DOLÉANCES DE LA VILLE DE TOURS

Aujourduy trentiesme jour d'octobre mil cinq cens quatrevingt-seize, en l'assemblée generalle faicte en L'hôtel du corps et communaulté de ceste ville de Tours, a esté par ceulx des Echevins dudit corps à ce depputez par une délibération de ladicte ville, rapporté les mémoires contenant les moiens et articles par forme de remonstrance pour estre proposez au Roy, de la partde ladicte ville, en l'assemblée, par Sa Majesté ordonnée près sa personne, suivant les lettres closes qu'il auroit plu à Sa Majesté escripreau corps de ladicte ville, pour depputer aulcuns desdicts eschevins, pour se trouver au nom de ladicte ville, en ladicte assemblée, au moins que pour l'indisposition de nous maire ne pouvions nous transporter en icelle, selon le commandement que Sadicte Majesté en auroit faict à nous dict maire, par aucunes lettres précédentes particulières, que Sadicte Majesté nous en auroit eseript ; lesquels articles et moiens de remonstrances, après avoir esté par nous dict maire veu et faict entendre en cette dicte assemblée, assistans et jurez messieurs des Eglises parleurs depputez, et eschevins, et sur chacuns desdicts articles délibérés finalement, ont esté iceulx articles renduz et arrestez, pour estre inserrez en la présente conclusion, ainsy qu'il s'en suit.

Que Sa Majesté sera suppliée très humblement de considérer, puis qu'il luy a pieu, par sesdictes lettres, commeuder audict corps de ville de luy faire entendre Testât d'icelle ville, que ladicte ville, oultre les extresmes pertes qu'elle a portées par les guerres précédentes, spécialement à l'occa-

(1) Archives de la ville de Tours, AA 5-

sion des guerres dernières, depuis l'année mil V°/niIxx neuf, elle est demourée grandement affligée par le séjour et passage des armées, levées de deniers et autres nécessitez desquelles elle a esté pressée, occasions pour lesquelles elle est demourée depopulée de plus des deux tiers des.habitans dont au précèdent elle estoit remplie.

Car, comme les habitans de ladicte ville ont toujours porté et rendu tesmoignage d'une fidelle obéissance à Sa Majesté, aussy le deffunct Roy dernier, que Dieu absolve, s'estant retiré en la dicte ville en l'année mil TC/IIIIXX neuf, avecq messieurs les princes, seigneurs et officiers de la couronne, la plus part desnuez de moiens pour supporter les frais de son armée, et d'ailleurs Sadicte Majesté naiant aussi autres plus promptz moiens de faire marcher ses gens de guerre et satifaire aux autres nécessitez de sadicte armée, chacun desdicts habitans auroit emploie de ses moiens, pour secourir Sadicte Majesté et lesdicts princes et seigneurs de sa suite, en sorte que, en moins de trois mois, Sadicte Majesté en au roit esté secourue de plus de six à sept vingts mil escus, et lesdicts princes et seigneurs de plus de trois cens mil escus, des deniers, ou soubz le crédit desditz habitans, la plus part desquelz en sont encore obligez et contrainctz d'en paier l'interest qui les a d'aultant apauvriz.

Oultre que, au départir de Sadite Majesté' de ladicte ville avecq son armée, elle laissa dans ladicte ville, pour la seurté d'icelle, huict cens hommes de pied en garnison, desquelz la solde et entretemement a esté fournie et paiée, durant six moys ou plus, par les habitans de ladicte ville, et à leurs frais et despens, pour n'avoir lors Sa Majesté moiens de fournil* de ses finances, ny faire lever les deniers en la généralité dudict Tours, qui estoit lors pour la pluspart occupée par les rebelles, laquelle despense est demourée en perte ou charges auxdits habitans , n'en aiant eu aulcun remboursement. Depuis lesquels temps, Sadicte Majesté, venue à la couronne, auroit esté secourue par diverses fois de grandes sommes de deniers, et jusques à la somme de quinze mil cinq cens escuz,

pour les subventions levées en ladicte ville es années mil V°/IÏIIXXXI, XII, XIII et XV.

