ilz s'en passent beaucoup myeulx que les autres dessusdictz.

Hz se assient à terre sur des tappiz avec quelque oreiller ou de soye ou d'autre chose selon leur puissance et se assient ainsi que les cousturiers. Les seigneurs et aulcuns gentilzhommes ont des sièges apparents qu'ilz appellent sopha et sont faicts de boys, dedans lesquelz ilz mectent et portent leurs tappiz et oreillers, soit d'or ou de soye ou d'autre

i. Il faut lire Sofra.

chose, selon leur puissance et s'asseyent dessus.

Hz couchent sur des matelatz, voire les seigneurs. Touchant des lictz de plume ny l'Empereur ny autre n'en use point.

Et ne usent point de linceulx ou draps.

Hz n'ont autre chose que le matelat et un tapiz et se couvrent d'ung lodyer, combien que depuys que Bajazit a régné, et mesmement pour vivre en plus longue paix, ilz ont commencé à vivre ung petit plus honnestement.

Leur manière de se vestir est telle. Ilz sont vestuz de long, autant dessus que dessoubz. Celluy de dessus s'appelle caftan et l'habit dessoubz s'appelle dolman. Importent ung turbant à leur teste. C'est un long bonnet, et autour dudict bonnet, ilz envelopent un fardeaul de toille blanche et ilz appellent cella le turban. Et tous les seigneurs et gens de extime et mesmement marchans, bourgeois et gens de façon portent un tel habit de teste. Il est vray qu'il y a aulcuns officiers qui por-

tent les torcules blancz avec frize d'or tout autour de leur front et de la teste, environ quatre doiz de large. Et sont lesdictz torcules, ainsi que avons dit par avant, quasi en façon des chapperonsdes femmes de Paris, excepté qu'ilz n'ont point de visaigiere, ainsi que dit est, et sont lesdictes frizes de valleur de cent, deux ou trois cens ducatz, l'une plus l'autre moins, selon la capacité de ceulx qui les portent. Hz y en a d'autres qui portent les torcules rouges avec la frize d'or et de mesme façon que les autres. Les autres, quasi tous, portent des turbans de toyle. Les Janiceres portent tous les torcules blancz. Les serviteurs et autres pauvres gens ont communément accoustumé de porter un long bonnet fait en la manière d'ung pain de sucre, quasi de couleur de souye. Les autres plus pauvres, comme sont souillardz de cuysine et gens de leur sorte, portent un grand bonnet faict à deux rebras qui est blanc. Leurs prestres,lesquelz se tiennent

grandz religieux, portent le turbant, et en lieu de toille, ilz mectent autour du bonnet qui est sus leur teste des estamynes blanches. Les sejtes, lesquelz sont du sang de Mahomet, portent le turbant verd, et aulcuns d'eux de toille ou d'estamyne blanche, avec une enseigne verte, à ce qu'on les congnoisse et pour estre différents des aultres '.

Hz ne portent point de cheveulx en

i. Les Seyds on émirs sont aussi désignés sous le titre de chérifs (nobles). « On est émir par son père ou par sa mère indistinctement. Ceux qui le sont du chef de leur mère sont plus considérés que les autres, mais les émirs, qui doivent leur noblesse de leur naissance au père et à la mère tout à la fois, jouissent encore d'une plus grande considération que les premiers.

Tous, en général, sont distingués du reste des Musulmans et par les différentes dénominations qui leur sont attribuées, et par la mousseline verte de leur turban. Les femmes mêmes sont obligées de s'en tenir à cette couleur dans tout ce qui compose leur coiffure. Cette marque seule eur attire, tant aux hommes qu'aux femmes,

leur teste et les font coupper ou raser et laissent au couppeau de leur teste ainsi que ung boucquetde cheveulx et mesmement les gens de guerre et aulcuns d'eulx le font pour ce que, si par fortune, ilz avoyent la teste tranchée, ledict boucquet servyst de prinse au bourreau, afin que la face ne soit point gastée avec les mains dudict bourreau. Ilz couppent toute leur barbe excepté entre le nez et la bouche qu'ilz appellent mistaches et les laissent venir longz et quasi tous vont en ceste manière, excepté les Cadilesquiers, les Cadi,les religieux et les parentz de Mahomet, car ilz se font tous raser la teste et portent longue barbe, et pareillement tous les gentilzhommes, quant ilz commencent avenir sur l'aage. Hz portent des houseaux ferrez du talon, faictz en guyse

les respects des personnes de tout état et de toute condition. » M. d'Ohsson, Tableau général de l'Empire ottoman. Paris, 1791, tome IV, 2 partie, page 558.

de brodequins et aussi les soliers ferrez.

Leurs chausses sont ordinairement ouvertes devant avecq grandes brayettes.

Leurs talismans qui sont leurs prestres et autres sortes de religieux s'en vont communément jambes nuez et portent à leurs pieds une sorte de soliers qu'ilz appellent pasmacq ' .

De la manière des vestements des femmes des Turcq\.

Les femmes desdietz tureqz portent pareillement caftans et dolmans longz, tout de la sorte des hommes, combien qu'ilz soient plus gorgiaz et mieulx faietz. Elles portent brayes et petitz houseaulx en sorte que dessus et bien gorgiaz et pareillement ferrez. Et quant elles chemynent, elles font ung bruyt par les rues et ainsy font les hom-

i. Pachmaq.

mes mesmes sus le pavé et n'y a pas grande différence d'eulx auxchevaulx ou muletz du bruyt qu'ilz font. Elles portent sur leur teste ung habit qui est appelle cinber 1 . C'est une chose faicte de soye vergée et large environ aulne et demye au plus, et aux oreilles, elles portent des anneaulx d'or de plusieurs sortes, garniz de belles pierreries et pareillement, elles portent au front des bagues précieuses faictes en manière d'ung chappeau d'une maryée, qui leur pend tout autour de leur teste. Et portent à leur col grandes chesnes d'or que elles appellent baymai 2 et sont garnyes lesdictes chesnes des meilleures pierres et des plus fines que l'on puisse trouver et chascune selon sa puissance. Et au temps de Sultan Bajazit, les Turcqz avoyent accoustumé de mener grandz gourres autant les hommes que

i. Il faut lire Tchenber, mot qui désigne un bandeau qui enserre la tête.