COPIE DE LA QUITTANCE DESSUS DICTE

ACHENT presens et avenir, Que nous, Amours, par Franc Desir Conseilliez, sans nulle contrainte,

Va OO

Aprés qu'avons oy la plainte É [p. 115]

De Charles, le duc d’Orlians, Qui a esté par plusieurs ans Nostre vray loyal serviteur, Rebaillié lui avons son cueur Qu'il nous bailla pieça en gage, Et le serement, foy et hommage Qu'il nous devoit, quittié avons Et par ces presentes quittons.

Oultre plus, faisons assavoir, ® Et certiffions, pour tout voir, Pour estoupper aux mesdisans 385 La bouche, qui trop sont nuisans, Qu'il ne part de nostre service Par deffaulte, forfait ou vice, Mais seulement la cause est telle :

Vray est que la Mort trop cruelle 390 A tort lui est venu oster Celle que tant souloit amer, Qui estoit sa Dame et maistresse, S’amie, son bien, sa leesse.

Et pour sa loyauté garder, 395 Il veult desormais ressembler A la loyalle turturelle Qui seule se tient a par elle, Aprés qu’elle a perdu son per.

Si lui avons voulu donner 400 Congié du tout de soy retraire Hors de nostre court, sans forfaire.

Fait par bon conseil et advis De noz subgiez et vrais amis, [p. 114] En nostre present Parlement 405 Que nous tenons nouvellement.

En tesmoing de ce avons mis Nostre seel, plaqué et assis En ceste presente quittance, Escripte par nostre ordonnance. 410 Presens mains notables recors, Le jour de la Feste des Mors, L'an mil quatre cent trente et sept, Ou chastel de Plaisant Recept.

Charles d'Orleans 8

CHARLES D ORLÉANS

OS j'euz mon cueur et ma quittance, 415$

Ma voulenté fu assouvie, Et non pour tant, pour l’acointance Qu'avoye de la seigneurie D’Amour et de sa compaignie, Quant vins a congié demander, Trop mal me fist la departie Et ne cessove de pleurer.

Amour vit bien ma contenance, Si me dist : « Amy, je vous prie, S’il est riens dessoubz ma puissance Que vueilliez, ne l’espargniez mie. »

Tant plain fu de merencolie,

Que je ne peuz a lui parler Une parolle ne demye Et ne cessoye de pleurer.

Ainsi party en desplaisance D’Amour, faisant chiere marrie, Et, comme tout ravÿ en transse, Prins congié, sans que plus mot dye.

À Confort dist qu'il me conduye, Car je ne m'en savoye aler :

J'avoye la veue esbluye Et ne cessoye de pleurer.

ONFORT, me prenant par la main, Hors de la porte me convoye;

Cp. 115]

es sf 4

Car Amour, le roy souverain,

Luy chargea moy moustrer la voye Pour aler ou je desiroye ;

C’estoit vers l’ancien manoir

Ou en enffance demouroye,

Que l’en appelle Nonchaloir.

À Confort dis : « Jusqu’a demain Ne me laissiez, car je pourroye Me forvoier, pour tout certain, Par desplaisir, vers la saussoye Ou est Vieillesse rabat joye ; Se nous travaillons fort ce soir, Tost serons au lieu que vouldroye, Que l’en appelle Nonchaloir. »

Tant cheminasmes qu’au derrain Veismes la place que queroye ; Quant de la porte fu prouchain,

Le portier qu’assez congnoissoye, [p. 116]

Si tost comme je l’appelloye Nous receu, disant que pour voir Ou dit lieu bien venu estoye, Que l'en appelle Nonchaloir.

E gouverneur de la maison, L Qui Passe Temps se fait nommer, Me dist : « Amy, ceste saison Vous plaist il ceans sejourner ? »

Je respondy qu’a brief parler,

CHARLES D'ORLÉANS

Se lui plaisoit ma compaignie, Content estoie de passer Avecques lui toute ma vie. 470

Et lui racontay l’achoison Qui me fist Amour delaissier; I] me dist qu’avoye raison, Quant eut veu ma quittance au cler Que je lui baillay a garder ; 475 Aussi de ce me remercie Que je vouloie demourer Avecques lui toute ma vie.

Le lendemain, lettres foison À Confort baillay a porter 480 D’umble recommandacion, Et le renvoiay sans tarder Vers Amour, pour lui raconter Que Passe Temps, a chiere lye, M’avoit receu pour reposer 485 Avecques luy toute ma vie. [p. 117]

À tresnoble, hault et puissant seigneur Amour, Prince de mondaine doulceur.

RESEXCELLENT, treshault et noble prince, Trespuissant roy en chascune province, 490 Si humblement que se peut serviteur Recommander a son maistre et seigneur, Me recommande a vous, tant que je puis, Et vous plaise savoir que tousjours suis Tresdesirant oïr souvent nouvelles 49;

De vostre estat, que Dieu doint estre telles

Et si bonnes comme je le desire,

Plus que ne sçay raconter ou escrire ;

Dont vous supli que me faictes sentir

Par tous venans, s’il vous vient a plaisir; 500 Car d’en oïr en bien et en honneur,

Ce me sera parfaitte joye au cueur.

Et s’il plaisoit a votre seigneurie

Vouloir oïr, par sa grant courtoisie,

De mon estat, je suis en tresbon point, 505 Joyeux de cueur, car soussy n’ay je point;

Et Passe Temps, ou lieu de Nonchaloir,

M'a retenu pour avec lui manoir

Et sejourner, tant comme me plaira,

Jusques a tant que Vieillesse vendra; S10 Car lors fauldra qu'avec elle m'en voise Finer mes jours. Ce penser fort me poise [p. 118]

Dessus le cueur, quant j'en ay souvenance ;

Mais, Dieu mercy, loing suis de sa puissance, Presentement je ne la crains en riens, 15 N’en son dangier aucunement me tiens!

En oultre plus, sachiés que vous renvoye

Confort, qui m'a conduit la droite voye

Vers Nonchaloir, dont je vous remercie

De sa bonne joyeuse 'compaignie ; 520 En ce fait a vostre commandement,

De bon vouloir et tressoingneusement;

Auquel vueilliez donner foy et fiance

En ce que lui ay chargié en creance

De vous dire plus plainnement de bouche, 525 Vous suppliant qu’en tout ce qui me touche,

Bien a loisir, le vueilliez escouter,

Et vous plaise me vouloir pardonner

CHARLES D'ORLÉANS

Se je n’escris devers Vostre Excellence, Comme je doy, en telle reverence Qu'il appartient, car c’est par Non Savoir Qui destourbe d’acomplir mon vouloir.

En oultre plus, vous requerant mercy, Je congnois bien que grandement failly, Quant me parti derrainement de vous, Car j'estoye si raempli de courrous Que je ne peu un mot a vous parler, Ne mon congié, au partir, demander.

Avecques ce, humblement vous mercie

Des biens qu’ay euz soubz vostre seigneurie.

Autre chose n’escris, quant a present, Fors que je pry a Dieu, le Tout Puissant, Qu'il vous ottroit honneur et longue vie, Et que puissiez tousjours la compaignie De faulx Dangier surmonter et deffaire, Qui en tous temps vous a esté contraire.

Escript ce jour troisiesme, vers le soir, En novembre, ou lieu de Nonchaloir.

Le bien vostre, Charles, duc d’Orlians, Qui jadis fut l’un de voz vrais servans.