C. 6. ESTLANDER

terre estoit couverte de son sanc tout entour luy, si set bien adonc que toutes ses plaies sont escrevées. Lors dit à Palamides: Ha, fait il, ie suy hony, mais ce ne [n'est] mie par ta prouesce. ce sanc qui est venu est de plaies que ie ayoie avant que ie me combatisse à toy. Et quant il a dite ceste parole, il cheit à terre corne celuy qui en estant ne se pouoit soustener, tant estoit fieble durement. Quant Palamides voit ceste chose, il met son espee au feurre et monte, et quant il cuide trouver Yseult, il ne la trouve mie, car elle s'en fuyet parmy la foreste de sa et de là, et se vouloit noyer en une eve qu'elle veoit devant elle, car elle vouloit mieulx mourir, si come elle cuidoit, que estre as mains Palamides, ne que elle perdist Tristan.

Lors n'ot mie granment allée, quant elle vint à la rivière de Loire, '^) mais ensois qu'elle y parvenist, encontre elle un chevalier de Cornoualle qui s'en aloit à la cour et menoit avec luy s'amie. Quant le chevalier voit la reyne, il ne lareconnoist de rien, mais il reconnoist bien à son estât qu'elle estoit de hault afaire, et pour ce ly vient il au devant et iy demande : Dame, que voulés vous? et elle dit: Sire, ie me veul périr en ceste eve, car ie veul mieulx morir que aler avec le chevalier qui cy me seult qui m'en maine à force. Lors la prent le chevalier par le frain etly dit: Hadame,mercy, ie vous conseilleray moult bien, y'ai près de cy un recet. se vous estes venues iusques là, vous n'auriés garde de tous ceulx de Cornoualle, fors que du roy Marc ou de Tristan, mais encontre ceulx ne vous tcndroiege mie, car il sont mes seigneurs droituriers. Lors dit la reyne au chevalier come celle qui tant estoit liée de ceste aventure que nulle plus: Ha, franc chevalier, maine moy tost et sachiés, se tu me peust sau-

ver bien, le te rendray. ie suy Tseult la reyne de Cornoualle. Le chevalier la reconnoist tout maintenant, si dit: Or tost, madame, du venir, se nous estions outre celle eve, nous n'aurion garde du chevalier.

Que vous diroieP La reyne est bien montée, si passe l'eve ardiment entre elle et sa compaignie, et chevauchent tant qu'il vienent à la tour, il entrent ens et la reyne fait maintenant fermer les portes et dit que onques mes n'avint à dame si belle aventure come à elle, se ore savoit Tristan tant seulement où elle est, il ne ly chaudroit de ceste aventure, mais ie doubte moult durement que quant il le saura qu'il ne s'ocoie de duel. — Ha, dame, fait le chevalier, nous sommes si près de la court, que ie ly conteray encore à nuit. — le vouldroie ia, fait la reyne, que il le seut, car ie say certainement si tost qu'il le saura, il vendra ceste part. — Dame, fait le chevalier, ie iray puis qu'il vous plaist. Lors prent maintenant ses armes et monte, et la reyne ly prie moult qu'il ne die ceste chose fors à Tristan seulement, et le chevalier dit que non fera il. atant se partie chevalier de la tour.

Come Palamides occist le chevalier qui avoit gouvernée la reyne Yseult en sa tour.

Quant le chevalier fu parti de leans, il ly avint en telle manière qu'il encontra* Palamides, qui bien vousist mourir de sa volunte. Quant il encontre le chevalier, il ly dit tout maintenant: Ha, sire chevalier, veistes vous madame Yseult? Et le chevalier qui ne connoit Palamides ly dit:

Y'en say bien nouvelles où elle est. — Où?

dit Palamides. — Certes, dit le chevalier, elle n'a nulle paour de vous, par moy l'avés vous perdue, car ie l'ay mise en celle

*) Mb. 49 Hari., étant da pays, est mieoz informé sur le nom de la rivière, qa il appelle Ornioe.

