Au lieu de Talasman il faut lire Imam

ques ». Il y a ung autre marat ou hospital qui est quasi achevé 2 . Il est faict pour sultan Bajazit et, pour la révérence de celluy de son père, je extime que il sera plus beau. Et generallement ceulx seigneurs turcqz autant grandz que petitz, ne se estudyent que à ediffier églises et hospitaulx et à les enrichir et faire hostelleries pour loger les passantz, habiller les chemins, faire ponts, ediffier estuves et plusieurs autres aulmosnes qu'ilz font, en sorte que je extime, sans aulcune comparaison, les seigneurs turcqz estre plus grandz aulmosniers que noz seigneurs Crestiens et combien qu'ilz ayent bon zelle, encores usent ilz fort de hospitalité. Hz logent voulentiers autant Crestien, Turcq que Juif. Hz leur donnent à manger et à boyre des viandes à eulx acoustumées avecq la plus grande cha-

i. Au lieu de Seques, il faut lire Cheikh.

2. Marat est le mot singulièrement altéré de Maristan ou Bimaristan qui signifie hôpital.

rite du monde. Et si on trouve ung Turcq mangeant, il reputera à grand honte et quasi péché s'il ne faict part à celluy qui l'aura ainsi trouvé, soit Crestien ou autre.

Les religieux sont de plusieurs sortes. Mais devant que je passe oultre, il fault entendre qu'ily en a plusieurs qu'on appelle seytes (seyids) lesquelz sont descenduz de la lignée de Mahomet; les autres Turcqz les ont en grande révérence et les tiennent ainsi que sainctz. Si ungTurcqenbattoit ung, il auroitlamain couppée. Et si c'estoit ung Crestien, on le feroit brusler. Et si ung de ces Seytes faisoit quelque faulte en sorte qu'il eut gaignié à mourir, ilz ne le peuvent faire ny batre, ny mourir. Et s'il avoit faict grande faulte de leze majesté, ilz le feroyent mourir en prison. Et à cause que en Turcquye, le tesmoignage de femme n'a pas de lieu, quant elles seroient bien vingt, on n'adjoustera point de foy à leur parolle excepté à une fille de Seyte et le

îoq

tesmoignagne d'une d'icelles precedde le tesmoignaige d'ung Crestien, autant que si elle estoit homme.

Les Seytes portent le turban tout verd ou de toille blanche ou d'estamyne avecq une bende verte sur le turbant pour estre congneuz. Ilz sont tresmondains hommes. Hz commectent plusieurs sortes de sceleritez. Hz sont tresgrandz prosecuteurs des Crestiens et ne pensent à autre chose que à leur mal faire, lesquelz par crainte qu'ilz ont d'eulx s'efforcent de les entretenir et de leur faire de grandz presentz pour évader leur malignité. Et si ung Crestien ne leur donne, ilz luy feront quelque trouble pour le faire mourir ou le faire turcq. Il est vray que le Seigneur qui est de présent ne endure point que de telz gens et leurs parentz turcqz facent desplaisir aux Crestiens qui sont ses vassaulx, mais il en a chastié plusieurs Turcqz et banny grant quantité desdictz Seytes, car ainsi que j'entendz maintenant, ilz vont tous bas et ilz ne

sont pas comme ilz avoyent acoustumé par le passé.

Chappitre des juges establis par les villes pour faire justice de ceulx qui offensent selon leur loy et de leur manière de faire.

Les Cadi sont les juges des villes et les talismans sont leurs prestres et sont saiges hommes. Et quant ilz sont en leur auditoire, ilz ont acoustumé d'avoir tousjours auprès d'eulx ung aultre docteur lequelle s'appelle Povacadi qui vault autant à dire que petit Cadi. Le petit Cadi escoute les playdoyries et donne les jugementz et faict les brevetz et instrumentz et les franchises qui sont lectres des esclaves et par le consentement du grand Cadi. Et si quelcun luy faisoit quelque injure estant en l'office, il eschoiroit en quelque grosse amende, mesme en danger de sa personne. A

