ARTICLES ACCORDES EN L'ASSEMBLÉE DES ETATS

Tenus à Tours le x juin 1561

PAR CEULX DE l/ESTAT DE NOBLESSE

Cy après ensuyvent les advis et moyens de subvenir aux debtes du Roy, auxquelz sont convenuz et démolirez d'accord les gentilzhomm.es dépputez pour les pays soubzscriptz, sçavoir est :

Nyeolas de Prédouault, pour la séneschaulcée d'Anjou; Jacques de Courdouan, pour la séneschaulcée du Mayne ; Jean des Croix, pour le bailliaige de Touraine; Erançois de Lyon, pour le bailHaige de Bloys; Geolïrois de Marray, pour le bailliaige d'Amboise; Jean de Bubistre, pour le bailliaigedu Perche et Pierre de Monteroy, pour le pays et ressort de Lodunois, René de Guyart, pour le Conté de Laval; tous les dictz pays estant soubz le gouvernement de Monseigneur le Duc de Montpeucyer, lesquelz moyens les dictz dépputez entendent estre rapportez par davant sa Majesté, par le dépputé général du dict gouvernement aux Estatz Généraulz assignez au premier jour de may prochain, en la ville de Melun ; sauf les dépputez de la séneschaulcée d'Anjou, bailliaigesde Touraine et Bloys, et conté de Laval, lesquelz entendent proposer par davant sadicte Majesté autres remonstrances concernans la manutention et conservation de son Royaulme et l'ohservation des anciens droitz et libertez des trois Estatz du Royaulme, auxquelles remontrances les dictz cinq dépputez entendent préalablement leur estre satisfait et pourven.