Ce mot est défiguré, on doit lire Boyounma

les femmes. Mais au temps de Sultan Mehemet, on n'eust sceu trouver une robbe fourrée ni de regnardz, nyd'aultrespeaulx, non pas chez les seigneurs de la court, car l'Empereur -luy tnesme leur eust faict la plus grande honte du monde. Et ores, au temps de Sultan Bajazit son filz, il s portent si grandes gourres, tant les gens de court que les autres, que c'est chose increable. Il fault entendre que, au temps de Sultan Mehemet, on avoit accoustumé de porter en teste, ainsi que avons dit, des frizes d'or aux torcules lesquelz estoient faulx,faictzd'arain ou argent doré, qui coustoyent par adventure vingt ducatz et quant ilz avoyent esté portez ung espace de temps, ilz devenoyent si noirs que c'estoit une honte de les veoir. Sultan Bajazit fist faire ung edict et ordonnance, sur peyne de grand amende, autant à ceulx qui les faisoient que à ceulx qui les portoient de ne les plus faire qu'ilz ne fussent bien bons. Et par ainsi maintenant on n'en faict plus que ce ne soit

or fin. Et depuys ce temps là, les Turcqz font porter à leurs femmes dolmans, c'est à dire corsetz lassez par devant la poictryne depuis le hault jusques à la ceynture. A chascun coustéy a une frize d'or bien garnye de pierreries, les plus fines que l'on peult trouver, chascun selon sa puissance. Et j'ay vu telle femme d'ung courtisien porter sur elle la vallue de deux ou trois mille ducatz. Or, pensez ce que peuvent faire les femmes des grands princes et seigneurs. Elles souloyent porter une sorte de soliers qui s'appellent pasmacq et estoyent de cuyr ; maintenant, elles commencent à porter des soliers couvertz de fin or et de fines pierreries ; les ceyntures et garnitures des courtisiens sont maintenant toutes d'or et d'argent. Mais au temps des autres empereurs, ilz ne faisoient point ainsi.

Ces Turcqz sont generallement gormandz et tiennent plusieurs femmes, car leur loy leur permect. Il y en a pourtant

une principalle sur toutes. Hz ont compaignye de toutes et la première qui deviendra grosse, son filz succeddera à Pheritaige. Elles sont tresluxurieuses et à ceste cause, ilz les tiennent enfermées et avecq des eunucques qui sont chastrez, et quant elles veullent aller hors de la maison, ilz leur font porter un voylle de soye noire qui leur couvre la teste et le visaige à ce que on ne les puisse veoir et ne les laissent parler ny hanter avecq personne, non pas avecq leurz enffans masles qui soyent venuz d'une autre femme. Les enffans masles, quant ilz sont nez, sont mys au serrail des femmes et sont norriz leans jusques à tant qu'ilz soient grandeletz, et puys , ilz sont mis dehors et ilz les envoyent à l'escolle. Et après, ilz leur font aprendre l'exercice de la guerre et n'y en a point tant prince que seigneur si grand, jusques à l'Empereur qu'ilz ne facent ainsi aprendre à leurs enffans quelque art ou science, moyennant laquelle, s'il luy advenoit quelque

fortune contraire, qu'ilz ne puissent passer leur vie. Ilz sont fort obeissantz l'ung à l'autre et s'il leur advenoit quelque maulvaise fortune, ilz se soubzmecttent à toute exercice pour gaigner leur vie.

Et quant ilz ont des esclaves, ainsi qu'ilz ont accoustumé d'en avoir, s'ilz en ont quelcun de bonne sorte et qu'il soit vertueux, ilz leur baillent leurs filles. Hz ne estiment à rien le plus grand seigneur, ny le plus noble du monde, s'il n'est vertueulx.

Il me souvient d'un Bassa , au temps de Sultan Bajazit, qui estoit le plus grand et le plus favorisé de sa court, lequel estoit venu en viellesse. Le Seigneur lui avoit baillé Salonicq pour provision othorac laquelle est une provision ou pension, ainsi que j'ay dict par avant, que le Seigneur donne aux vielz Bassa ou aultres à ce qu'ilz ne voisent plus à la guerre. Il avoit ung grand crédit et luy faisoit un grand honneur à cause qu'il estoit en la grâce du Seigneur. Ce fut lui

qui donna le conseil à Sultan Bajazit qu'il ne se accordast point avec son frère Zem.

Il s'appelait Ysaac Bassa ». Il tenoit une court de plus de cinq cens esclaves, desquelz il y en avoit au moyns deux cens qui portoyent les coiffes ou les torcules avecq les frizes d'or. Et au palais où il

i. Ishaq Pacha, fils de paysans chrétiens, avait été enlevé à sa famille et amené à Andrinople où le Sultan Murad le plaça dans le sérail. Il parvint par ses talents à la dignité de vizir et Mahomet II lui confia les fonctions de grand vizir qu'il remplit pendant deux ans (1471-1473). En 1471, Ishaq Pacha fut chargé par le sultan Mahomet II, occupé au siège de Négrepont, de réduire la révolte de Qassem bey de la dynastie des Qaraman oglou. Il s'empara de Varkeuy, de Audj Hissar, de Orta Hissar et de Aq Serai dont tous les habitants furent transportés à Constantinople et établis dans le quartier qui, aujourd'hui encore, porte leur nom. Mahomet II avait rappelé de la Caramanie Ishaq Pacha pour lui confier le gouvernement de Constantinople pendant son absence. La mort du Sultan étant survenue sur ces entrefaites, les vizirs investirent d'une autorité absolue Ishaq Pacha qui, par sa

souloyt donner audience, il tenoit une apanque (c'est une chose faicte de cuyr tout crud) laquelle ont accoustumé de porter les bonnes gens des villaiges et est lassée avecq une corde et estoit pendue au ciel de sa chambre. Cela donnoyt à entendre à tous ceulx qui estoient à ladicte chambre qu'il n'avoit point de honte qu'on sceust qu'il fust venu d'ung pauvre lieu, mais il repputoit cella à grand honneur et disoit à ses esclaves :

