AU ROY TENANT SES ESTATZ

Sire, une infinité de personnes du pays et duché de Touraine vous remonstrenten toute humilité, qu'ilz n'ont rien en ce monde qu'ilz désirent plus que leur salut , et que pour y parvenir, oyr la parolle de Dieu non falciffiée ne obscurcye par tradilions humaines, et joyrdes sacremens en toute puretté selon l'Kvangille de Nostre Seigneur Jésus Christ ; et d'autant qu'ilz désirent, après le service de Dieu, s'employer de tout, et corps et bien, pour vostre service, et qu'ilz n'ont aucune chose en plus grande et singulière recomandation que de demonstrer leur obéissance envers Vostre Majesté, vous supplient en toute obéissance, faire omologuer en voz courts de parlement, entretenir et garder le dernier édict, donné à Fontainebleau, le dixneufiesme jour d'apvril dernier, et donner une plus ample déclaration d'icelluy; deffendant,non seulement à tous particuliers, mais aussi à tous justiciers et officiers de les troubler ou molester eu aucune sorte ; et davantaige, ordonner lieux publicques et temples ausquelz ilz se puissent assembler, pour oyr la parolle de Dieu, et joyr des sacremens selon la confession de foy que vous ont cy devant présenté et présentent ; et par ce que, en vain on a jusques icy attendu ung concilie Général, en sovt assemblé ung national pour faire séjour et retour à ceulx de la langue françoise, auquel toutes ces choses soyent décidées par la parolle de Dieu, soubz l'autoritéde ceuh quiserontdéputez,n'ayansintérestzen la cause, espérans par ce moyen, que les troubles et divisions qui sont en la religion estansappaisez, ung chascun aura meilleure occasion de vivre en paix et tranquillité, et seramieulx disposé à prier Dieu pour Vostre prospérité, Sire, et pour la conservation et accroissement de vostre royaulme.

Et les dictz de Lodun ont leu les ung, deux, troys, quatre et cinquiesme articles de leur cahier ; pour le regard desquelz

ilz ont faict pareille requeste que le dict député de Touraine, et en ce faisant leurs dietz articles estre insérez et receuz ou présent cahier, desquelz articles la teneur s'ensuyt :

Premièrement, les dictz du Tiers Estât entendent offrir à la Majesté du Roy, nostre dict souverain seigneur, leurs personnes et biens, avecques toute humble et loyable obéissance, et à révérer, prier que en leur assemblée dernière tenue au moys de Mars, encores qu'ilz entendissent bien que les prédécesseurs de Sa dicte Majesté, estant en bas eaige, n'eussent desdaigné, par l'advis des dictz Ëstatz, prandre curateur ou gouverneur pour l'administration du royaulme, toutes foiz, les dictz du Tiers Estât s'estoyent déportez d'en toucher, pour le respect de la saigesse, prudence et vertu delà Roy ne mère, du Roy de Navarre et autres princes de son sang, en opinion que par eulx il y seroit si discrètement pourveu, et par bon conseil, que gardant l'Écdit ancien et l'auctorité des loix, ilz maintiendroient cette monarchie en sa forme, en bonne paix et police à leur honneur, contentement et seuretté des peuples.

Et maintenant qu'il en est ainsi advenu, par l'accord de la Reyne mère et du dict seigneur Roy de Navarre, comme on pourroyt les soubzhaitter pour le mieulx, les dictz du Tiers Estât congnoissans cest heur leur estre venu de la grâce de Dieu, pour n'en estre ingratz, avant toute œuvre, comme chose plus digne et plus nécessaire que toucher les subventions, entendent supplier et supplient très humblement la Majesté du Roy qu'il vueille permettre, es pays de sa diction, qu'à Dieu qui nous est autheur de tous biens et qui nous a donné ung prince de si grande espérance, soyt rendu l'honneur et service qu'il requiert de nous en son sainct Evangille, et qui luy a esté osté, parla suite des temps et par le deffauit des ecclésiaticques avaricieux, ambitieux et ignorans, et procurer la réformation de l'Eglise, par ung bon et sainct concilie général, si faire se peult, ou national ; où que les bons, saiges et doctes, non suspectz, soyent appelez, pour appaiser les différends qui ont décoloré, voyre avillainé la face de l'espose de nostre Dieu.