Et d'avantaige, Sadicte Majesté auroit encores esté secourue desdicts habitans par diverses foys, jusques à la somme de XXXVIII mil Ve livres; pour lesquelles sommes ils auroient esté contrainetz, soubz le nom commung dudict corps, d'achepter de Sadicte Majesté aulcuns de ses aides et impositions, desquelles toutefois ledict corps de ville ne peut tirer le juste revenu qu'il convient pour paier les rentes constituées ausdicts habitans , à l'occasion des diminutions des fermes desdicts aides, lesquelles diminutions sont advenues par la misère du temps, faultc de peuple en ladicte ville, par la fréquence duquel peuple auparavant lesdicts aides étoient plus affermez, et sur le pied desquelles précédentes fermes, neantmoins lesdictes vendrions en auroient esté faictes au corps de ville.

Comme encores, par le commandement de Sa Majesté, ils seroient entrez en advence , pour les sièges à diverses foys, de Ladverdin, Montoire, Selle-en-Berry, et aultres places, jusques à la somme de dix huict mil escus, parties desquelles advences leurs restent encores à rembourser.

Aussy , pour conserver ladicte ville en l'obéissance de Sadicte Majesté durant ledict temps, ils auroient estez contrainetz porter grandes despenses et en empruncter les deniers à interestz, pour en faire les advences, d'aultant que tant s'en faut que la ville eust aulcuns fonds pour y satisfaire, mesmes que les deniers communs patrimoniaux et d'octroiz de la dicte ville ne sont pas suffisans pour les charges ordinaires ; partie de laquelle despense levée pour les années III1XX neuf et dix, "et encores pour 11IIXX huict, qui restoit à lever, se seroit trouvé monter à la somme de seize mil huict cens escus ; et encores pour l'ouverture des fossez de l'ampliation de ladicte ville, auroient esté levés sur eux, suivant les lettres patentes de Sa dicte Majesté, la somme de XVIII mil livres, et le clergé de ladicte ville III mil.

De manière qu'il reste encores à lever sur eux toute ladicte

despense pour les années subséquentes, à commencer des IIIIXX treize, jusques en l'année présente ; pour l'advence desquelz frais des années finies en quatre-vingt-quatorze, les eschevins de ladicte ville et aulcuns autres bourgeois se sont obligez, et dont ils sont encore débiteurs, à la somme de plus de trente-cinq mil escus, par contracts de constitution à rente, n'aiant ladicte ville encore trouvé moien pour la pauvreté du peuple d'en avoir peu faire la levée, combien que Sa Majesté leur en ait décerné le pouvoir; oultre les frays des années mil cinq cens II1IXX quinze et III1XX seize, laquelle despense ne pourra moins monter de dix à douze mil escuz.

En sorte que, quand Ton projeté au corps de ville la levée desdictes sommes, il s'y présente tant de difficultez pour la pauvreté du peuple, que ces choses sont comme rendues à l'impossibilité, car, comme auparavant ce qui estoit de plus de moiens en ladicte ville proceddoit de l'affluance des habitans d'icelie, du trafficq de la marchandise, spécialement du corps des ouvriers en soye, des sergetiers, rubanniers, passementiers et autres mestiers, qui estoient en grand nombre au contraire, par la defluance dudit nombre de peuple, ladicte ville s'est entièrement apauvrie.

De faict, il seroit aysé à veriffier par escrit, qu'aux corps desdicts ouvriers en soye auparavant lesdicts troubles, il y avoit plus de huict cens maistres ouvriers, plus de huict mil compagnons ouvrans sur les mestiers, car il y avoit tel des susditctz maîtres qui avoit soubz lui quarente mestiers et plus,soubz le traflicq duquel à dévider et préparer les soyes, estoient entretenues plus de trois cens personnes, et peut-on dire avecq vérité que du trallicq desdicts corps d'ouvriers en soye et manufacture de la soye, estoient nourriz plus de quarante mil âmes, tant de la ville et fauxbourgs qu'es environs, aiant esgardque chacun desdicts maistres, des compagnons et autres de ladicte manufacture fesoient aultant de familles.

Or maintenant, au contraire, il ne reste pas plus de deux cens maistres, et plus aulcuns compagnons ne apprentifs, la

plus part desquels maistres sont sv pauvres qu'ils n'ont pas le moien de lever mestiers et travaillent pour les autres maistres, comme fesoient les compagnons, et à dévider ; en sorte que, au lieu que la manufacture de la soye et des draps aportoient de traflicq en ladicte ville plus de deux, millions d'or par chacun an, aiant esgard qu'il s'esplectoit en chacune année plus de mil balles de soye escrues, chacune balle de valleur de II mil V cens livres et plus, revenant seulement au tiers de la valleur du drap manufacturé, oultre les soyes façonnées et draps estrangers, dont le traflicq estoit aussy fort grand, par les autres marchants bourgeois de ladicte ville, maintenant il ne s'esplecte pas la quantité de cent balles de soye.