Sur le roman de Tristan.

tour là devant tant que mesire Tristan viegne. — Voire, ce dit Palamides, as tu ce faitP — Certes oy. — Tu m'a toUu la chose du monde que ie aime plus, ie t'en rendrai tout maintenant le guerdon. Lors tret l'espee et le chevalier fait semblant qu'il se veult deffendre, mais Palamides le fiert parmy le heaulme et le fendi iusques as dens. Le chevalier cheit come celuy qui sent la mort, et Palamides remet l'espee au feurre et dit: Tu m'a doumagé, mais tu l'as chierement acheté, mais en ton doumagé ne gaaigne-ge rien. Atant s'en va tant qu'il vint à la tour et trouve la porte fermée et dit, puis qu'il ne peut leans entrer, or a il le tout perdu. La reyne estoit ia venue à une de fenestres de leans, et quant elle voit Palamides, elle ly dit:

Sire chevalier, or poués vous atendre. se vous par engin me gaignastes, et ie me suy par sens délivrée, ne iamais ne me raurois entre vostre mains, se dieu plaist.

Palamides lieve adonc la teste et dit: Dame, se ie vous ay perdue, ie m'en souflfreray poure et doulant, et puisque aultrement ne puet estre, ie m'en souffreray au mieulx que ie pouray. — Certes fait Tseult, ie ne vous loe mie que vous atendes cy longuement, car se Tristan vient par aucune aventure, il vous occira. — Dame, fait Palamides, ia de cy ne me moueray tant que vous y soies, car se Tristan y vient par aucune aventure et il me occit, ce me sera grant honour. car autant m'est se ie mour pour vous come se ie vif [vive]. — Certes, fait la reyne, vous estes moU fol qui maines et ie ne vous aime mie. — Dame, fait Palamides, se vous ne m'amés mie, si vous aimerai-ge, et tant come vous me harrois plus, et plus vous ameray, et se de vous ie pouoy bien ester mon cuer, si ne l'en osterai-ge mie, car mieulx vous amerai-ge amer sans guerdon que en amer une aultre dont ie aie toutes mes volontés. Atant

se part Yseult de la fenestre pour ce que de celuy ne se peut aultrement délivrer, et quant il ne la peut plus veoir, il descent et este le frain à son cheval el le laisse pestre, et après peut son escu à un arbre, puis s'assiet de coste de la porte de la tor, que nul n'en puisse yssir hors que parmy luy. et quant la reyne voit ceste chose, elle s'en rit et dit qu'il est fol naturel, et ceulx qui de leans estoient demandent à la reyne qui il est. Certes, fait elle, il est bon chevalier, mais ia por sa bonté ne m'aura en sa sesine, car ie m'occiroie ensois. — Dame, font il, or n'aies doubte, car vous estes bien délivrée de luy. — Vous dites voir, fait la reyne, la dieu mercy. Ainsy parle la reyne de Palamides et prie à dieu qui'l ly envoie Tristan, car se il estoit venu, elle n'auroit garde, ce dit [elle]. Mais atant se test ore le conte de Palamides et de la reyne Yseult et retourne au roy Marc.

ComeTristan se combati contrePalamides pour la reyne Tseult et come il rent la reyne Yseult au roy Marc.

Or dit le conte que le roy Marc fu moult couroucié pour la reyne Yseult que Palamides en amen oit, en telle manière que vous avés ouy, et tous les barons de Cornoualle estoient si esbahis qu'il n'osoient lever les testes. Au soir revint Tristan de le chacier moult ioieulx et moult lie, et quant il vit qu'il estoient tous par leans si comunaument courouciés, il en fu tout esbahy, car il ly souloient tous faire ioie quant il venoit, adonc vient devant son oncle et le salue, et il rent son salu ma-* tement. Sire, fait Tristan, se il vous plaist, dites moy pour quoy vous estes si mas et tous ceulx de céans aussi, et huy matin estiés si en ioie. — Beau neveu, fait le roy Marc, ainsy va des choses du monde, ore est l'omme lie et ore est couroucié, huy matin nous estions tous ioieulx, et ore