Et en attendant le dict concilie, qu'il plaise à Sa Majesté, par ordonnances et édictz, contenir ses peuples, que du moins ilz n'osent eulx entre offencer,ne eulx rechercher pour cause de la religion.

Et parceque ceulx de la papaulté se tiennent plus promptz àoffencer leurs coutrées, que encores à leurs dictes contrées n'est permis leur assembler en publique, en temple, pour faire leur prières et prédications, cuydans qu'ilz desplaisent et soyent desfavorisez de Sa Majesté, combien que leurs dictes contrées soyent de nombre, et seroit pareille ou plus grande si la nécessité et les injures les contraingoyent de venir aux mains; pour empescher que telz esclandres n'adviennent, et faire apparoir quelle doctrine est preschée es assemblées qui se font en place, et si c'est à droict ou à tort, que on dict estre monopolle contre la dicte Majesté et commys une infinité de villainyes, qu'il plaise à icelle Majesté permectre que les dictes assemblées soyent faictes es temples.

Oultre que, en ce faysant, le dict seigneur tiendra en debvoir ses dictz subjetz les uns vers les autres, il gaigneratous ceulx qui pour haine de l'une, ou pour crainte d'estre veuzde l'autre des dictes églises, ne fréqueutent en l'une des deulx, par desacoustumance ne tombent en erreur brutale de la mescongnoissance de Dieu.

Le député du Tiers Estât du pays, conté et éllection de Laval,

: avecques la requeste cy après insérée estre aussi

employée et receue au présent cahier général ; de laquelle requeste la teneur s'ensuyt :

Supplient les gens du Tiers Estât la majesté du Roy, que pour mieux paciffier les troubles au jourd'huy esmeuz eu toutes les parts de ce royaume pour le faict de la religion, y voulloir pourveoir par une bonne réduction de toutes choses concernant l'honneur de noustre Dieu, entretien et éditication de son église catholique, selon la parolle de Dieu et escripture saincte, et retranchant de toutes choses contraires et y desrogeans, le plus tôt que faire se pourra, et cependant pour prévenir toute manière de séduction et eutrepriuse qui se

font entre les subjectz du dict seigneur, quesesdictz subjeelz soyent contenuz en tout estât pacifficque, et que tout moyen de se pouveoir esmouvoir et injurier les ungs et les autres pour le faict de la religion so)tosté, en faisant exécuter et entretenir l'édict de ce faict à Orléans, au moys de janvier dernier.

Desquelles requestes et articles les dictz d'Anjou, leMayne, Bloys, le Perche et Amboise ont dict n'avoir charge des députais de leurs pays.

Et le dict d'Amboyse,que aucuns particulliers ont présenté articles du faict de la religion, qui sont demeurez au greffe du bailliage du dict Arnboyse, et n'en avoir esté chargé.

En oultre, celluy de Bloys a dict n'estre chargé que sur les ouvertures concernans le faict de l'acquit du Roy.

Fait et parfait en la maison de ville du dict Tours, par les déléguez des pays du dict gouvernement, l'onziesme jour des dictz moys et an.

Ainsi signé :

Fallaiseau, député du Tiers Estât de Touraine,

Caron, député du Maine,

Lebret Grindet, député de Bloys,

Martin, député de Lodun,

Goullet, député du Perche,

Duchemin, député du Tiers Estât de Laval,

Chaumet, député de Lodun,

Franc-Boucher, député d'Amboyse,

Rochart, député du Perche.

Pour coppie collationnée à l'original estant par devers moy, député du Tiers Estât du gouvernement de monseigneur le Duc de Montpencier.

Ainsi signé : Falaiseau.

[Bib. Nationale, Mss. Collection Dupuy, n° 588, f° 47 et suiv.)