BALLADES, XVIII, I — XIX

J'auray briefment, Loyauté m’en fait hoir, | / Lt 2

Le plus grant bien qui me puist avenir.

EUNE, gente, plaisant et debonnaire, [p. 38] Par un prier, qui vault commandement, Chargié m'avez d’une balade faire.

Si l’ay faicte de cueur joyeusement ; Or la vueilliez recevoir doulcement. 5 Vous y verrés, s’il vous plaist a la lire, Le mal que j’ay, combien que vrayement J'aymasse mieulx de bouche le vous dire.

Vostre doulceur m'a sceu si bien atraire Que tout vostre je suis entierement, to Tresdesirant de vous servir et plaire.

Mais je seuffre maint doloreux tourment, Quant a mon gré je ne vous voy souvent, Et me desplaist quant me fault vous escrire : “Car se faire ce povoit autrement, 1 J'aymasse mieulx de bouche le vous dire.

C’est par Dangier, mon cruel adversaire, Qui m’a tenu en ses mains longuement ; En tous mes fais je le treuve contraire, Et plus se rit quant plus me voit dolent. 20 Se vouloye raconter plainnement En cest escript mon ennuieux martire, Trop long seroit ; pour ce certainnement J’aymasse mieulx de bouche le vous dire.

CHARLES D'ORLÉANS

Où je party derrainnement

De ma souveraine sans per, (Que Dieu gard et lui doint briefment Joye de son loyal penser) Mon cueur luy laissay emporter ; Oncques puis ne le peuz ravoir.

Si m'esmerveille, main et soir, Comment j'ai vesqu tant de jours

Depuis sans cueur ; mais pour tout voir,

Ce n'est que miracle d’Amours.

Qui est cellui qui longuement Peut vivre sans cueur, ou durer Comme j’ay fait en grief tourment ?

Certes nul, je m'en puis vanter.

Mais Amours ont voulu moustrer En ce leur gracieux povair,

Pour donner aux amans vouloir D’eulx fier en leur doulx secours ; Car bien peuent appercevoir

Ce n’est que miracle d’Amours.

Quant Pitié vit que franchement Voulu mon cueur abandonner Envers ma Dame, tellement Traitta que lui fist me laisser Son cueur, me chargeant le garder, Dont j’ay fait mon loyal devoir, Maugré Dangier, qui recevoir Ma fait chascun jour de telz tours

Cp. 36]

ts