RONDEAU LUI

Il fauldroit faire l'arquemie, Qui vouldroit forgier Faulceté Tant qu'elle devint Loyaulté, Quant en malice est endurcie!

C'est rompre sa teste en folie , Et temps perdre en oysiveté.

Il fauldroit faire l'arquemie, Qui vouldroit forgier Faulceté.

Plus avant qu'on y estudie, Et moins y congnoist on seurté, Car de faire de mal, bonté , L'un à l'autre est trop contrarié, Il fauldroit faire l'arquemie.