COPIE DE LA LETTRE DE RETENUE

Dieu Cupido et Venus la Deesse, Ayans povair sur Mondaine Liesse, Salus de cueur, par nostre grant humblesse, À tous amans.

Savoir faisons que le duc d’Orlians, . 405$ Nommé Charles, a present jeune d’ans, Nous retenons pour l’un de noz servans Par ces presentez ;

Et lui avons assigné sur noz rentes

Sa pension en joyeuses attentes,

Pour en joïr par noz lectres patentes Tant que vouldrons ;

En esperant que nous le trouverons

Loyal vers nous, ainsi que fait avons

Ses devanciers, dont contens nous tenons Tresgrandement.

Pour ce donnons estroit commandement

Aux officiers de nostre Parlement

Qu’ilz le traittent et aident doulcement En tout affaire,

À son besoing, sans venir au contraire,

Si chier qu’ilz ont nous obeir et plaire,

Et qu’ilz doubtent envers nous de forfaire En corps et biens ;

Le soustenant, sans y espargnier riens, Contre Dangier avecques tous les siens :

Malle Bouche, plaine de faulx maintiens, Et Jalousie ;

Car chascun d’eulx de grever estudie Les vraiz subgietz de nostre Seigneurie, :

Dont il est l’un et sera à sa vie.

Car son serment

De nous servir, devant tous, ligement,

Avons receu, et pour plus fermement

Nous asseurer quil fera loyaument Entier devoir,

Avons voulu en gage recevoir | Le cueur de lui, lequel, de bon vouloir,

À tout soubzmis en noz mains et povoir ; .

Pour quoy tenus

CHARLES D'ORLÉANS

Sommes a lui par ce de plus en plus ; Si ne seront pas ses biens fais perdus, Ne ses. travaulx pour neant despendus ;

Mais pour moustrer A toutes gens bon exemple d’amer, 445 Nous le voulons richement guerdonner, Et de noz biens a largesse donner.

Tesmoing noz seaulx Cy atachiez, devant tous noz feaulx, [p. 16] Gens de conseil et serviteurs loyaulx, 450 Venuz vers nous par mandemens royaux,

Pour nous servir.

Donné le jour saint Valentin martir, .

En la cité de Gracieux Desir, Ou avons fait nostre conseil tenir. 455

Par Cupido et Venus souverains, À ce presens plusieurs Plaisirs Mondains.