C. G. ESTLANDER

il entent ceste parole et dit: Yoirement estes TOUS des cheyaliers de Cornoualle qui tant estes bonis par un seul chevalier, or sachiés Yoirement, se ie n'ay mes armes, si irai-ge après tout desarmé, car ie veul mieulx mourir que ie ne face tout mon pouoir de secourre madame Yseult.

Quant ceulx voient quMl ne peuent aultrement faire, il ly aportent unes armes et i Tarment, puis I7 amainent un cheval, et il monte, et quant il est armé et appareillé, si ly baillent un escu et un glaive. Lors s^en part le chevalier de leans et s^en va grant erre après Palamides au plus droit qu'il peut, et ceulx de leans viennent au roy, si ly dient: Sire, le chevalier navré s'en va après le chevalier qui madame en maine. — Certes, fait le roy, il en fera son pouoir, ce sachiés certainement, mais ce est néant, car il est encore trop navré et le chevalier qui l'en maine est trop bon chevalier, se Tristan n'y va, perdye est la reyne, car ce luy qui l'en maine ne la puet perdre par nul aultre que par Tristan.

Ainsy parle le roy Marc moult couroucié de grant manière, et le chevalier navré chevauche tant qu'il a ataint Palamides, et se aucun me demandoit qui le chevalier , estoit, ie diroie que ce estoit Lambegues qui fu maistre de Boors de Oaunes qui n'estoit mie encore chevalier, mais il le fu asses tost après. Et fu celuy Boors le meilleur chevalier qui fust au réanime du roy Ban, fors Oalaael et Lancelot. Celuy Lambegues, dont ie vous conte, fist ia une telle bonté au reaulme de Oaunes, corne ie vous diray. D avint que le roy Claudas de la déserte par aventure avoit assis la cite de Oaunes, et ceulx de la cite n'avoient plus pouoir d'eulx deffendre, si les avoit le roy Claudas menés, et sachiés qu'il haoit Lambegues plus que nul aultre homme.

Un iour parla le roy Claudas à oeulx de la cite et leur dit: Seigneurs, vous veés tout

apertement que ie vous puis destruire, se ie veul, et sachiés certainement que ie vous destruire [-ray], se vous ne faites paix. Et ceulx qui avoient paour d'estre destruits distrent: Sire, nous somes près de faire paix. — Or me rendes donc, fait le roy Claudas, Lambegues, le neveu Farien, pour faire ma volunte, et ie vous en lerray donc aler tous quites, ou aultrement vous n'aurois ia paix à moy. Et ceulx de la cite respondirent: Nous nous conseillerons huy de ceste chose et demain nous en ferons savoir la vérité ou de le donner ou de le deffendre. — Ce veul-ge volentier, ce dit le roy Claudas. Lors se partirent du roy et se conseillèrent qu'il pouroient faire de ce que le roy Claudas leur requiroit, si trouvèrent en leur conseill qu'il ne rendroient mie Lambegues au roy Claudas, car ce seroit desleaulte. Quant Lambegues ouy que pour luy pouoit délivre la cite, il dit que il vouloit mieulx mourir que la cite fust destruite ne tout le peuple qui dedens estoit. Lors dit à Farien son oncle que il iroit au roy Claudas pour garantir la cite, et Farien dit que non feroit, car trop seroit grant daumage, se il estoit destruit. toutes fois dit Lambegues que il iroit. lors demande ses armes. Beau neveu, fait Farien, que te vauldront tes armes?

elles ne te vauldront néant, nul [mieulx] te vauldroit mercy crier. Et Lambegues dist que ia mercy n'y orieroit, ne pour crier mercy aloit il mie, ne ses armes n'y portoit il mie pour bataille qu'il vousist faire, mais ie ne veul mie, fait il, aler devant mon anemy mortel ainsy come ribault. Quant Lambegues fu armé, il monte maintenant et s'en va hors de la cite tout seul et tant fait qu'il vient devant la tente du roy Claudas, et lors descent ne ne dit mot du monde, ains vient devant le roy Claudas et gette ses armes à ses pies, et quant le roy Claudas ly voit ce faire, il ly dit: Lambegues,

