RONDEAU

J'ay tant en moy de desplaisir.

Puisqu'il me convient départir, Helas ! de vous, et loing aller ; Et si ne puis à vous parler , Dont j'auray maint mal à souli'rir; N'est riens qui puist esjoir, Si n'est le très doulx souvenir Que j'ay par vous bien fort amer.

J'ay tant, etc.

Adieu ma joye, mon plaisir, Adieu mon loyal souvenir, Adieu belle Dame sans per; Adieu dire m'est coup mortel , Car je m'en vois sans vous veoir.

J'ay tant, etc.

HESPO.NCE.

Mon amy, Dieu te convoyé , Et brief te remaint à joye, A ton honneur et plaisir.

Tout ainsi que je désire, Mieulx que dire ne sauroye.

Si par souhait je povoye, Plus souvent te reverroyr^ Mais, car ne te puis veoir.

Mon amv, etc.

428 i»oésilts Dit cHAHLBs d'orli^ans.

Ceste chancon je t'envoye, De m'amour par grant montjoye, Si t'en vueilles esjoir ; Car te jure, sans mentir, Que Vayme loing que je soye.

Mon amy, etc.

CHANCON

Faire ne puis joyeulx semblant, Reconfort n'ay, qui soit plaisant A moy qui suis sans mon amy; Il a long temps que ne vous vy.

Ne le verray, je ne scay quant ?

Faire ne puis, etc.

Guérir ne puis du mal qu'ay tant, Helas ! emy ! jusques à tant Retournera celluy pourquoy.

Faire ne puis, etc.

Mon cueur si est si desplaisant , Aussi bien doit estre dolent, Il ra'ayme tant! si foys je lui ; Ne le mectray point en oubli, Et Tameray en Tactendant.

Faire ne puis, etc.

CHANCON

Faictes pour moy com j'ay pour vous.

Retenez moy, par dessus tous, Amy tout seul, très belle Dame, Je vous jure sur Dieu, sur m'ame.

Ne vueil servir autre que vous.

Faictes pour moy, etc.

Guerrissez moy du mal d'Amours , Et me donnez du bien de vous; Reconfort te\ plus ne m'en chailie, Mon bien, m'amour, mon fin cueur doulx,

POésiES DE CHARLES I>'oRLÉANS. 420

A vous me rens , à vous suis tous.

Faictes pour moy, etc.

Je vous ayme plus que autre femme, N'autre que vous n'aura la garde, Helas! de moy qui suy à vous.

Faictes pour moy, etc.