SUR LA DEFFAICTE DES REISTRES

Le Guisart Balafré a deffaict à propos Un nombre d'ennemys, de Reistres huguenotz. Le reste s'est sauvé par fort grande détresse ; Et, sans un meschant clou, qui luy vint à la fesse, Qui l'empeschoit encor de monter à cheval, Il les eust tous tuez ou faict beaucoup de mal. Reistres donq, qui fuyez par la France où vous estes, Voz cornes retirez et non pas voz cornettes ; Dictes un grand mercy; et venez, sur le tard, Vos chandelles offrir aux fesses du Guisard, Et recognoissez tous que vostre vie entière Dépend tant seullement du faict de son derrière.