ceste cause, les Turcqz luy font une trèsgrande révérence et le tiennent pour une chose précieuse et trcssaincte. Et disent que ledict Cadi représente Mahomet et est vestu avec la robbe de Dieu, c'est à dire l'espée de Dieu est en sa main. Et tout ce que cesdictz Cadi jugent et condempnent, c'est sentence souveraine. Hz ont tresgrande auctorité et un Sanzac n'a point acoustusmé de condempner aulcun à la mort, s'il ne le demande premièrement au Cadi. Et en toutes les villes principalles il y a ung Cadi et un Subassi. Le Subassi prend le malfaiteur et le mect à la torture et luy faict congnoistre le crime et après le faict mener au Cadi avecq les informacions. Et lors, le Cadi le condempne et le remect es mains dudict Subassi pour l'exécuter. Le Cadi a la congnoissance des choses civiles et faict justice la plus briefve du monde et bientost jugera. Et si ung homicide tumbe entre ses mains, leur loy veult qu'il soit mis es mains du plus prouchain parent

de celluy qui est mort, lequel en faict son bon plaisir ou il le quicte pour argent ou il le faict mourir ainsi que bon luy semble.

J'ay veu une femme qui fist tenailler ung homme lequel avoit tué son filz et en l'exécutant, il mourut ; elle luy fist ouvrir la poictryne et luy arracha le cueur et le mangea. Lesdictz Cadi ne prohibent à personne de porter armeures, mais, s'il y a aulcun qui desgayne pour frapper autruy, le Cadi luy fera ficher en sa chair, es espaules, es bras et par le corps quatre, cinq, six, sept cousteaulx plus et moyns, selon qu'il luy plaira, et le fera mener par tous les carefours en ceste sorte. Et si par adventure, il y a aulcun qui desgayne et frappe, croyez qu'il est aygrement pugny.

J'en ay veu batre à grandz coupz de poingz, à eulx dessirer le visage, ayans les espées au cousté sans oser mectre la main à leurs bastons ; ne pensez pas qu'ilz le facent par faulte de couraige, car croyez qu'ilz sont tresvaillans hommes et hardiz

et ne osent desgayner pour la crainte qu'ilz ont de leurs supérieurs. Et s'il y a aulcun homme qui ayt esté tué et qu'on ne puisse trouver le meurdrier, les voisins des lieux où ledict personnaige aura esté tué sont tenuz et obligez de rendre ledict meurtrier prisonnier et s'ilz ne le peuvent trouver, ilz sont tenuz de payer au plus prouchain parent dudict deffunct vingt quatre mille aspres pour le sang d'ung homme mort. Combien que ledict Cadi condempne ceulx qui le vendent trop.

Et est ung office qui s'appelle Murtasap, lequel a la charge d'aller par la ville, pesant la chair, le pain et mectant police et le pris sus les choses qui se vendent \ Et s'il trouve quelcun qui en ayt batu ung aultre, il le fera batre ou luy arrachera le nez. Et pareillement ceulx qui sont trouvez de nuyct sans lumyere, le Subassi ne les ose pugnir sans le Cadi.

i. Ce mot est défiguré. Il faut lire Mohlessib, qui est le titre du lieutenant de police.

En somme, les dessusdictz ont totalle congnoissance sur tous et mesmement depuys vingt cincq ans en çà et depuys ledict temps, ilz n'ont que veoir sus les gens de court à cause que, au temps de sultan Bajazit, pour ung cas qui advint en Constantinoble, ilz furent privez d'icelle juridiction qu'ilz pouvoyent juger et condempner autant les courtisans que les autres. Et ce fust en ceste manière.

Il y a coustume en Constantinoble que s'il y a quelque Sanzacque c'est à dire capitaine qui se trouve Mansup c'est à dire mis hors de sa garnyson », qu'il souloit tenir en quelque province, il s'en vient en court en demander d'aultre. Et à cause que les Sanzacques ont grande charge d'esclaves qui sont

i. Il faut lire Mazoul au lieu de Mansup.

Mansoub, à la signification d'une personne jouissant d'un rang, d'une dignité, d'un emploi honorifique.

leurs serviteurs, quant ilz sont ainsi capez et mis hors de leurs garnisons, on a acoustumé de leur donner l'office d'ung Murtasap de,Constantinoble, lequel peult valloir plus de deux mille ducatz tous les ans, desquelz deniers ilz vivent jusques à temps qu'ilz soyent pourveus de l'Empereur. Il y avoit un Sanzacque qui s'appeloit Acmadabey ' et son office estoit de mectre police quant il vient quelque navire chargé de blez, touchant la vente, et pareillement le Cadi. Ledict Sanzacque avoyt mis police à ung navire et pareillement le Gadi. Le marchant vendoyt le mieulx qu'il pouvoyt, selon l'ordre que le' Murtasap luy avoit donné. Ledict Cadi vouloit faire payer l'admende audict marchant, lequel se deffendoit disant qu'il n'avoit vendu que selon l'ordonnance à luy baillée par le Murtasap. En celluy temps, il y avoit ung Cadi appelle

i. Il faut lire Ahmed bey.

