DES SEIGNEURS DU TEMPS JADIS SUYVANT LE PROPOS PRECEDENT

Qui plus ? Où est le tiers Calixte,

Dernier decedé de ce nom.

Qui quatre ans tint le papaliste [la papauté]?

Alphonce, le roy d'Arragon,

Le gracieux duc de Bourbon,

Et Artus, le duc de Bretaigne,

Et Charles septiesme, le Bon?

Mais où est le preux Charlemaigne !

Semblablement, le roy Scotiste,

Qui demy face ot, ce dit on,

Vermeille comme une amatiste [améthyste]

Depuis le front jusq'au menton ?

FRANÇOIS VILLON

Le roy de Chippre [Chypre], de renon ; Helas ! et le bon roy d'Espaigne, Duquel je ne sçay pas le nom?

Mais où est le preux Charlemaigne !

D'en plus parler je me désiste [je cesse];

Ce monde n'est qu'abusion.

Il n'est qui contre mort résiste,

Ne qu'y treuve provision.

Encor fais une question :

Lancelot, le roy de Behaigne [Bohême],

Où est il ? Où est son tayon [aïeul] ?

Mais où est le preux Charlemaigne !

Envoi.

Où est Clacquin [Du Guesclin], le bon Breton? Où le conte Daulphin d'Auvergne Et le bon feu duc d'Alençon?

Mais où est le preux Charlemaigne?

BALLADE