Sur le roman de Tristan.

corne fus-tu si hardi qui cy venis devant moy, qui ses bien certainement que ie te hay plus que nul homme? — Or peus tu bien savoir, fait Lambegues, corne ie te doubte? — Et cuides tu, fait Claudas, que ie n'aie mie bien cuer de toy occire, et que ie soie si débonnaire que ie ne t'occie mie? — le ne te tieng mie, fait Lambegues, si débonnaire, mais au plus félon que ie veisse onques. mais tant sai-ge bien tout vraiment que tant come tu veuUes vivre, ne m'occiras-tu mie. Et le roy Glaudas qui voit bien qu'il est le plus hardy chevalier qu'il eust onques veu, met ius*) Tespee qu'il tenoit, si ly dit: Lambegues, ie voy bien apertement que tu es le plus hardy chevalier que ie veisse onques de ton aage, et pour ta grant bonté te pardonne-ge mon mautalent. Tout ce fist Lambegues pour sauver la cite de Gaunes et le peuple que dedens estoit. Mais ore leirons atant de ceste conte et retournerons à nostre matière pour conter come il avint à Palamides.

Gomme combati avecPalamides un chevalier nomé Lambegues pour rescouvre la reyne Yseult.

Or dit le conte que tant chevaucha Lambegues en telle manière qu'il est venu anques près de Palamides, qui en maine la reyne Yseult pleurant et démentant soy • et regretant Tristan trop durement, et Palamides la conforte de tout son pouoir, qui tant est dolant de ce qu'il la voit pleurer en telle manière que pou s'en fault qu'il ne la met ius. et la reyne pleure toutes fois et detuert ses mains. Âtant veés cy venir Lambegues qui crie tant quant il peut à Palamides: Sire chevalier, retour-

nés, vous n'en menrois mie madame pour si d'achoison. il vous convien iouster à moy. Palamides cuide bien certainement que ce soit Tristan, il ly abandonne le cheval et Lambegues autressy, si s'entreviennent si durement qu'il s'entreportent à la terre les chevaux sus les corps et les glaives volent en pièces, mais nul aultre mal ne se firent que du cheoir, car les haubers estoient fors, il se relievent iustement et traient les espees. Adonc comence la bataille grande et plainiere, si s'entredonnent si grans coups dont chascun en est tout chargié et empirent leurs heaulmes durement, car les espees estoient bonnes. Mais de tant est, meschoit à Lambegues que toutes ses plaies qu'il avoit devant s'escreverent à saignier si que toute la place en est sanglente quelle part qu'il aille, mais il est si chaut et si iriés qu'il ne se sent du sanc qu'il pert, ains entent à ferir et à courir [couvrir] soy contre les coups Palamides qui plus ly donne que mestier ne ly fust, à ce qu'il estoit si vuide du sanc qu'à paine se peut il en estant soustenir et est si fieble qu'il ne fait mes que souffrir et endurer, et Palamides fiert sus luy aussi come fevre sus enclume et apersoit bien qu'il ne pouroit longuement durer, et pour ce trait il ariere et demande à Lambegues come il a nom.

et celuy ly dit qu'il a nom Lambegues.

Or sachiés tout certainement, dit Palamides, que si tu fusses Tristan, io te occisse tout maintenant, mais por ce que tu n'es mie Tristan, te lerray ie atant. — Come, dit Lambegues, veus-tu donc lessier la bataille? ia ne suy ie mie encore outre. — Certes, fait Palamides, mais tu en es près, regarde combien tu as perdu du sanc. Lors regarde Lambegues et voit que toute la

*) fflns" est nn mot qa'on rencontre bien souvent dans les anciens mes., d'ordinaire joint à mettre on fonnant la locution „8U8 et ius", qui rend exactement surawn ae deorewn des Latins. Cest là rëtymologie du mot, qui s'est formé à l'analogie de jneque et de-œque.