RONDEAUX, CXLIX, 9 — CLIII

Ce monde voy En enpirant, Pense [de toy Dorenavant.| 8

Regarde et oy, Va peu parlant ; Dieu tout puissant Fera de soy.

Pense [de toy.| | 13

E n'est riens qui ne puistestre, [p. 335] On voit de plus grans merveilles Que de baster aus corneilles

Lez mariz et l’erbe pestre. 4

Car de jouer tours de maistre Femmes sont lez nonpareilles ; Ce n'est [riens qui ne puist estre, On voit de plus grans merveilles.] 8

Tant aux huis, comme aux fenestres, En champs, jardins ou en trailles, Par tout ont yeulx et oreilles, Soit a destre ou a senestre; Ce n’est [riens qui ne puist estre.] 13

CLIIIT

R est de dire : Laissez m’en paix, [p. 336] Et tout plain de : Rien ne m'est plus,

CHARLES D'ORLÉANS

Mes propos sont en ce conclus Qu'ainsi demourray desormais.

De s’entremettre de mez fais, Je n’en requier nullez ne nuls, Or est [de dire : Laissez m’en paix, Et tout plain de : Rien ne m'est plus.]

Fortune, par sez faulz atrais, En pipant, a pris a la glus Mon cueur, et en soussi reclus Se tient, sans departir jamais.

Or est [de dire : Laissez m’en paix.]

"EST grant paine que de vivre en ce monde, [p.337]

Encore esse plus paine de mourir ; Si convient il, en vivant, mal souffrir, Et au derrain, de mort passer la bonde.

S'aucune foiz joye ou plaisir abonde, On ne Îles peut longuement retenir.

C'est grant paine [que de vivre en ce monde, Encore esse plus paine de mourir.]

Pour ce, je vueil comme fol qu'on me tonde Sc plus pense, quoy que voye a venir,

Qu'a vivre bien et bonne fin querir.

Las ! il n’est rien que Soussy ne confonde ; C'est grant [paine que de vivre en ce monde!]