LXXXVI (1). — BALADE

Si de mon cuer et de ma douce amour, Sans reconfort de nulle creature, M'estuet languir en obscure langour, Com c1lz qui n’a de nulle joie cure; s N'en moy ne puet manoir envoiseüre, Eins en est hors, quant je ne puis veoir Mon cuer, m'amour, ma joie et mon espoir.

Ne je ne say à qui faire clamour De la dolour qu'en desirant endure,

10 Pour ce que riens, fors ma dame d’onnour, Ne me porroit aligier de m'ardure.

Dont puis je attendre une dure aventure, Car j'eslonge tout adès main et soir Mon cuer, m'amour, ma joie et mon espoir.

15 Et pour ce pri ma dame de valour, Qui tant par est douce, plaisant et pure, Que, se je sui loing de son noble atour, Qu'elle vueille de moy estre seüre Que je la ser et l’aim sans mespresure,

20 Et qu’aveuc li demeurent, sans mouvoir, Mon cuer, m'amour, ma joie et mon espoir.