CONQUESTES DES TURCS
Je faisoys compte d'estre quicte à vous, et vous avoir entièrement satisfaict et contenté, aumoins selon mon sçavoir et mon pouvoir, des choses du Turc.
Maintenant, vous me demandez leurs progrez par le menu, de père en rilz, comme ilz ont procédé à la conqueste de tant de pays qu'ilz possèdent aujourdhuy. Et ne considérez pas les affaires que j'ay en ce pallais, lesquelz ainsi que vous sçavez assez sont de telle qualité et importance qu'il est impossible ou bien
difficile, que je puisse ailleurs employer ma courte mémoire : par quoy, si je vous en diz ce que vous desirez, vous me devez excuser, car, bien ou mal, il fault que je fasse ce que vous voulez.
En l'an mil troys cens, au temps que l'empereur Henry septiesme entendoit à semer en Italie les partialitez et divisions de Guelfes et Gibelins, régnant en France Philippe le Bel, se trouvoient en Natolie ou Asie mineure aucuns capitaines Turcs, car ceste nation y estoit demourée depuis le passaige de Godefroy de Bologne, duc de Boullon, et y estoient auparavant, mais lors ils se présentèrent contre l'armée des Chrestiens devant la ville de Nice, que nous povons appeller Victoire, dicte par les anciens Antigonia, soubz ung capitaine nommé Solyman ou Soleyman. Après passèrent cent ans et plus, que l'on ne parla point d'eulx, jusques au temps que j'ay dit, que en Natolie estoient plusieurs capitaines, et entre iceulx Othman, Caraman et
HB
Assan, surnommez Begy ou Bey, qui signifie seigneur ou monsieur ; mais ilz en ostent, y, et dient Othmanbeg, Caramanbeg et Assanbeg. Othmanbeg qui estoit homme d'entreprise se allya de deux Grecz reniez et d'ung Turc naturel.
L'ung desdictz Grecz estoit nommé Michali, et l'autre Marco. Dudict Michali sont descenduz les Michalogli, dont y en a encores de la race : et pareillement dudict Marco appeliez Marcozogli. Le Turc avoit nom Auramy, de la lignée duquel dictz Auramogli ' ne se treuve plus aucun, que l'on saiche. Leurs successeurs sont tenus et reputez comme du sang royal, et, leur appartient l'empire des Turcs, si ceste ligne venoit à foiblir. A l'aide de ces troys, ledict Othmanbeg entra en credict et puissance, et conquesta aucunes villes sur la Mer maiour, dicte Pontus Euxinus, entre autres la ville de
1. Au lieu de Auramy et Auramogli, il faut lire Caraman et Caramanogly.
