RONDEAU CLXIII

Ce n'est que chose acoustumée, Quant Soussy voy vers moy venir, Se tost ne lui venoye ouvrir, 11 romproit l'uis de ma Pensée.

Lors fait d'escremie levée, Et puis vient mon cueur assaillir.

Ce n'est que chose acoustumée.

Quant Soussy voy vers moy venir.

Adonc prent d'Espoir son espée Mon cueur pour des coups soy couvrir Et se deffendre et garentir; Ainsi je passe la journée, Ce n'est que chose acoustumée.

Par m'ame, s'il en fust en moy, Soussy, Dieu scet que je teroye! Moy et tous, de toy vengeroye ; Il y a bien raison pourquoy.

Riens ne dy qu'ainsi que je doy, Et telle est la voulenté moye.

176 CHAULES d'ori.k.vns.

Par m'ame, s'il en fust en moy, Soussy, Dieu scet que je fcroye!

Ung chascun se complaint de toy, Pource, voulentiers fin prcndroye Avec toy, se je povoye; Je n'y vois qu'à la bonne foy, Par m'arae, s'il en fust en mo/.

Chascun devise à son propos, Quant à moi, je suis loing du mien, Mais mon cueur en espoir je tien Qu'il aura une foiz repos.

Souvent dit, me tournant le dos Je double que n'en sera rien.

Chascun devise à son propos, Quant à moy, je suis loing du mien.

Tenez Fuis de Pensée clos, Faittes ainsi pour vostre bien ; Soussy vous vouldroit avoir sien, Ne croyez, n'escoutez ses mos; Chascun devise à son propos.

RONDEAU CLXVI.

Ennemy, je te conjure, Regart, qui aux gens cours sus; Vieillars aux mentons chanus, Dont suis, n'avons de toy cure.

Jeune, navré de blesseure Fu par toy, n'y reviens plus,

Ennemy, je te conjure, Regart, qui aux gens cours sus.

Va quérir ton avanture Sus amans nouveaulx venus; Nous vieuli-, avons obtenus Saufconduitz, de par Nature; Ennemy, je te conjure.

RONDEA.U CLXVII.

Mon cueur se plaint qu'il n'est payé De ses despens, pour son traveil Qu'il a porté, si nompareil Qu'oncques tel ne fut essayé.

Son payement est délayé Trop longtemps; sur ce, quel conseil?

Mon cueur se plaint qu'il n'est payé De ses despens pour son traveil.

Puis qu'il n'est de gaiges rayé Mais prest en loyal appareil Autant que nul soubz le souleil, Se mieulx ne peut, soit deffrayé; Mon cueur se plaint qu'il n'est payé.