Et encore le malheur est tel, par l'intelligence et monopolle d'aulcuns particuliers estrangers, que les soyes soient plus vendues ausdits ouvriers qu'ils ne peuvent tirer de leurs draps estans façonnez, ne pouvant avoir moien de recouvrer des soyes à Lyon, à l'occasion que lesdits estrangers et leurs associez les arrestent à la dessente.

Le semblable se pourroit discourir des autres mestiers, mesmes des dits sergetiers, desquels le nombre estoit tel et le traflicq sy grand, que leur ouvrage s'étendoit par toute la France et aux pais estrangers, et maintenant au contraire ii ne reste pas en nombre trente pauvres maistres.

Et encore, ce qu'il reste des habitans de la dicte ville, avecq quelque apparence de moiens, sont la plus part previllegiez et s'en trouve jusques au nombre de plus de trois cens, qui tous se prétendent exemps de la contribution aulx levées de deniers, et portent entraves aulx affaires de Sa Majesté.

Avecq les quels previllegiez peut-on joindre les ecclésiastiques de la dicte ville, consistaus principalement en deulx chappitres des églises de Tours, de Sain et- Martin et l'abbaie de Sainct-Jullien, églises collégiales de Sainct-Venant, Sainct- Pierre-Puellier, Notre-Dame-de-Consolation, tous lesquels ne contribuent à aulcunes des charges esquelles les previllegiez ne contribuent.

En sorte que le reste du peuple pauvre et languide suporte tontes les autres charges avecq tant de difficultez, quil ny a plus de moien d'en pouvoir lever sur eux, mesmes pour l'occasion de la cherté des vivres, laquelle procedde, tant à l'occasion des taxes et imposts des vivres entrans en la dicte ville, soit de bleds, vins, chairs et autres denrées, plus grans et excessifs qu'en nulle autre ville de ce royaume, que pardegast des fruits et revenus qui se sont commis et commectent par chacun jour dedans le plat pais, es environs de la dicte ville.

Car, oultre les grands imposts qui sont sur toutes sortes de marchandises entrans eu la dicte ville, et pour toutes les quelles on paie taxes, aussy il n'y a genre de vivre pour lequel l'on ne paie imposts, mesmes jusques aux herbes et potages.

Et se trouve aulcunes espèces, comme spécialement le bœuf, qui est vendu sur le pied, pour lequel et de ce que en provient, il se levé sept ou huict sortes d'impositions diverses, revenans à presque de la moitié de la valleur, et plus, de chacun bœuf, et à semblable du mouton et autres bestes vifves à pied fourché.

Et toutesfois, par les previlleigesde la dicte ville, confirmez de roys en roys et vérifiiez partout où besoing a esté, les habitans de la dicte ville, pour le creu des fruits de leurs héritages, et autres nouveaux imposts depuis leurs dits previlleiges, qui furent des le temps du roy Loy XImeà eux accordez, pour juste considération et pour leur fidellité et services au bien de la couronne, comme il est plus amplement parJé par iceulx, en ont esté déclarez exemps et deschargez, et de toutes levées de deniers, comme d'emprunts, subventions et autres.

Et, quant à la seconde occasion de laquelle procedde la cherté des vivres en la dicte ville, par le desgast des fruits des héritages du plat pais, c'est chose qui n'a besoin d'autre tesmoignage que de la notoriété, en quoy non seullement les particuliers et autres possesseurs portent pertes de leurs fruits et soutirent le mesme mal commung avecq tous les habitans du plat pais, des quelz la ruine est telle qn'il ne leur reste qu'une apparence d'une vie languide; aussy les dits propriétaires

habitaus de la dicte ville, sont contraincts pour esviter que leurs maisons aux champs ne demeurent désertes et par trop exposées au feu et à la dévastation de la gendarmerie, de louer à leurs despens et frais des gens du plat pais pour les habiter, suporter par eux les deniers des tailles et autres charges , auxquelles aultrement il serait impossible aux pauvres gens d'y satisfaire, leur fournir des vivres et autres choses pour leurs nécessitez ; aultrement leurs terres demeureroient incultivées.

