BALLADES, XVI, 7 — XVII

Pour prandre joyeuse Plaisance,

Je me treuve, sans recouvrance, Loingtain de Joye conquester,

De Tristesse si bien renté

Que j'ay, je m'en puis bien vanter, Le rebours de ma voulenté.

Las ! Amours, je ne voy nulluy Qui n’ait aucune souffisance, .Fors que moy seul qui suis celluy :

Qui est le plus dolent de France.

J'ay failli a mon esperance; —- Car quant a vous me voulz donner Pour estre vostre serementé, Jamais ne cuidoye trouver Le rebours de ma voulenté.

Au fort, puis qu’en ce point je suy, Je porteraÿ ma grant penance, Ayant vers Loyauté retuy Ou j'ay mis toute ma fiance.

Ne Dangier, qui ainsi n'avance, Quelque mal que doÿe porter, Combien que trop m’a tourmenté, Ne pourra ja en moy bouter Le rebours de ma voulenté.

D’aucun reconfort accointer Plusieurs foys m’en suy dementé ; Mais j'ay tousjours, au par aler, Le rebours de ma voulenté.

CHARLES D'ORLÉANS

OULEUR, Courroux, Desplaisir et Tristesse, [p.37] Quelque tourment que j'aye main et soir, Ne pour doubte de mourir de destresse, Ja ne sera en tout vostre povoir De me changier le tresloyal vouloir s Qu'ay eu tousjours de la belle servir, Par qui je puis et pense recevoir Le plus grant bien qui me puist avenir.

Quant j'ay par vous aucun mal qui me blesse, Je l’endure par le conseil d’Espoir 10 Qui m’a promis qu'a ma seule maistresse Lui fera brief mon angoisse savoir, En lui mandant qu'en faisant mon devoir, J'ay tout les maulx que nul pourroit souffrir. Lors trouveray, je ne sçay s’il dit voir, 15 Le plus grant bien qui me puist avenir.

Ne m’espargniez donc en rien de rudesse, Je vous feray bien brief appercevoir Qu’auray secours d’un confort de Lyesse.

Long temps ne puis en ce point remanoir : 20 Pour ce je metz du tout a nonchaloir Les tresgrans maulx que me faittes sentir; Bien aurez dueil, se me voyez avoir Le plus grant bien qui me puist avenir.

Je suy cellui au cueur vestu de noir 25 Qui dy ainsi, qui que le vueille ouyr :