A CEULX DE LA SAINTE LIGUE

Où courez-vous, Ligueurs ? Bon Dieu, quelle follie ! Quelle aveugle fureur vous trouble le cerveau. Qui, de vos propres mains, dressez vostre tombeau ; Non vostre seullement, mais de vostre patrye.

Ainsy le Sagontin, prodigue de sa vye, De sa femme et enfans, d'un tragicque flambeau Embrase, de sa main, ce qu'il a de plus cher ', Ses enfans, ses autelz et sa cité che'rye.

Il souffrit tous ces maulx pour l'amitié Romayne. Vous périrez aussy pour celle de Lorrayne ; Semblable est le malheur, non l'honneur, au trespas.

Il mourut pour l'amy, pour fuyr servitude ;

Et vous, pour l'ennemy, dont le joug est bien rude :

Il en fut fort loué ; vous ne le serez pas.

SONNET

AU ST JEHAN LOUYS DE NOUGARET, DUC d'eSPERNON a

O pouvre souffreteux et d'honneur et de gloire, Qui allez mendiant les beaux faictz du Guisart, Et vostres les preschez au peuple babillart, Pour paindre vostre nom au temple de mémoire,

Il fault, par la vertu et les armes, bien faire. Il fault, parmy la pouldre et le sang, au hasart,

i . Beau ?

2. Jean-Louis de Nogaret et de La Valette, duc d'Epernon , né en 1 554, faisait partie des mignons de Henri III, avec Queylus, Joyeuse et Saint-Mégrain.

S'acquérir un beau loz, et non poinct, par le fard D'un honneur emprunté, l'honneur d'aultruy soustraire.

Toute chose sied bien, estant mise en son lieu. L'esté nous desplairoit du printemps au millieu; Et si les eaux baignoient tout le sein de la terre.

C'est le faict d'une Dame ou d'un sacré Prélat De bien traicter la paix ; non d'un jeune soldat Duquel l'honneur naïf doibt florir par la guerre.

Jehan Louvs de Nougaret Guide Henry à sa volonté.