« Voyez amis, voyez comment je suys venu de petit lieu ! prenez peyne d'estre vertueulx, car la clémence et libéralité de l'Empereur est merveilleusement

grande. »

Les Turcqz sont fort obeissantz ainsi

fermeté, apaisa une révolte et maintint l'ordre pendant les circonstances les plus critiques. Nommé grand vizir par Bayezid, il fut remplacé peu après par Daoud Pacha et reçut comme retraite le gouvernement de Salonique où il mourut en 148^.

que j'ay dit. Et je n'ay point veu, que quant ung Turcq est appelle de son seigneur et mesmement pour se faire mourir, que de son bon gré et bonne voulente, n'y soit allé; et mesmement quant il est question du faict du Seigneur, d'une simple lectre qu'il escripra seullement, il fera trembler tout le monde et ne fault que l'ung des moyndres esclaves de la court pour mener lyé et garoté le plus grand seigneur de Turquie. Et s'il y avoit l'ung des Bassa, lesquelz sont les plus grandz auprès de l'Empereur, que pour quelque meffaict, fust chassé de la court, il portera en patience d'estre subgect au moyndre à qui le Seigneur aura baillé auctorité sus luy et endurera autant de mal que le moyndre serviteur qui sera en la court et sera le plus humble.

Les Turcqz ont en cecy telle coustume que les crestiens, c'est de faire honneur aux hommes, à chascun selon son estât et qualité, aussi pareillement eulx quant ilz vont baiser la main à l'Empereur, ilz

ont accoustumé de oster les pasmacques, c'est à dire les soliers faictz quasi en sorte de pantofles, et les laissent hors de la chambre de l'Empereur et après, deux Capizis luy tiennent les mains par derrière et font incliner jusques à terre. Lors l'Empereur par sa grâce l'appelle ou quelcun autre luy faict signe qu'il voise baiser la main audict Seigneur ou le pied ou le tapiz sur lequel il est assiz.

Et tout cecy se faict, ou plus ou moyns, selon la qualité des seigneurs et personnaiges. Hz ne se découvrent point leur teste comme nous faisons, mais seullement ne font que besser la teste. Et d'aultant qu'ilz font reverance à plus grandz personnaiges, tant plus se inclinent bas. Si tu veulx baiser les mains à ung prince, seigneur ou gentilhomme, c'est tout ung. Mais il te fault entendre que en baisant les mains à l'Empereur, on a tousjours de coustume de luy faire quelque présent. Et quant on se part de luy, il baille une robbe. Et pour ce que

en parlant de telle affaire, j'ay laissé à dire que quant il advient que l'Empereur a donné une robbe soit à ung ambassadeur ou aultre, quant il se part dudict Seigneur et qu'il s'en va, il viendra au devant de luy aulcuns personnaiges qui luy diront : « l'Empereur t'a donné une robbe, il fault que j'en aye la dace » ; et fault qu'il en soit payé. Et j'en ay veu payer jusques aux ambassadeurs. Et à vray dire, en ce pays là, ilz sont plus aspres après l'argent que les diables après les âmes. Et ne peust on rien faire avecq ces princes ou seigneurs que ce ne soit à force d'argent. En somme, tant l'Empereur que ses princes et seigneurs n'ont les bouches que pour manger, car si vous eusez à eulx sans leur donner quelque présent, vous ne ferez rien. Hz ont deux manières à baiser la main c'est assavoir par dehors et non par dedans à la paulme. Mais le dehors ilz le baillent à trestous, et le dedans, c'est quant ilz veullent faire plus grand

honneur aux personnaiges qui la baisent. Et fault entendre que quant on va visiter quelque prince ou seigneur turcq, il te fera seoir et s'il te semble que tu soyes assez privé avec ledict seigneur tu te pourras seoir à la sorte d'ung cousturier. Et s'il te semble que le seigneur, ou prince soit trop grand personnaige qu'il ne te appartiegne pas de te asseoir auprès de luy, s'il te le commande, il te fauldra seoir et pour bien en faire ton debvoir, il te fault mectre à deux genoulz et t'asseoir sur les talons. Car c'est la manière en ce faisant, de faire grand honneur aux plus grandz seigneurs.

Pour descendre plus amplement à leur manière de vivre, ce sont les hommes les plus luxurieux du monde, car ilz tiennent plusieurs femmes et leur loy le leur permet pour augmenter leur lignée.

Avec cela, ilz sont grandz sodomites. Et combien que Mahomet deffende totallement ce mauldit péché de sodomye et ordonne en sa loy que ung sodomite

soyt mis à mort et précipité en bas d'ung lieu hault de trois cens pas, ce neantmoyns, ilz en sont coustumiers et en usent publicquement sans avoir crainte de Dieu ny du monde.

Et à cause que lesdictz Empereurs ont estably et constitué bonne loy en leurs decretz, (il faut entendre qu'entre les autres ils ont constitué ung office ou gabelle qui s'appelle nayptie). ' Hz ont accoustumé de la vendre et celluy qui l'achepte s'appelle naypt 2 . Il exerce son