BALLADES, LI, 32 — LIV

Le temps va je ne sçay comment, Dieu l’amende prouchainnement!

Car Plaisance est endormie,

Qui souloit vivre lyement, Ou temps qu’ay congneu en ma vie.

our Dieu, gardez bien Souvenir Enclos dedens vostre pensee, Ne le laissiez dehors yssir, Belle tresloyaument amee.

Faictes que chascune journee Vous ramentoive bien souvent La maniere quoy et comment, Ja pieça, me feistes promesse, Quant vous retins premierement Ma Dame, ma seule maistresse.

Vous savez que, par Franc Desir Et Loyal Amour conseillee, Me deistes que, sans departir, De m’amer estiés fermee, Tant comme j’auroye duree.

Je metz en votre jugement Se ma bouche dit vray ou ment.

Si tiens que parler de princesse Vient du cueur, sans decevement, Ma Dame, ma seule maistresse.

Non pour tant, me fault vous ouvrir La doubte qu’en moy est entree,

78 CHARLES D'ORLÉANS

C’est que j'ay paeur, sans vous mentir, Que ne m'avez, tresbelle nee,

Mis en oubly ; car mainte annee

Suis loingtain de vous longuement,

Et n’oy de vous aucunement

Nouvelle pour avoir liesse ;

Pour quoy vis doloreusement,

Ma Dame, ma seule maistresse.

Nul remede ne sçayÿ querir Dont ma doleur soit alegee, Fors que souvent vous requerir Que la foy que m'avez donnee Soit par vous loyaument gardee.

Car vous congnoissiez clerement Que, par vostre commandement, Ay despendu de ma jeunesse Pour vous attendre seulement, Ma Dame, ma seule maistresse.

Plus ne vous couvient esclarsir La chose que vous ay comptee ; Vous la congnoissiez, sans faillir :

Pour ce soyez bien advisee Que je ne vous treuve muee.

Car, s’en vous treuve changement, Je requerray tout haultement Devant l’amoureuse Deesse

Que j'aye de vous vengement,

Ma Dame, ma seule maistresse.

Se je puis veoir seurement Que nr'amés tousjours loyaument,

SO