LE LIVRE CONTRE TOUT PECHÉ

Qui veult a grant honneur venir, Il doit l’amour Dieu acquerir ; Car sans icelle moiennent,

Nul ne peut faire bonnement Aucune morale euvre,

Se la grace de Dieu n’y euvre.

Pour ce pri la trinité

Et la dame d’umilité Qu’ilz me vueillent tel sens donner Qu'un livre puisse composer Qui soit d’aucune utilité, Pourfitant a humanité,

En l'onneur de Dieu et prouffit De celui qui ce livre fit :

Lequel livre est appellé

Le LIVRE CONTRE TOUT PECHÉ.

Du pechié d’orgueil

Cil qui se vueult enorgueillir, 11 peut bien exemple querir Au mauvais ange Lucifer, Qui fut depuis deable d'enfer, Lequel, par oultrecuidance, Cuida plus avoir puissance

Charles d'Orléans.

CHARLES D'ORLÉANS

Que celui qui nous tous fourma

Et le monde de neant crea.

Et par lui Dieu nous demonstra Que celui qui orgueil aura, Ne sera pas de lui amé,

Mais en enfer sera dampné. Car cil qui orgueil en lui a, Tousjours les vices il aura.

Premiers sont ire et envie, Avarice et gloutonnie,

Peresse, toute luxure ;

Adonc laisse la nature

Des hommes, et vie des bestes Prendra, qui sont deshonnestes.

Du pechié d'avarice

Puis que j'ai parlé d’orgueil, Maintenant parler je vueil D'un tres deshonneste peché Qui avarice est appellé.

Lequel pechié si atise

Les cuers des gens et avise Comment il pourra en enfer Les ames des gens amener

Par son art, par sa cordelle,

Et par sa mauvaise querelle.

Mais se nous avons bien regart A l’enseignement Saint Bernart, Je croi que nous laisserions L'avarice, et l’autre prendrions.

Car tout l'argent et tout l’avoir Ne sont fors que enfer avoir.