CHAP. II
L est certain que la semence plus chaude & plus seiche engêdre le masle,& la plus froide & humide la femelle : car il y a beaucoup moins de vertu ‘au froid qu’au chaud? ainsi l'humidité est de moindre efficace que la siccité: & c’estpourquoy la femelle est plus tard for-
mee que le masle. En la semence gist la vertu creatiue & formatrice : Exêple, en vne graine de melon, potétiellement est le tronc, les branches, les fueilles, les fleurs, le fruict, la forme,la couleur,l’odeur,la saueur,& semence : ainsi est-ilde toutes autres semences. Ce qu’on cognoist aussi aux greffes entées sur sauuageons,retenans la nature du fruict de l’arbre
d’où elles sont tirees. Semblablement quand la semence du pere surmonte celle de la mere, lors l’enfant ressemble au pere : & quandcelle de la femme surmonte celle de l’homme, l'enfant ressemble à la mere. Toutesfois on voit le plus communément les enfans ressembler plus au pere qu’à la mere, pour la grande imagination & ardeur qu’a la mere en la copulation charnelle : tellement que l’enfant attire la forme & couleur de ce que si fort elle cognoist & imagine en son entendement: comme il aduint de la Royne d’Ethiopie, laquelle en la copulation de son mary, imaginant vne couleur fort blanche, enfanta vn fils blanc. Telle chose se peut encore prouuer par l’artifice de Tacob, qui meit des verges de diuerses couleurs dans l’eau, au temps de la conionction de ses brebis: ce qui sera cy après declaré plus au long parlant des Monstres. Il aduient aussi quelquesfois (mais rarement) que l’enfant ne ressemble à pere ny mere; mais à quelques vns de leurs parents, comme à leur pere et mere grands &ayeuls: par-ce que naturellement la vertu des ayeuls est fichee & enracinee aux cœurs de ceux qui engendrent. En quoy Nature ressemble à vn peintre, qui pour-
ait vne chose sur le naturel, s’efforçant de faire ressembler # enfans aux parents le plus qu’il luy est possible. Les enfants ne ressemblent seulement à leurs pere & mere de corsage (comme en ce qu’ils sont grands ou petits, gros ou deliez, camus ou bossus, boiteux ou tortus) de parler & de manière de cheminer: mais aussi des maladies, ausquelles . peres & mere sont subjets, qu’on appelle heredi-
aires, côme il se voit aux lepreux, goutteux, epileptiques, lapidaires, splenetiques, asthmatiques, & autres semblables:par-ce que la semence suit la côplexion &téperament de celuy qui engêdre, en sorte qu’vn hôme & vne femme bien temperez produiront vne semence bien côplexionnee.
u contraire s’ils sont intêperez, produiront vne semence 0 mal côplexiônee, & non propre pour engêdrer vn en- À fant sain & de bonne habitude, suiuant la sentence de
64 DES COÏTS il
Catulle, Vn chacun tousiours suit l’origine & semence de sa nature propre. Parquoy celuy qui sera goutteux, lepreux, ou en autre disposition susdite, s’il engendre vn enfant, à grande peine pourra-t-il euader qu’il ne soit suject aux ma- Jadies du pere & de la mere: ce que toutesfois n’aduient pas tousiours, comme l'experience le monstre, ainsi que j'ay escrit aux liures des Gouttes. Car on voit plusieurs estre vexez des gouttes & d’autres maladies, desquelles les pere & mere n’en auoient esté malades & d’autres n’en estre iamais affligez, desquels toutesfois les pere & mere en estoient grandement tourmentez. Laquelle chose se fait par la bonté de la semence de la femme, & temperature de la matrice, corrigeant l’intemperature de la semence virile, tout ainsi que celle de l’homme peut corriger celle de la fernme. De là vient qu’on voit souuent par experience des enfans n'’estre point goutteux, ou sujects à autres maladies hereditaires, encore que leur per: ou mere furent sujects à telles dispositions: laquelle correction si elle defaut à la semence du pere ou de la mere, à grand’ peine les enfans peuuent-ils eschapper qu’ils ne soient sujects ausdites maladies, lesquelles ne se peuuent parfaictement guarir, quelque grande diligence qu’on puisse faire: par-ce qu’elles on pris leur habitude auec les principes de la generation de l'enfant. 1
Plutarque au liure intitulé, Pourquoy la Justice diuine differe quelquefois la punition des malefices, dit, que Hesiode conseille de n’engendrer point enfans quand l’on a esté aux obseques & funerailles des trespassez, mais bien après auoir esté en quelque magnifique bâquet, & comedies ioyeuses : car côbien que la semence & geniture reçoiue non seulement la bonté ou malice de sa matiere, mais aussi elle trâsfere la ioye, la tristesse, & semblables affections en la procreation des enfans, les faisans gais, ioyeux & gaillards, ou melâcholiques, selon la disposition de la semence, & de la vertu imaginatiue.
Pourquoy les femelles des bestes brutes, apres estre empreintes, | ne defirent plus de s’accoupler aux masles, # i
