BALLADES, XLIV, 13 — XLV

Que, sans faillir, vous trouverés Qu'elle vauldra pis que mortelle, S'a Leauté ne vous rendés !

E Dieu plaist, briefment la nuee De ma tristesse passera, Belle tresloyaument amee, Et le beau temps se moustrera :

Mais savez vous quant ce sera ?

Quant le doulx souleil gracieux De.vostre beauté entrera Par les fenestres de mes yeulx.

Lors la chambre de ma pensee De grant plaisance reluira Et sera de joye paree, Adonc mon cueur s’esveillera, Qui en dueil dormy long temps a.

Plus ne dormira, se m’aid Dieux, Quant ceste clarté le ferra Par les fenestres de mes yeulx.

Helas ! quant vendra la journee Qu'ainsi avenir me pourra ?

Ma maistresse tresdesiree, Pensez vous que brief avendra ?

Car mon cueur tousjours languira En ennuy, sans point avoir mieulx, Jusqu’a tant que cecy verra Par les fenestres de mes yeulx.

CHARLES D 'ORLÉANS

De reconfort mon cueur aura 25 Autant que nul dessoubz les cieulx, Belle, quant vous regardera Par les fenestres de mes yeulx.

u court jeu de tables jouer [p. 69] Amour me fait moult longuement ;

Car tousjours me charge garder Le point d’atentte seulement, En me disant que vrayement s Se ce point lye sçay tenir, Qu’au derrain je doy, sans mentir Gaangnier le jeu entierement.

Je suy pris et ne puis entrer Ou point que desire souvent ; 10 Dieu me doint une fois gietter Chance qui soit aucunement À mon propos, car autrement Mon cueur sera pis que martir, Se ne puis, ainsi qu'ay desir, 15 Gaangnier le jeu entierement.

Fortune fait souvent tourner Les dez contre moy mallement; Mais Espoir, mon bon conseillier, M'a dit et promis seurement 20 Que Loyauté prochainement Fera Bon Eur vers moy veni