Vers omis par Palerne et rétablis par l'éditeur

O l'honneur de nos ans vrayment tu es, Déesse. Tu exauces mes' cris, tu chasses ma destresse. Comme Phebus souvent les nuages d'hyver. Le cœur n'est généreux qui, de pitié s'estrange Aussy qui est celuy qui chante à Dieu louange Entre les tormentez des abismes 4 d'enfer !

Je remarqueray donq d'une noire teincture Le jour qui me feit choir en si triste avanture. Blanc me sera celluy qui m'en a retiré. Soit heureuse à jamais la saige Callire'e, Qui m'impe'tra pardon à l'heure inespe're'e, Bien d'aultant infiny que je l'ay désiré.

DU MEME AUTHEUR (JAMIN; (l'amour n'est pas babillard)

En amour, rien ne sied si bien Que de jamais ne dire rien.

Les enfens n'ont grandes parolles.

Amour est enfent tout exprès ; Et ceulx qui suyvent ses escolles Ne peuvent dire ses secretz.

Amour en secret se désire ; J'ayme mieulx plus penser que dire.

i De l'abysme.

Amour estant aveugle aussy Apprend, à qui en a soucy Et à ceulx qui sont à sa suitte, Qu'il fault dire qu'ilz n'ont rieu veu Donc, aveugle soubz sa conduite, Je diray que je n'ay rien sceu ; Et quant j'auray l'heur où j'aspire, J'ayme mieulx plus penser que dire.

Vénus naquist dedans la mer, Et, depuis, n'a voullu aymer, Ny faire un heureulx avantaige Qu'à ceulx qui, comme les poissons, Semblent avoir peu de langaige Sans se vanter en cent façons.

Pensez donq lors, quant je souspire, S'il me fault plus penser que dire.

Plus faire que dire vault mieulx ; C'est mesme une vertu des dieux.

Les glorieulx, tout au contraire, Disent tousjours plus qu'ilz ne font.

Mais pensez, pour me satisfaire, Que noz plus jeunes ans s'en vont, Tandis que voyant mon martire, Vous vouliez plus penser que dire.

Qui, par deux foys, a évité nauffraige, N'y doibt jamais retorner s'il est saige.

— i85 - EN ITALIEN

( Pièce en deux huitains et un sizain. ) Saccrat' Ingegni et de l'Ingegni scorta.