LETTRE

(sans date, sans adresse et sans signature).

Encor que je saiche que Monsieur vostre frère ne manque, à toutes occasions, de vous donner de ses nouvelles et aultres qui occurrent par de çà, si est-ce que pour me réclamer de voz plus affectionnez serviteurs et amys, et vous tesmoigner la souvenance que j'ay des honnestes amitiés qu'il vous plaist m'user par de ça et combien je désirerois, en quelque bon endroict, vous faire ung courageux service. J'ay pensé ne debvoir plus tardera vous salluer de ce petit mot, qui ne s'estandra plus avant en ceste particullarité, pour vous avoir suplié en présence de n'en faire jamais doubte. Mais ne voullant laisser ceste carte si vuyde, vous diray pour la nouvelle de la court qui arrive jusques en noz quartiers.