BALLADES, XLIX, 12 — LI, S

En ce chastel y a trois tours, Dont l’une se nomme Fiance 10 D’avoir briefment loyal secours, Et la seconde Souvenance, La tierce Ferme Desirance.

Ainsi le chastel est si fort Que nul n’y peut faire grevance ; 1$ Je le tendray jusqu’a la mort. |

Combien que Dangier, par faulx tours, De le m'oster souvent s’avance, Mais il trouvera le rebours, [p. 74] Se Dieu plaist, de sa mal vueillance. 20 Bon Droit est de mon aliance, Loyauté et lui sont d’accort De m'aidier ; pour ce, sans doubtance Je le tendray jusqu’a la mort.

Faisons bon guet sans decevance 25 Et assaillons par ordonnance, Mon cueur, Dangier qui nous fait tort ; Se prandre le puis par vaillance, Je le tendray jusqu’a la mort!

A premiere fois, ma Maistresse, L Qu'en vostre presence vendray, Si ravy seray de liesse Qu’'a vous parler je ne pouray ; Toute contenance perdray, s

CHARLES D'ORLÉANS

Car, quant vostre beauté luira

Sur moy, si fort esbloiïra

Mes yeulx que je ne verray goutte ; Mon cueur aussi se pasmera,

C’est une chose que fort doubte.

Pour ce, nompareille Princesse, Quant ainsi devant vous seray, Vueilliez, par vostre grant humblesse, Me pardonner, se je ne sçay Parler a vous comme devray ;

Mais tost aprés s’asseurera

Mon cueur et puis vous contera Son fait, mais que nul ne l’escoute ; Dangier grant guet sur lui fera, C'est une chose que fort doubte.

Et se mettra souvent en presse D'ouir tout ce que je diray Mais je pense que par sagesse Si tresbien me gouverneray Et telle maniere tendray Que faulx Dangier trompé sera, - Ne nulle riens n'appercevra ; Si mettra 1l sa painne toute D'espier tout ce qu’il pourra ; C'est une chose que fort doubte.