Quermastoly' lequel fistappeller le Murtasap et entendit de luy qu'il avoit donné congié audict marchant. Ledict Cadi se courroussa moult fort et luy dist : « Comment as tu osé et estre si presumptueux et si hardy de entreprendre sus mon office. » Ledict Murtasap luy respondit :

« La teste du grant Turcq soit sayne! c'est luy qui m'adonne ceste office et auctorité de faire ce que j'ay faict. » Ce voyant ledict Cadi que le Murtasap avoyt faict le cas, et dadvantaige que ledict Murtasap luy respondit fièrement, tout esmeu de ire et de courroux, se retourna à ses bastonnyers (et sontsergens tous portans gros bastons à leurs mains et n'ont autre harnoys) en leur disant : « Couchez moy cest homme à terre et battez le tresbien ! » car c'est leur coustume de ainsi faire batre les gens, les ungs sur les fesses, les autres sur le ventre, les autres sur la plante des

i. Il faut lire Qorqmaz oglou (le hls de celui qui ne craint rien).

piedz que c'est la plus grande pitié du monde. Et lesdictz bastonnyers n'osoyent mectre les mains sur ledict Murtasap à cause qu'il estoit ung gros personnaige et de grande auctorité. Ce voyant ledict Cadi qu'il ne le pouvoit pugnir à son plaisir, pour faire plus grande injure audict Murtasap, osta son pasmac, c'est à dire son soulier et voulut frapper ledict Murtasap lequel appella ledict Cadi:

" Belittre ! J'ay esté capitaine toute ma vie, bien servant l'Empereur, ayant grand'charge de gens, Icsquelz j'ay tousiours bien conduitz. Tu me veulx faire perdre en une heure toutes mes peynes et renommée ! » et empoigna ledict Cadi par la barbe, en sorte qu'il y en demoura la moictié entre ses mains. Et incontinent, ledict Cadi s'en alla plaindre de l'affront. Et n'eust esté quelques Bassa qui cstoyent en celluy temps, lesquelz estoyent amis dudict Murtasap qui luy vouloient saulver la vie et ne voulurent point faire son procès, il ne se trouva

homme qui voulut tesmoigner contre ledict Murtasap et mesmes les Bassa destournoyent les tesmoingz qui eussent bien tesmoigné contre ledict Murtasap.

Ce voyant l'Empereur que ledict Cadi ne pouvoyt produyre tesmoingz contre ledict Murtasap, il priva ledit Cadi de son office et fist une ordonnance que nul Cadi ne peult avoir pouvoir et auctorité sus les esclaves ayant gaiges du Seigneur, laquelle ordonnance est observée jusques aujourd'huy. Et si maintenant, on a quelque différent avecq quelque Thamarot ou Subassi estant hors de Constantinoble, on les faict respondre au Sanzacq de la province, et estant en Constantinoble, ilz respondent devant les Aga ou devant les Bassa, lesquelz en font la justice et ce sont ceulx qui sont les plus extimés en la court du Turcq soit en Constantinoble ou Andrenopoly, Boursie ou Galipoly.

— 2IQ

Chappitre des religions et des religieux et de leur manière de vivre audit pais de Turquie.

Il faut entendre qu'il y a plusieurs sortes de religieux en Turcquye. Neantmoins, il y en a quatre principalles.

L'une s'appelle Dynamie ', l'autre Seque', l'autre Calender et l'autre Torlaqui.

i. .le crois que le mot Dynamie est la corruption de Edhemy, nom porté par les derviches de la confrérie d'Ibrahim Edhem, mort à Djcbelèh en 777 de notre ère. Le tombeau de ce saint musulman dont Maundrell a donné une description, est l'objet d'un pèlerinage très suivi. Voyage d'Alep à Jérusalem, à Pâques, en l'année i(jr)j,par Henri Maundrell. traduit de l'anglais. Utrecht, 1706, pages 21 et suivantes.

2. Le nom de cheikh est donné aux chefs de communautés de derviches, et par extension aux derviches eux-mêmes. Je ne sais quel est l'ordre que Spandugino désigne spécialement sous ce nom.

