SONNET A LA MEME

Mignonne, levez-vous! Vous estes paresseuse. Jà la gaye allouette au ciel a fredonné; Et jà le rossignol doucement jargonné, Dessus l'espine assis, sa complainte amoureuse.

Debout donq! Allons voir l'herbelette perleuse. Et vostre beau rozier de bouttons couronné, Et voz œilletz aimez auxquelz aviez donné Hier au soir, de l'eaue, d'une main si soigneuse.

Hier, en vous couchant, vous me feistes prom:-ssj D'estre, plus tost que moy, ce matin, esveiilée ; Mais le sommeil vous tient encore toute sillée.

Ha, je vous puniray du péché de paresse ;

Je vas baiser voz yeulx et vostre beau tétin

Cent foys, pour vous aprendre à vous lever matin.