BALLADES, IX, 13 — X
À tous complaist, a nul n'est énnuiant, Qui plus la voit plus en est desirant ; De ces grans biens est ma Dame garnie.
Toutes dames, qui oyez cy comment Prise celle que j'ayme loyaument, Ne m'en sachiez maugré, je vous en prie ; Je ne parle pas en vous desprisant.
Mais, comme sien, je dy en m'acquittant :
De ces grans biens est ma Dame garnie.
ma Dame je ne sçay que je dye,
Ne par quel bout je doye commencer, Pour vous mander la doloreuse vie Qu'Amour me fait chascun jour endurer.
Trop mieulx vaulsist me taire que parler, Car proufiter ne me peuent mes plains, Ne je ne puis guerison recouvrer, Puis qu’ainsi est que de vous suis loingtains.
Quanque je voy me desplaist et ennuye, Et n’en ose contenance moustrer, Mais ma bouche fait semblant qu’elle rie, Quant maintefoiz je sens mon cueur plourer.
Au fort, martir on me devra nommer,
Se Dieu d’Amours fait nulz amoureux saints :
Car j'ay des maulx plus que ne sçav compter, Puis qu’ainst est que de vous suy loingtains.
CHARLES D’ORLÉANS
Et non pourtant, humblement vous mercie, Car par escript vous a pleu me donner Ung doulx confort que j’ay a chiere lie Receu de cueur et de joyeux penser, 20 Vous suppliant que ne vueilliez changier, Car en vous sont tous mes plaisirs mondains, Desquelz me fault a present deporter, Puis qu'ainsi est que de vous suy loingtains.
OINGTAIN de vous, ma tresbelle maistresse, [p. 28 Fors que de cueur que laissié je vous ay, Acompaignié de Dueil et de Tristesse, Jusques a tant que reconfort auray D'un doulx plaisir, quant reveoir pourray $ Vostre gent corps, plaisant et gracieux, Car lors lairay tous mes maulx ennuieux Et trouveray, se m'a dit Esperance, Par le pourchas du regard de mes yeulx Autant de bien que j’ay de desplaisance. 10
Car s’oncques nul sceut que c’est de destresse, Je pense bien que j’en ay fait l’essay Si tresavant et a telle largesse | Qu’en dueil pareil nulluy de moy ne sçay.
Mais ne m'en chault ; certes j’endureray, 1 Au desplaisir des jaloux envieux, ; Et me tendray, par semblance, joyeux ; l Car quant je suy en greveuse penance, | [lz reçoyvent, que mal jour leur doint Dieux! Autant de bien que j’ay de desplaïsance. 20