En sorte que, sy directement les habitants de la dicte ville sont en conséquence de leurs previlleiges exemps et deschargez de païer taille, indirectement neantmoins, ils se trouvent taillables, tant par les subventions et autres charges qu'ils paient en la dicte ville, dont les villes taillables sont exemptées, surmontans plus que ne feroit la taille, aussy pour estre contraincts de suppiayer pour leurs fermiers, mestaiers et gens de labour aulx deniers de leurs cottisations des tailles et imposts, pour avoir moien de faire cultiver leurs terres et habiter leurs dites maisons des champs.

C'est Testât misérable de la dicte ville que les dictz maire eteschevins suplient très humblement Sa Majesté de voulloir considérer, et de prendre en bonne part, par Sa Majesté; sy luy représentent qu'en telle nécessité et pauvreté que la dicte ville est de présent détenue, il leur seroit impossible de prester , au moins quant à présent, aulcun secours aulx affaires de Sa dite Majesté, que par la fidellité, dilligence qu'ils désirent continuer à la conservation de la dicte ville soubs son obéissance.

Et quant aux autres moiens que Sa dicte Majesté pourroit désirer d'estre secourue en ses dites affaires, mesmes pour l'entretenement de ses armées, qui est chose qui deppend du fait et règlement de ses finances, dont Sa dicte Majesté pourra estre plus particulièrement informée par ses officiers, en chacun bureau de ses finances, que par autres ses officiers qui en ont la charge.

Toutefois, dune commune voix, il se dit entre le peuple

que Sa Majesté peut d'ung coup rellever son peuple de partie des levées trop grandes et insu portables, et neantmoins, de ce qui s'est levé et peu lever au soullagement de son peuple, entretenir son estât et les années, pourvu qu'elles soient bien et fidellement raesnagées; considéré que durant le temps des Roys François premier et Henry second, les levées qu'ils fesoient sur le peuple ne revenoient pas au sixiesme de celles qui se font de présent, et toutefois leurs maisons et leur estât estoient royallement entretenuz, leurs officiers et gens d'armes bien paiez et souldoyez, et le peuple affranchy du pillage des gens de guerre.

Et en oultre mesme, du temps du roy François, plusieurs châteaux ont esté bastiz, armées entretenues en païs estrangers, et lors de son decez un trésor réservé.

Ce que l'on en peut aultant espérer au règne de Sa Majesté, ses finances estant bien administrées, et par la recherche des malversations qui se commettent ordinairement, mesmes par supositions d'acquits, soubz noms empruntez et divertissement de deniers.

Neantmoins, pour approfondir davantage cette affaire et pour plus s'en rendre par Sa Majesté satisfaict, s'en remettent les dicts maire et eschevins, s'il plaist à Sa dicte Majesté, à la prochaine convocation des estats généraux de ce royaume, puis, selon que Sa Majesté, par ses dites, lettres déclare estre son intention de les voulloir assembler et convocquer, et comme de faict cestes affaires regardans tout l'universel de son Royaume ; aussy qu'il est du debvoir de chacun de ses subjects de luy en donner leur advis, tant sur ce qui est nécessaire pour apporter quelque remède à ce mal qui a pénétré sy avant que la ruyne entière du corps gênerai de cest estât en est menassée, et que sur l'ouverture des moiens pour l'entretenement de sa dicte armée, comme en estant l'interest gênerai de tous ses snbjets inséparablement conjoinct avec le sien ; affin que passans ces dictes affaires parles yeulx et advis de plusieurs personnes qui pourront avec plus d'intelligence et de liberté qu'en l'assemblée particulière que

Sa dicte Majesté a ordonnée, luy faire cognoistre les vrayes causes et sources de ces maux et déclarer les moiens d'y remédier, Sa Majesté en puisse tirer quelque bon advis et conseil salutaire pour le bien et conservation de son estât.

Et partant, pour aller en ladicte assemblée au nom dudict corps de ville et y représenter le moiens et remonslrances sus dictes, ont esté depputez d'une commune voix les sieurs de Baudry Forget, et Desvaux deBerry, eschevins et chacun d'eux en l'absence l'ung de l'autre, sans toutes fois que par leur présente depputation ils puisseut consentir aucune chose estre levée ou imposée sur la dicte ville et habitans d'icelle, ne aultrement, au préjudice des droictzde la dicte ville, ains s'opposer à tout ce qui pourroit estre ordonné au contraire, mesmes pour imposer aulcuns nouveaux subcides ou dasses, comme choses insuportables à la dicte ville et préjudiciables aux droitz, previlleiges et immuuitez d'icelle, soubzles renionstrances queencore ilz entendenty représenter plus amplement

à Sa dicte majesté.

(Signé) Gault.