LIT

E mocqués vous, Joyeux Espoir ?

it Par parolles trop me menés,

LP. 75

Pensez vous de me decevoir ?

Chascun jour vous me promettés Que briefment veoir me ferés

Ma Dame, la gente Princesse, Qui a mon cueur entierement ; Pour Dieu, tenés vostre promesse, Car trop ennuie qui attent!

Îl a long temps, pour dire voir, Que tout mon estat congnoissés.

N’ay je fait mon loyal devoir D’endurer, comme bien.savés ?

Ouil, ce croy je, plus qu’assés.

Temps est que me donnez liesse ;

Desservie l’ay loyaument.

Pardonnez moy se je vous presse, Car trop ennuie qui attent.

Ne me mettez a nonchaloir, Honte sera se me failliés, Veu que me fie, main et soir, En tout ce que faire vouldrés.

Se mieulx faire ne me povés,

Au moins moustrez moy ma maistresse

Une fois, pour aucunement Allegier le mal qui me blesse :

Car trop ennuie qui attent!

Espoir, tousjours vous m'asseurés

Que bien mon fait ordonnerés :

Bel me parlés,je le confesse.

Mais tant y mettés longuement

BALLADES, LI, 6 — LIi, 31

CHARLES D'ORLÉANS

Que je languis en grant destresse, Car trop ennuie qui attent.

E premier jour du mois de May S’acquitte vers moy grandement ;

Car, ainsi qu’a present je n’ay En mon cueur que dueil et tourment, Il est aussi pareillement Troublé, plain de vent et de pluie; Estre souloit tout autrement, Ou temps qu’ay congneu en ma vie.

Je croy qu’il se mect en essay De m’acompaignier loyaument ; Content m'en tiens, pour dire vray, Car meschans, en leur pensement, Reçoivent grand allegement, Quant en leurs maulx ont compaignie ; Essayé l’ay certainement Ou temps qu’ay congneu en ma vie.

Las! j’ay veu May joyeux et gay Et si plaisant a toute gent Que raconter au long ne sçay Le plaisir et esbatement Qu'avoit en son commandement ; Car Amour, en son abbaye, Le tenoit chief de son couvent, Ou temps [qu’ay congneu en ma vie.|