faut lire Saïssièh au lieu de Seisnia

où il y a des lettres turquoises entaillées.

Il y en a qui usent de sépultures couvertes en façon de chappeau. Pour la sépulture des Empereurs ou des Bassa, ou des grands seigneurs qui ont fait faire les mosquées et hospitaulx pour Fexaulcement de leurs âmes, ilz laissent de grands revenus à ce qu'ilz puissent faire aumosnes aux povres. Ces gens là ont de coustume d'estre mis en quelque petite église ou chappelle prochaine desditz hospitaux. Et au dessus de leurs sépultures, on leur change tous les jours d'habillemens, tout ne plus ne moins que s'ilz estoient en vie, et selon les saisons, ilz leur mettent sur leurs turbans lesdictes fleurs. Ilz ne portent pas longuement le dueil ; au bout de huyt jours, ilz assemblent les parens et amys, et quand ilz ont fait leur harangue, ilz reprennent leurs habitz accoustumez, et les autres qui ne sont pas si grands seigneurs, ilz font cela en trois, combien que la sépulture dudict deffunct est visitée par les mères, seurs et

femmes dudit deffunct. Et sont lesdictes femmes accompagnées de plusieurs autres dames parentes et amys, lesquelles pleurent et meinent grand dueil sur ladicte sépulture. Et tiennent telle manière par plusieurs jours.