DES DAMES DU TEMPS JADIS

Dictes moy où, n'en quel pays.

Est Flora, la belle Rommaine ;

Archipiada, ne Thaïs,

Qui fut sa cousine germaine ;

Echo, parlant quant bruyt on maine

Dessus rivière ou sus estan.

Qui beaulté ot [eut] trop plus qu'humaine?

Mais où sont les neiges d'antan !

Où est la très sage Helloïs,

Pour qui fut chastré et puis moyne

Pierre Esbaillart à Saint Denis ?

Pour son amour ot cest essoyne [ce malheur].

GRAND TESTAMENT

Semblablement, où est la royne Qui commanda que Buridan Fust gecté en ung sac en Saine?

l^is où sont les neiges d'antan !

La royne Blanche comme lis, Qui chantoit à voix de seraine 'sirène] ; Berte au grant pié, Bietris, Allis; Haremburgis qui tint le Maine, Et Jehanne, la bonne Lorraine, Qu'Englois brûlèrent à Rouan ; Où sont ilz, où, Vierge souvraine?

Mais où sont les neiges d'antan !

Envoi.

Prince, n'enquerez de sepmaine Où elles sont, ne de cest an.

Que ce reffrain ne vous remaine :

Mais où sont les neiges d'antan !

BALLADE