BALLADES, X, 17 — XII

Tout prens en gré, jenne, gente Princesse, Mais qu’en sachiés tant seulement le vray.

En attendant le guerdon de Liesse Qu’a mon povair vers vous desserviray ;

Car le conseil de Loyauté feray,

Que garderay pres de moy en tous lieux Vostre toujours soye, jennes ou vieulx, Priant a Dieu, ma seule desirance,

Qu'il vous envoit, s’avoir ne povez mieulx, Autant de bien que j'ay de desplaisance.

uIS qu’ainsi est que loingtain de vous suis, [p.29]

Ma maistresse, dont Dieu scet s’il m'ennuie, Si chierement vous requier que je puis Qu'il vous plaise de vostre courtoisie, Quant vous estes seule, sans compaignie, Me souhaidier un baisier amoureux Venant du cueur et de pensee lie, Pour alegier mes griefs maulx doloreux.

Quant en mon lit doy reposer de nuis, Penser m’assault et Desir me guerrie ; Et en pensant maintesfois m'est advis Que je vous tiens entre mes bras, m'amye; Lors acolle mon oreillier et crie :

« Mercy, Amours, faictes moy si eureux Qu'avenir puist mon penser en ma vie, Pour alesier mes griefs maulx doloreux ! »

CHARLES D'ORLÉANS

Espoir na dit et, par sa foy, promis Qu'il m’aydera et que ne m'en soussie ; Mais tant y met qu’un an me semble dix, Et non pourtant, soit ou sens ou folie, Je m’y attens et en lui je m'’afie Qu'il fera tant que Dangier, le crueux, N’aura briefment plus sur moy seigneurie, Pour alegier mes griefs maulx doloreux.

À Loyauté de plus en plus m’alye, Et a Amours humblement je supplie Que de mon fait vueillent estre piteux, En me donnant de mes vouloirs partie, Pour alegier mes griefs maulx doloreux.

OUR lant se souvent ne vous voy, Pensez vous plus que vostre soye ?

Par le serement que je vous doy, Si suis autant que je souloye ; N’il n’est ne plaisance, ne joye, N’autre bien qu’on me puist donner, Je le vous prometz loyaument, Qui me puist ce vouloir oster Fors que la mort tant seulement.

Vous savés que je vous feis foy Pieça de tout ce que j'avoye, Et vous laissay, en lieu de moy, Le gage que plus chier j’amoye ; C’estoit mon cueur que j’ordonnoye