LXXXVIL. — BALADE

M''<* mon cuer me convient eslongier De vous que j’aim miex que mi proprement, Et si ne sçay terme de repairier Ne de veoir vo dous viaire gent, Si que durer ne puis pas longuement En la dolour qu'il me convient avoir, Pour ce que trop vous desir à veoir.

Car cilz desirs me tient en son dangier Et me destreint adès si asprement Qu’anientir me fait tout et sechier Pour l’ardure qui m'alume et esprent.

[lelas ! einsi pour amer loiaument M’estuet grief mal sans joie recevoir, Pour ce que trop vous desir à veoir.

Mais vraiement, se jamais aligier

Ne me devoit mon dolereus tourment,

Si vueil je adès de fin cuer et d’entier Vous honnourer et servir humblement Et estre vrais loyaus amis, comment Que bonne Amour me face moult doloir, Pour ce que trop vous desir à veoir.