Les Dynamies portent longue barbe et longz cheveulx. Hz sont vestus d'ung sac; les autres portent une peau de mouton vestue et le poil dehors; et ceulx cy sont moyns luxurieux que tous les autres religieux et ont de coustume à porter aux oreilles, lesquelles sont persées, des anneaulx de fer et en portent pareillement à la peau, au haut de leur membre generatif à ce qu'ilz ne puissent aucunement user d'icelluy en luxure, et portent aussi au col des cerceaulx de fer et aux bras. Ceulx cy sont extimez et tenuz des Turcqz, gens sainctz.

Il y a une autre sorte de religieux lesquelz s'appellent Calender '. Hz portent

i. La confrérie des Calender a été instituée par Calender Youssouf Andaloussy, arabe originaire d'Espagne. Le surnom de Calender a la signification d'or pur, allusion à la pureté du cœur que Calender Youssouf exigeait de ses disciples. Ceux-ci ne devaient vivre que d'aumônes, voyager sans chaussures et se livrer aux pratiques les plus austères pour mériter les grâces célestes.

Iongz cheveulx et les barbes pareillement. Hz sont vestuz de meschans habitz

« Ccux-cy vont la teste nue et se font raser les cheveux et la barbe et généralement toutes les autres parties du corps ayans poil et, en outre, se bruslent et se cautherisent les temples avecun fer chault ou vieil drap bruslé, ayans les oreilles percées où ilz portent pendus certains gros anneaux de jaspe en diverses couleurs de tresrare beauté. Pour tous habits, ils ne se vestent que de deux peaux de mouton ou de chievre avec le poil, sechiées au soleil, mettans l'une devant, l'autre derrière, embrassantes le corps en forme de ceinture. Les autres parties de leur corps restent toutes nues, soyt hyver ou esté. Hz habitent hors des villes, par les faulx-bourgs et villages, en divers lieux de la Turcquie. Et tout l'esté, vont courant le pai's d'un lieu en autre, perpetrans soubs couleur de saincteté et religion, infinies meschancetez et volleries. Car ilz sont tous grands larrons, pailards et volleurs, ne faisans conscience de destrousser, tuer et meurtrir, (s'ilz se trouvent les plus forts), ceux qu'ilz rencontrent en leur chemin, avec une petite hache qu'ilz portent à la ceinture. »

De Nicolay. Les navigations et pérégrinations, etc., page 182.

ou de peaulx de mouton, le poil dehors et portent aux oreilles des anneaulx de fer et des cerceaulx au col, mais au membre, ilz n'y portent rien, ainsi que les autres, et demandent l'aulmosne à chascun.

Il y en a une autre sorte qui s'appellent les Seques. Une partie de ceulx cy portent longz cheveulx et la barbe et une partie sont rez et mesmement les cheveulx; ils portent turbant de layne et portent une manyere de banyeres en chantant aulcuns pseaulmes et demandent l'aulmosne. Et aulcuns d'eulx portent des aneaulx de fer ou d'argent aux oreilles. Encores ceulx cy ne sont gueres moyns extimez que les autres.

Les Torlacques sont en beaucoup plus grand nombre que les autres, et c'est une religion nouvelle '.Il n'y a pas cent

I. Les Torlaquis doivent leur nom à un .luit qui avait adopté l'islamisme et répondait au nom de Torlaq Houd Kcmaly. Il était lui-même le partisan le plus fanatique d'un Turc nommé

ans que elle est commencée. Et eut commencement ladicte religion d'ung qui s'appeloit Missini ' lequel fut escorché

Beurekludjèh Moustafa qui avait embrasse les doctrines d'un uléma des plus considérés, le cheikh Bedr eddin Mahmoud , qui avait été qazi lechker sous le règne de Tchéleby Sultan Mohammed. Ses partisans lui avaient donne le surnom de Dèdèh Sultan. La doctrine de ces novateurs reposait sur le principe de l'égalité, de la pauvreté et de la communauté de tous les biens, à l'exception des femmes. Le lils du sultan Méhémmcd, Murad, accompagné par le vizir Bayezid Pacha, infligea à Qara Bouroun, dans la province d'Aïdin, une sanglante défaite à ces sectaires. Beurekludjèh Moustapha fait prisonnier fut mis en croix et promené sur un chameau dans la ville d'Éphèse. Torlaq Houd fut pendu à Magnésie avec le plus fidèle de ses disciples.

Le cheikh Bedr eddin Mahmoud , battu à Dolou Orman près de Serès , subit le méinc sort. Cf. Tadj outtewarikh, Constantinople, 1269, tome I, page 3g6, et la traduction de Bratutti. Vienne, 164g, pages 345-357.