BALLADES, LXI, 3 — LXII

Ï1 n’est fueille ne fleur qui dure Que pour un temps, car esprouvee 35 J’ay la chose que j’ay contee, Comme lors fut mon aventure.

E lendemain du premier jour de May, Dedens mon lit ainsi que je dormoye,

Au point du jour m’avint que je songay Que devant moy une fleur je veoye Qui me disoit : « Amy, je me souloye s En toy fier, car pieça mon party Tu tenoies, mais mis l’as en oubly, En soustenant la fueille contre moy ; J’ay merveille que tu veulx faire ainsi :

Riens n’ay meffait, se pense je, vers toy. » 10

Tout esbahy alors je me trouvay.

Si respondy, au mieulx que je savoye :

« Tresbelle fleur, oncques je ne pensay Faire chose qui desplaire te doye :

Se, pour esbat, Aventure m’envoye ts Que je serve la fueille cest an cy, Doy je pour tant estre de toy banny?

Nennil certes, je fais comme je doy:

Et se je tiens le party qu’ay choisy, [p. 89] Riens n’ay meffait, ce pense je, vers toy. 20

« Car non pour tant, honneur te porteray De bon vouloir, quelque part que je soye, Tout pour l'amour d’une fleur que j’amay

CHARLES D'ORLÉANS

Ou temps passé. Dieu doint que je la voye En Paradis, aprés ma mort, en joye !

Et pour ce, fleur, chierement je te pry, Ne te plains plus, car cause n’as pourquoy, Puis que je fais ainsi que tenu suy :

Rien n'ay meffait, ce pense je, vers toy.

« La verité est telle que je dy,

J'en fais juge Amour, le puissant roy; * Tresdoulce fleur, point ne te cry mercy, Riens n’ay meffait, se pense je, vers toy! »

N la forest d'Ennuyeuse Tristesse,

Un jour m’avint qu’a par moy cheminove LT

Si rencontray l’Amoureuse Deesse Qui m'appella, demandant ou j’aloye.

Je respondy que, par Fortune, estoye Mis en exil en ce bois, long temps a, Et qu'a bon droit appeller me povoye L’omme esgaré qui ne scet ou il va.

En sousriant, par sa tresgrant humblesse, Me respondy : « Amy, se je savoye Pourquoy tu es inis en ceste destresse, À mon povair voulentiers t’'ayderoye ; Car, ja pieça, je mis ton cueur en voye De tout plaisir, ne sçay qui l’en osta; Or me desplaist qu'a present je te voye L'omme esgaré qui ne scet ou il va.