RONDEAU XXVIII

Crevez moy les yeulx Que ne voye goutte, Car trop je redoutte Beaulté en tous lieux.

Ravir jusqu'aux cieulx Veult ma joye toute ; Crevez moy les yeulx Que ne voye goutte.

D'elle me gard Dieux, Affin qu'en sa route Jamais ne me boute; N'esse pour le mieulx?

Crevez moy les yeux.

Quant je la regarde, Elle vient ferir Mon cueur, de la darde D'amoureux désir; Crevez moy les yeulx.

Jeunes amoureux nouveaulx, En la nouvelle saison.

Par les rues, sans raison, Chevauchent faisans les saulx.

Et font saillir des carreaulx Le feu , comme de charbon, Jeunes amoureux nouveaulx, En la nouvelle saison.

Je ne sçay se leurs travaulx Hz employent bien ou non; Mais piqués de l'esperon Sont autant que leurs chevaulx, Jeunes amoureux nouveaulx.

Gardez le trait de la fenestre.

Amans, qui par rues passez, Car plus tost en serez blessez Que de trait d'arc ou d'arbalestre.

. N'alez à destre ne à senestre ,

y Regardant, mais les yeulx bessez; Gardez le trait de la fenestre, Amans, qui par rues passez.

Se n'avez medicin bon maistre, Si tost que vous serez navrez A Dieu soiez recommandez, Mort vous tiens, demandez leprestre, Gardez le trait de la fenestre

En gibessant toute l'après disnée Par my les champs pour me desanuyer

gÔ CHARLES d'ORLÉANS.

N'a pas long temps que faisoye, l'autr'ier, Voler mon cueur après mainte Pensée.

L.'aquilote, Souvenance nommée, Sourdoit déduit et savoit remerchier, En gibessant toute l'après disnée Par my les champs pour me desanuyer.

Gibessiere de Passe Temps ouvrée, Emply toute d'assez plaisant gibier ; Et puis je peu mon cueur, au derrenier, Sur ung faisant d'Espérance Celée, En gibessant toute l'après disnée.

Que faut il plus à ung cueur amoureux, Quant assiégé l'a Dangier, de Tristesse, Qu'avitailler tantost sa forteresse D'assez vivres de Bon Espoir eureux ?

Cappitaine face Désir Songneux Qui, nuyt et jour, fera guet sans peresse; Que faut il plus à ung cueur Amoureux Quant assiégé l'a Dangier de tristesse.

Artillié soit d'Avis Avantureux, Coulevrines et canons à largesse, Prez, assortiz et chargiez de Sagesse, Es boulevers et lieux avantageux ; Que faut il plus à ung cueur amoureux !